Emo̩s 7:1 - O̩TAKADA O̩LA O̩JO̩ 1970

¹ Abu kʼOndu Jihofa ña mi le̩ de̩: me̩ la go, i nabo̩ amimiejo iko kʼo̩la e̩wñ oko e-ubiane̩ chane̩ eya; me̩ la go, i chʼiko kʼe̩wñ oko aya abu kʼonu mʼuje̩wñ ejodudu ko.

Emo̩s 7:1 ပူးပေါင်းရင်းမြစ်များ

Aizaya 33:4

ma la añʼane̩ alu kʼamide̩ añʼane̩; amone̩ la aro̩ bʼo ma alu kʼamimiejo aro̩ bʼe̩wñ ma.

Je̩re̩maya 24:1

Abu ku Ne̩biukadre̩za, onu Babilo̩n, mu Je̩konaya, o̩ma Jiho̩yakim, onu Juda, manyʼamagboji Juda kpʼamacho̩na e̩wñ, kpʼamagwalo̩ ño̩ kwo Je̩rusale̩m kʼi la ko ma wa Babilo̩n, Jihofa dʼe̩wñ-i ña mi: Go, agba o̩gbaikolo meji jʼane̩ o̩gba unyi Jihofa.

Izikie̩l 11:25

Tak u mʼe̩wñ du ki Jihofa ko̩ ña mi du ka ñw abo amu le̩.

Joe̩l 1:4

E̩wñ kʼide̩ imiejo to̩no̩, akpa imiejo mʼu ko je̩. E̩wñ kʼakpa imiejo to̩no̩, imiejo onugo mʼu ko je̩, oñ e̩wñ kʼimiejo to̩no̩, ide̩ abedudu mʼu ko je̩.

Joe̩l 2:25

Omi adʼo̩do̩ o̩do̩ kʼakpa imiejo je̩ le̩ dabi wa ñw me̩, imiejo kpʼide̩ abedudu kpʼide̩ imiejo, ku ma chʼabogu-mi, ki wewe kʼu kpe̩ wʼef ume̩ le̩.

Emo̩s 4:9

U kʼikpetubi kpʼe̩wñ ekpebu kpa me̩; ide̩ imiejo fʼuwewe ane̩ uche̩-me̩ kpʼuche̩ achiwebe̩te̩ma-me̩ kpʼoli o̩gbaikolo-me̩ kpʼoli o̩lif-me̩ lie̩; me̩ la dabi wʼugbo mi n, Jihofa aka-i.

Emo̩s 7:4

Abu kʼOndu Jihofa ña mi de̩: me̩ la go, Ondu Jihofa dʼudo̩ ku ma nʼuna wa juja; oñ e-le̩ fʼunefu lie̩ kpa, oñ i le kʼi ño̩ mʼane̩-i ko mi.

Emo̩s 7:7

Oñ i ña mi: me̩ la go, Ondu dago oj o̩do̩ ku ma nʼiku kʼe̩wñ ki woji ji mʼo̩ añwa udago o̩kpakpa-wñ. Iku e̩ñwa udago o̩kpakpa e̩wñ la dʼef o̩wo̩-wñ.

Emo̩s 8:1

Abu ki Jihofa ña mi de̩: e̩ la go, agba e̩roli o̩lo̩ji te̩.

Ze̩karaya 1:20

Taku Jihofa kʼamagwalo̩ me̩le̩ ña mi.

Malakai 3:11

Tak omi adejurʼafʼe̩wñ lie̩ le̩ todu me̩, kʼi we ekpʼe̩ro ane̩-me̩ bie̩; e̩ro achiwebe̩te̩ma oko-me̩ aña rinyo̩ o̩gba tak iko-wñ jo̩ n, Jihofa, ki nʼe̩wñ du ka-i.