E̩sta 2:23 - O̩TAKADA O̩LA O̩JO̩ 1970

²³ Tak e̩gba ku ma fʼili e̩wñ le̩ gwa, ku ma li ka kʼabe̩le̩ i de̩, ma kʼamameji le̩ lo̩ko̩li oj oli. Oñ ma dʼo̩la le̩ ko̩ rʼef o̩takada Iko E̩wñ eju onu le̩.

E̩sta 2:23 ပူးပေါင်းရင်းမြစ်များ

E̩sta 10:2

Oñ e̩wñ kʼukpahiu-wñ che chaka, kpai ugbiti-wñ kpai o̩la unana Mo̩rde̩kai chaka, owñ chʼe-kʼonu dʼu nyʼo̩gba le̩, ama fʼe-le̩ ko̩ rʼef ibuku e̩wñ iko iko amonu Me̩dia kpai Pe̩rsia le̩ n?

Abakwane̩ 40:22

ama i mʼagboji abo ku ma che uje̩wñ ayaga ñw u je̩ du lo̩ko̩li dabalu ku Jose̩f kʼoji-wñ ñwu ma.

Abakwane̩ 40:19

gbogbo tak o̩jo̩ me̩ta ki jo̩ Fero adʼoji-we̩ dago bʼuwe̩ o̩la te̩! i la adʼuwe̩ lo̩ko̩li olʼoli; ame̩we̩ la agbe̩ o̩re̩la-we̩ je̩ bʼachiku-we̩ te̩.

Malakai 3:16

Tak abo ku ma railo Jihofa nako̩la ñw o̩la-ma. Jihofa neti, i la gbo̩, oñ ma fʼo̩takada urewa abo ku ma railo Jihofa ku ma la dibetʼodu-wñ ko̩ o̩gba-wñ.

E̩sta 7:10

Abe̩le̩ ma mu Heman du lo̩ oj oku kʼi ñwo̩che te̩ todu Mo̩rde̩kai. Tak e̩do̩fulu onu nyi.

E̩sta 5:14

Taku Ze̩re̩sh, o̩ya-wñ, kpai ame̩nufe̩do̩-wñ chaka ka ñw u kakini, Je̩ ñwu ma dʼoli gwanyane̩ kʼo̩gba-wñ ki chʼohiba ooje, tak e̩ ko̩la ñw onu odudu kʼama ki du Mo̩rde̩kai kpa oku; tak e̩ lebʼonu nyʼoko̩te̩ le̩ kpai uyo̩. Oñ e-le̩ nyo̩ Heman eju; oñ i je̩ ñwu ma dʼoli le̩ gwanyane̩.

Jo̩shua 8:29

I la mʼonu Ai le̩ du lo̩ko̩li oj oli gbogbo dʼo̩jo̩: tak abu kʼolu atunyane̩ Jo̩shua ñwa ñwu ma, taku ma mʼoku-wñ du tane̩ bʼoj oli te̩, oñ ma mʼu du rikpolo tʼalaku ewo le̩, ma la fʼokuta re bʼoji-wñ ma ki gba dab ugbudu lile, kʼi dago o̩mo̩ gbogbo tʼeñini.

E̩sta 6:1

Odu o̩jo̩ le̩ eju onu gbe̩, oñ i ñwa-ñwu ma ku ma dʼo̩takada ku ma ko̩ o̩la e̩wñ du ki che iko iko akwoubi nyu wa. Taku ma fʼo̩kalatu-wñ che eju onu.

E̩zra 4:15

ku ma ki natejane̩ ef o̩takada iko e̩wñ amata-we̩ le̩; abe̩le̩ tak uwe̩ ali ef o̩takada iko e̩wñ le̩ alu kʼewo-i chʼagbite̩re̩, kʼi akpʼe̩wñ amonu bie̩, kpai e̩wñ ojane̩ ojane̩, kʼama la dʼamone̩ utu ku ma la gbʼo̩la-ma tane̩ igbelegbele, e̩wn ki chi ku ma fʼewo-i gwʼalache̩ te̩ le̩ de̩.