Emo̩s 6:2 - O̩TAKADA O̩LA O̩JO̩ 1970

² Me̩ lale nyi Kaine ku me̩ li; akwʼo̩mo̩ me̩ ki lo tu Hemat lile, taku me̩ ki gwo̩ru nyi Gat e-abo Filistia. Ama nyo̩ tʼabo ojane̩ ojane̩-i le? Alo̩me̩ e-ma nʼabe̩ tʼalo̩me̩ e-me̩ le?

Emo̩s 6:2 ပူးပေါင်းရင်းမြစ်များ

Nehum 3:8

Uwe̩ nyo̩ tu Noamo̩n kʼi dʼo̩ge̩ge̩de̩ aji aji le̩ le, e-kʼomi lo daka, e-kʼo̩kpe̩-wñ chʼohimini, kʼo̩do̩-wñ chʼomi omi le̩?

2 Amonu 18:34

Ugbo amo̩jo̩ Hemat kpai Arpad jo̩? Ugbo amo̩jo̩ abo Se̩farfe kpʼe-Hina kpʼe-Ifa jo̩? Ama gba Samaria bʼumi o̩wo̩ te̩ me̩?

Abakwane̩ 10:10

Uchane̩ ojane̩-wñ la che Bebe̩l, kpai E̩re̩k, kpai Akad, kpai Kalne̩ ojane̩ Shainar.

2 Iko Iko E̩wn 26:6

Tak i ledufu akogu bʼabo Filistia, oñ i fʼaku Gat gulo̩ kpʼaku Jabne̩ kpʼaku Ashdo̩d; tak i fʼewo ewo ko ane̩ Ashdo̩d, kpʼef abo Filistia le̩.

1 Samiue̩l 17:4

Oñ e̩nugbitiʼka kwef uru abo Filistia dufu, odu-wñ ko̩ Golayat, abo Gat; o̩gba-wñ chʼohibo̩wo̩ me̩fa nyʼo̩gabaʼka.

2 Amonu 19:13

Ugbo onu Hemat de̩? kpai onu Arpad kpai onu ewo Se̩farfe kpʼe-Hina kpai Ifa?

2 Amonu 17:30

Oñ abo Babilo̩n fu Suko̩t-beno̩t che, oñ abo Kut fu Ne̩rgal che, oñ abo Hemat fu Ashima che,

2 Amonu 17:24

Tak onu Asiria kʼamone̩ kwo Babilo̩n wa, kpai kwo Kuta, kpai kwo Afa, kpai kwo Hemat, kpai Se̩farfe wa, oñ i mʼuma ko jʼef ewo ewo Samaria koji amo̩ma Israe̩l; tak ama gbʼane̩ Samaria nyʼo̩wo̩, oñ ma kwododo ef ewo ewo-wñ.

1 Amonu 8:65

Abe̩le̩ So̩lo̩mo̩n fʼuje̩wñ uyo̩ le̩ hi iko le̩, abo Israe̩l chaka la jʼugbo-wñ, ujeju-wñ tabale akwʼugbo ku ma gudu wa Hamat gbogbo wa aji Ijipti, ma jo̩ o̩gba Jihofa O̩jo̩-wa, o̩jo̩ mebie meji, owñ chʼo̩jo̩ me̩gwe̩le.

1 Samiue̩l 17:23

Oñ abu kʼi do̩mo̩ ako̩la kpai ama go, e̩ne̩ Filistia e-Gat, kʼodu-wñ ko̩ Golayat, e̩nagbiti le̩, mute̩gu kwef udala abo Filistia awa, oñ i nʼo̩la alu kʼi te̩taka le̩ gbage̩de̩ aka; Defid la gbʼo̩.

1 Samiue̩l 5:8

Todule̩ ma fʼuche̩ kpe̩ ado̩ amo̩ga abo Filistia wugbo ma, oñ ma kakini, Ab a ache kpʼakpati O̩jo̩ e-Israe̩l-i? Taku ma dohi kakini, Ama ki nʼakpati O̩jo̩ Israe̩l dagbala nyi Gat. Abe̩le̩ ma mʼakpati O̩jo̩ Israe̩l du le.

Je̩re̩maya 49:23

E-Damaskus de̩. Ibe Hamat mudajugu me̩, kpʼe-Arpad, todu ama gbʼinabali e̩bie̩ne̩; ma muya rinyo̩, ejiji eda dʼej ohimini abadi i neke ñmi n.

1 Samiue̩l 5:10

Taku ma dʼakpati le̩ kpuche̩ nyi E̩kro̩n. Oñ i lewatu, abu kʼakpati O̩jo̩ lewa E̩kro̩n, abo E̩kro̩n kwokwa kakini, Ma mʼakpati O̩jo̩ Israe̩l du dagbala wa ñw a ku ma fʼawa kpʼabo-wa kpa.

2 Samiue̩l 8:9

Tak e̩gba ku Toi, onu Hamat, gbo̩ ka ku Defid fʼabogu Hadadeza gwoda chaka,