Emo̩s 5:27 - O̩TAKADA O̩LA O̩JO̩ 1970

²⁷ todule̩ nako me̩ nyʼef amu ej ano̩mo̩ ñwu Damaskus, Jihofa kʼodu-wñ ko̩ O̩jo̩ ki nʼe̩wñ du aka-i.

Emo̩s 5:27 ပူးပေါင်းရင်းမြစ်များ

E̩wñ kʼAme̩nukpuche̩ Che 7:43

Ame̩ laño̩ mʼebu Molo̩k gba, kpʼawo o̩jo̩ ku ma do̩ ko̩ Re̩fani, ku ma chʼuwo̩li e̩wñ ku me̩ che ku me̩ dojikane̩ ñw ma; oñ namʼume̩ ño̩ tej ano̩mo̩ ñwu Babilo̩n.

2 Amonu 17:6

O̩do̩ Hoshia e̩ke̩la onu Asiria fu Samaria du, oñ i mʼabo Israe̩l ño̩ le tu Asiria, oñ i mʼuma ko jo̩ Hela, kpai o̩la omi Hebe̩r, owñ chʼaji Gozan le̩, kpai ewo ewo, abo Me̩dia.

Emo̩s 4:13

Todule̩, go, e̩ne̩ ki abo̩ ewo uwo jo̩, kʼi la nyʼafu ki aju, kʼi laño̩ dʼibe ki dʼef uwñ ka ñw one̩; kʼi la aje̩ ñw ane̩ ki chubi odudu, kʼi la adʼe̩re̩-wñ tane̩ otete otete ane̩ ile̩-i— Jihofa, O̩jo̩ ki nʼe̩wñ du, oñ odu-wñ ko̩!

2 Amonu 15:29

O̩kpanachi Peka onu Israe̩l le̩, Tiglat-pilesa onu Asiria lewa fʼAijo̩n du kpai Ebe̩l-be̩t-maaka kpai Janoa kpai Kede̩sh kpai Hazo̩r kpai Gilead kpai Galili kpai ane̩ Naftali chaka; oñ i fʼabo le̩ mu nyʼAsiria.

Je̩re̩maya 38:17

Taku Je̩re̩maya ka ñwu Ze̩de̩kaya, kakini, Abu ki Jihofa ki nʼe̩wñ du, kʼi chʼO̩jo̩ Israe̩l, aka de̩, kakini, Iche̩wñ kʼuwe̩ adufu nyʼugbo amagboji onu Babilo̩n, mak onugo-we̩ adeju, oñ ma awe enʼuna gu ewo-i jo; oñ uwe̩ adeju manyʼabo unyi-we̩.

Emo̩s 5:26

Ame̩ mʼebu Molo̩k-me̩ kpʼo̩jo̩-me̩ kʼi chʼilawo, owñ chʼojibo ku me̩ che ñw o̩la-me̩ le̩ ko,

Emo̩s 6:1

Atogwo ñw abo ku ma jo̩ Zayo̩n añmi ofo, kpʼabo ku ma ke̩do̩no ejo̩ ku ma jo̩ oj uwo Samaria no̩ko̩o̩, owñ chʼame̩nuwohi ku ma jʼef uche̩ichi ki tʼo̩gba, e-kʼabo unyi Israe̩l awʼugbo ma!

1 Amonu 14:15

Todu Jihofa agwo abo Israe̩l alu kʼomi ohimini ami elikpo ejo, i la agu abo Israe̩l du rinyo̩ bʼojane̩ ki nyo̩ kʼi du ñw amata-ma te̩, oñ i akpa ma tuka rʼej udaba ohimini todabu ku ma fʼAshe̩rim-ma che ku ma bi Jihofa eju.

2 Amonu 17:23

gbogbo taku Jihofa mʼabo Israe̩l ño̩ bʼeju-wñ te̩ alu kʼi ka lʼalu amadu-wñ amakache̩ le̩ chaka. Abe̩le̩ ma mʼabo Israe̩l ko bʼoj ane̩-ma onugo te̩ nyʼAsiria gbogbo tʼojolu eñini.

Emo̩s 6:7

Todule̩, fa-i ama le̩ anyʼef amu manyʼabo ku ma nyʼef amu ejodudu, oñ ekuku abo ku ma fʼo̩la-ma no̩ miyaa achiya e̩fule̩fu alale rinyo̩.