E̩sta 1:6 - O̩TAKADA O̩LA O̩JO̩ 1970

⁶ Ma ne̩ line̩n ku ma hi reju chʼiku odufa ekpikpa fʼukpo efufu kpai emimi kpai odufa ji mʼelika ajifa kʼi ta nyʼoli ugbogaga ku ma nʼokuta e̩kina che. E̩wñ ugugu-wñ chʼo̩jamalia kpai ajifa, e-le̩ jʼoj ajita okuta ekpikpa kpai efufu kpai odo kpai edudu.

E̩sta 1:6 ပူးပေါင်းရင်းမြစ်များ

Emo̩s 6:4

Ame̩ dachi oj ate̩ ku ma nʼenyi adagba che, me̩ fʼo̩la-me̩ nadala oj e̩wñ ugugu-me̩ lile, me̩ la kpʼamo̩mala kwʼef ame̩wño̩re̩ egini je̩, kpʼamo̩mokuno̩ kwʼalumeji iga;

Izikie̩l 23:41

oñe̩kwogugu oj ate̩ ojima, e̩wñ te̩rʼoj itebulu o̩gba-wñ, oñ otulale-mi kpʼekpo-mi jʼoji-wñ.

Emo̩s 2:8

ma la kʼo̩la-ma dachi o̩la ubo̩ iche̩bo̩ du nʼoj ukpo ku ma gba ofo̩ko̩; ma la jʼef unyi O̩jo̩-ma añmo̩ o̩te̩ achiwebe̩te̩ma e-abo ku ma bʼudu ñw ma.

E̩sta 7:8

Tak onu dabi kwʼef uche̩ o̩la unyi onu wʼoko̩te̩ achiwebe̩te̩ma le̩, oñ Heman fiane̩ tʼoj ate̩ ugbo kʼE̩sta gugu; tak onu kakini, I ñ amʼo̩ya onu uja eju-mi, ef unyi-mi-i ge̩? Abu kʼo̩la le̩ kwʼef alu onu dufu ma dʼe̩wñ bʼeju Heman ma.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

Akwodufu 26:1

Tak uwe̩ ki kʼibali ukpo me̩gwa ta che uña ugugu; ukpo-wñ ki che line̩n ku ma hi reju kʼowu-wñ chʼe̩da bie̩ kʼi chʼodufa kpai odufa ekpikpa kpai ekpikpa; amiche̩rub kʼabo ku ma chʼo̩ka uko̩lo̩-wñ che ajʼo̩la-wñ.

1 Samiue̩l 28:23

I muda ko̩, i kakini, U je̩ n. Ama amadu-wñ manyʼonobule̩ le̩ kutʼowñ; tak i gbʼomu-ma gbo̩. Abe̩le̩ tak i kwane̩ bʼane̩pe̩te̩ te̩, oñ i kwogugu oj ate̩.

Emo̩s 3:12

Abu ki Jihofa aka de̩ kakini: Alu kʼadide ame̩wño̩re̩ agba e̩re̩ meji kwʼef alu idu, abe̩k e̩bo eti-wñ, abe̩le̩ ma agba abo Israe̩l ku ma gugu Samaria oj o̩kpo̩kpo̩ lile o̩wo̩ʼka, kpʼoji aloji siliki oj ate̩.