Emo̩s 6:4 - O̩TAKADA O̩LA O̩JO̩ 1970

⁴ Ame̩ dachi oj ate̩ ku ma nʼenyi adagba che, me̩ fʼo̩la-me̩ nadala oj e̩wñ ugugu-me̩ lile, me̩ la kpʼamo̩mala kwʼef ame̩wño̩re̩ egini je̩, kpʼamo̩mokuno̩ kwʼalumeji iga;

Emo̩s 6:4 ပူးပေါင်းရင်းမြစ်များ

Jeme̩s 5:5

Ame̩ te̩tajʼile-i ajʼura, me̩ la jʼachile̩; me̩ je̩ ñw e̩do̩-o̩la-me̩ bo o̩jo̩ku ma kpʼone̩ dab e̩la.

Emo̩s 3:12

Abu ki Jihofa aka de̩ kakini: Alu kʼadide ame̩wño̩re̩ agba e̩re̩ meji kwʼef alu idu, abe̩k e̩bo eti-wñ, abe̩le̩ ma agba abo Israe̩l ku ma gugu Samaria oj o̩kpo̩kpo̩ lile o̩wo̩ʼka, kpʼoji aloji siliki oj ate̩.

Luku 16:19

Oñ e̩ne̩ʼka do̩mo̩ ki chʼanana; i la anyi e̩wñ odufa kpai ukpo line̩n ki nyo̩, i la do̩mo̩ achile̩ o̩jo̩ñwa o̩jo̩ñwa.

Aizaya 22:13

e̩ la go, i mud uyo̩ kpai e̩do̩ e̩bo̩ kpʼamokuno̩ kpʼame̩wño̩re̩ egini ekpa, kpʼe̩la e̩je̩ kpʼomi achiwebe̩te̩ma eñmo̩. A ki jʼe̩wñ kʼa ñmo̩, todu a aku o̩na.

Eli Eko̩ DʼO̩jo̩ 73:7

Oyo-ma akʼo̩kpo̩ e̩yo̩ eju-ma dufu, ma fʼe̩wñ ne̩ tʼe̩wñ kʼe̩do̩ one̩ aneku le.

E̩sta 1:6

Ma ne̩ line̩n ku ma hi reju chʼiku odufa ekpikpa fʼukpo efufu kpai emimi kpai odufa ji mʼelika ajifa kʼi ta nyʼoli ugbogaga ku ma nʼokuta e̩kina che. E̩wñ ugugu-wñ chʼo̩jamalia kpai ajifa, e-le̩ jʼoj ajita okuta ekpikpa kpai efufu kpai odo kpai edudu.

Je̩re̩maya 16:8

Uwe̩ la anyʼef unyi okuje̩wñ uyo̩ kʼe̩ guane̩ kpʼama kʼe̩ je̩ kʼe̩ ñmo̩ n.

Izikie̩l 16:49

Go, e̩wñ ki chʼudu kʼo̩maye-we̩ onobule̩ So̩do̩m fe̩ de̩, kakini, Uba kpʼuje̩wñ ekʼefu kpʼekwojo̩ añmi ofo; e-le̩ dʼef uwñ kpʼamo̩ma-wñ; i la dʼukpahiu ñw o̩wo̩ e̩no̩bata kpʼe̩nale n.

Izikie̩l 23:41

oñe̩kwogugu oj ate̩ ojima, e̩wñ te̩rʼoj itebulu o̩gba-wñ, oñ otulale-mi kpʼekpo-mi jʼoji-wñ.

Emo̩s 8:3

Eli unyi O̩jo̩ la amud inaku eda o̩jo̩ le̩. Ondu Jihofa aka-i; oku one̩ awewe; ma achechi jo̩ ugbo du ako ma rinyo̩.

Maika 6:12

Todu amanana-wñ che̩ko̩ ñw e̩wñ akpulu eche; abo ku ma dodo o̩mo̩ la fʼolemi ro̩, ukpalu-ma la chʼagbʼone̩ ibe ef alu-ma.

Abakwane̩ 37:25

Taku ma kwoguane̩ ku ma jʼuje̩wñ; oñ ma chi eju-ma nyʼate̩ ago, me̩ la go, abelo̩na ku ma chʼabo Ishmae̩l kwo Gilead awa, aminyakulumi-ma nʼadu e̩wñ ido̩ro̩ kpai o̩bia oguʼka kpai otulale mur, oñ ma che ku ma ne̩ agwo̩ru nyʼIjipti.

Aizaya 28:1

Atogwo ñw ike̩be̩ uba e-amañmo̩te̩ Ifraim, kpai alifia-wñ ki chʼuto̩ ki chʼo̩dodo ki kwacha kʼi jʼoji o̩go̩ uro̩je̩ e-abo kʼomi achiwebe̩te̩ma fʼuma mu!