Eli Eko̩ DʼO̩jo̩ 95:3 - O̩TAKADA O̩LA O̩JO̩ 1970

³ Todu Jihofa chʼO̩jo̩ inaina, kpai onu ki nana tʼamo̩jo̩ du le.

Eli Eko̩ DʼO̩jo̩ 95:3 ပူးပေါင်းရင်းမြစ်များ

Nihe̩maya 8:6

Tak E̩zra kele Jihofa, O̩jo̩ inaina; oñ amone̩ le̩ chaka dohi kakini, Ami, ami, oñ ma kʼo̩wo̩-ma nyʼate̩; ma la fʼoji dalo̩, oñ ma dojikane̩ ñwu Jihofa, eju-ma chebʼane̩ ma.

Eli Eko̩ DʼO̩jo̩ 104:1

Kele Jihofa, O onugo-mi! O Jihofa O̩jo̩-mi, uwe̩ gbe̩-gbe̩! Ojima kpai e̩gahi bʼuwe̩ o̩la ma,

Eli Eko̩ DʼO̩jo̩ 135:5

Todu u chema ka ki Jihofa chʼe̩ne̩ lile, kʼOndu-wa tʼamo̩jo̩ du le.

Eli Eko̩ DʼO̩jo̩ 145:3

Jihofa tabale, i la dukpe̩ ku ma je̩nyʼowñ tabale, etabale-wñ la nʼugbo ku ma gwʼili-wñ n.

Eli Eko̩ DʼO̩jo̩ 47:2

Todu Jihofa O̩jo̩ Chamachala abailo, owñ chʼonu lile kʼi nʼo̩da ane̩-ile̩-i du.

Eli Eko̩ DʼO̩jo̩ 47:3

I akʼamone̩ ojoji ojoji jo̩ e̩re̩-wa, kpʼabo uche̩ichi ku ma ki jʼo̩gane̩ e̩re̩-wa.

Eli Eko̩ DʼO̩jo̩ 96:4

Todu Jihofa tabale, i la dukpe̩ ku ma je̩nyu ñw u tabale ge̩; owñ chʼe̩ne̩ ku ma arailo-wñ tʼamo̩jo̩ du le.

Eli Eko̩ DʼO̩jo̩ 97:9

Todu uwe̩, Jihofa, chʼỌmachala atate̩ ñw ane̩ ile̩ du; ma hi uwe̩ dago tʼatate̩ tʼamo̩jo̩ chaka le̩ o̩lolololo.

Akwodufu 12:12

Todu omi alale gu ef ane̩ Ijipti du odu o̩jo̩ le̩, oñ nagwʼamo̩mo̩gba du oj ane̩ Ijipti dajane̩, tʼone̩, tʼe̩la abe̩re̩me̩le̩; u la abʼudu ñw amo̩jo̩ Ijipti-i chaka; omi Jihofa de̩.

Akwodufu 18:11

Ifai tak u chema ka ku Jihofa tʼamo̩jo̩ du le; ochochi, efu e̩wñ ku ma du buba ñwu ma le̩ owñ tʼuma le.

Aizaya 44:8

Ame̩ ki railo n, me̩ ki la chokpo n; omi je̩ ñw e̩ gbʼo̩ kwʼigbegbele n? U ka dufu n? Ame̩ la chʼame̩nibenu-mi! O̩jo̩ omune̩ do̩mo̩ tʼumi le? Ochochi, Okuta de̩ n; u ma e-du n.

Je̩re̩maya 46:18

Oji-mi, Onu, kʼodu-wñ ko̩ Jihofa ki nʼe̩wñ du, aka-i, I awa dabe̩ne̩ ku Tabo̩r ki jʼalumeji uwo uwo, kpai Karme̩l ki dʼet ohimini abadi chuu.

Je̩re̩maya 48:15

Mafu Moab chile̩che̩rinyo̩ me̩, ewo ewo-wñ le̩ mud oduduna me̩, abokolobia-wñ kʼi chi mugwo̩ru nyʼugbo ku ma kpa ma, Onu kʼodu-wñ ko̩ Jihofa ki nʼe̩wñ du aka-i.

Danie̩l 4:37

Fai omi, Ne̩biukadne̩za, adiba ñw Onu efojale, nahiʼu ne naño̩ dojima ñw u; todu uko̩lo̩-wñ du chʼochochi, o̩na-wñ la tʼo̩kpakpa; i la neke chi abo ku ma lule̩ ef uba ukata.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Malakai 1:14

Ama ki fʼe̩ne̩ ki chʼO̩jo̩ e̩la mu, owñ chʼe̩ne̩ ki nʼo̩kʼe̩la ef ujo̩ ame̩wño̩re̩-wñ tak i doji, tak i dʼe̩wñ e̩kpabie̩ wa chʼiche̩bo̩ ñw Ondu; todu Onu inaina omi che, Jihofa ki nʼe̩wñ du ka-i; oñ odu-mi abailo ef abo uche̩ichi.

Matiu 5:35

i chaka chʼane̩-ile̩-i, todabu ki chʼe̩wñ kʼi akʼe̩re̩ no, i chaka chʼe-Je̩rusale̩m, todabu kʼi chʼewo Onu lile.

O̩lo̩da Eduwa Onukeji 7:21

E̩ ki chokpo ma n; todu Jihofa O̩jo̩-we̩ dʼalumeji-we̩, O̩jo̩ inaina kʼi abailo i che.