E̩sta 2:9 - O̩TAKADA O̩LA O̩JO̩ 1970

⁹ Oñ imo̩to̩ onobule̩ le̩ nyo̩ owñ eju; tak i chane̩ emo̩la ñw u; oñ i hika mʼe̩wñ kʼi ane̩ gwo̩la rinyo̩ ko ñw u piopio, manyʼe̩wñ ki chʼukpe̩-wñ, kpai abimo̩to̩ abobule̩ mebie ki chʼeju-wñ ku ma ko ñw u kwef abʼunyi onu. I la mʼowñ du manyʼabimo̩to̩-wñ mebie kwʼo̩mo̩ tʼuña ki nyo̩ tʼuma le ef unyi abobule̩.

E̩sta 2:9 ပူးပေါင်းရင်းမြစ်များ

Ita, Ita 16:7

E̩gba kʼona one̩ nyo̩ Jihofa eju, i chaka chʼame̩nebi-wñ, i aje̩ ñw e̩do̩-ma bo̩ rʼu.

Abakwane̩ 39:21

Jihofa muda dʼugbo Jose̩f, i dʼufe̩de̩nyo̩-wñ ñʼo̩, i je̩ ñw agboji unyi uga le̩ liʼu eju.

E̩sta 2:12

Oñ e̩gba kʼiko imo̩to̩ onobule̩ okoke le̩ jo̩ ku ma agudu nyʼugbo onu Ahasurus, owñ chʼabu ku ma fʼe̩wñ kʼo̩da ka che ñw abobule̩ le̩ ochu me̩gwe-ji, (todu alu kʼo̩jo̩ egwo̩la rinyo̩-ma ajo̩ de̩, ochu me̩fa ma nʼekpo mur che, oñ ochu me̩fa ma nʼe̩wñ ki akpo kpai e̩wñ ki bo̩ tod o̩la abobule̩ egworinyo̩ che).

E̩sta 2:3

Onu ki la kʼamone̩ jo̩ ojane̩ ojane̩ du ugbo kʼoda-wñ te̩ kade ku ma tu, kʼama le̩ ki ko abigbe̩le̩ ku ma ma mʼe̩ne̩ke̩le̩ n ku ma chʼalifia chaka wʼunyi onu ku ma do̩ ko̩ Shushan-i, tef unyi abobule̩ ku ma ko ma nyʼef o̩wo̩ Hegai, onoji onu kʼi ade abobule̩; kʼama ki ko e̩wñ ku ma ne̩ gwo̩la-ma rinyo̩ ñw ma.

Danie̩l 1:9

O̩jo̩ la je̩ ñw agboji amonoji ki li Danie̩l eju kʼi mo̩la ñw u kʼi no̩ liʼu ejumomi.

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

E̩wñ kʼAme̩nukpuche̩ Che 7:10

Oñ i mʼowñ gba kwef o̩bata-wñ du. Tak i mʼufe̩de̩nyo̩ kpʼibe du ñw u eju Fero onu Ijipti. Owñ le̩ mʼowñ du dago kʼi chʼuto̩gba ane̩ Ijipti kpʼo̩gbo̩ abunyi-wñ du.

Eli Eko̩ DʼO̩jo̩ 106:46

I no̩ je̩ ñw ejumomi-ma ki che abo du ku ma ko ma nyʼef amu.

1 Amonu 8:50

kʼe̩ to̩no̩ ñw amone̩-we̩ ku ma dʼuwe̩ re le̩, kpai ena ku ma na bʼe̩ te̩; kʼe̩ che ku ma mud ame̩nejumomi eju abo ku ma mu ma lelo le̩, kʼama ki li ma ejumomi

Nihe̩maya 2:8

kpai o̩takada kʼu nadu ñw Asaf, e̩ne̩ ki ade efoko onu le̩, kʼi kʼoli ñwu mi kʼu bʼigbo-wñ tod alaku unyi lile kʼi manyʼunyi le̩ kpai tod o̩do̩ ewo le̩ kpai tod unyi kʼomi onugo atʼo̩. Tak onu mʼu ko ñwu mi teju alu kʼo̩wo̩ e̩nyo̩ O̩jo̩-mi nʼumi oji.

E̩sta 5:2

Tak abe̩le̩, e̩gba kʼonu fʼE̩sta, o̩ya onu li, kʼi dago anuku le̩, onu li owñ eju; tak onu fʼokute̩ o̩jamalia kʼi dʼef o̩wo̩-wñ nadala ñw u. Abe̩le̩ E̩sta te̩me̩rʼu, oñ i do̩wo̩kadʼoji okute̩ le̩.

Abakwane̩ 39:4

Oñ i li Jose̩f eju, Jose̩f la chʼe̩wñ ñw u, oñ i mʼowñ du chʼadejutʼunyi-wñ, e̩wñ du kʼi ne̩ i la ko jʼef o̩wo̩-wñ.