Eli Eko̩ DʼO̩jo̩ 84:11 - O̩TAKADA O̩LA O̩JO̩ 1970

¹¹ Todu Jihofa O̩jo̩ chʼolu kpai ikpa-ko; Jihofa adʼufe̩de̩nyo̩ kpai ojima wa. I la nʼe̩wñ e̩nyo̩ du kʼi ado̩wo̩mo̩ ñw abo ku ma lule̩ tʼo̩kpakpa n.

Eli Eko̩ DʼO̩jo̩ 84:11 ပူးပေါင်းရင်းမြစ်များ

Ita, Ita 2:7

I akʼibe o̩lafia jo̩ ñw abo ku ma che e̩wñ tʼeju-wñ; owñ chʼikpako tod abo ku ma lʼo̩na o̩kpakpa,

Matiu 6:33

Me̩ ki la feju Ojane̩ e-wñ kpʼo̩kpakpa-wñ ejodudu, taku ma akʼe̩wñ le̩ du manyʼu ñwu me̩.

Abo Filipai 4:19

O̩jo̩ e-mi la ache kʼe̩wñ kʼeku-wñ aku me̩ ki jo̩ kpa ñwu me̩ teju alu kʼanana-wñ de̩ ef ojima efu Kraist Jisus.

Eli Eko̩ DʼO̩jo̩ 85:12

Ochochi, Jihofa adʼe̩wñ ki nyo̩ wa, tak ane̩-wa arʼoje̩.

Ita, Ita 10:9

E̩ne̩ ki alule̩ tʼo̩kpakpa mak e̩re̩-wñ amane̩ kpaka, e̩ne̩ ki muda gwejugede adʼo̩na-wñ dago̩ one̩ ama.

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Eli Eko̩ DʼO̩jo̩ 3:3

Uwe̩, O Jihofa, muda chʼugbe̩yo̩ ki lʼumi de, kpai ojima-mi kpai e̩ne̩ ki ahi umi oji dago.

Abakwane̩ 15:1

Ubi e̩wñ-i ge̩ o̩la Jihofa wʼugbo Ebram ef ane̩ ego, kakini, E̩ ki railo n, Ebram, omi chʼugbe̩yo̩-we̩; kpai uro̩me̩-we̩ ki nana ololo.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Ita, Ita 28:18

E̩ne̩ ki alule̩ tʼeju-wñ ma agbʼo̩ tane̩, e̩ne̩ kʼi lule̩ tʼo̩na meji awane̩ ababa.

Eli Eko̩ DʼO̩jo̩ 27:1

Jihofa chʼugane̩-mi kpai ujadu-mi; e̩ne̩ oñ omi arailo-wñ? Jihofa chʼaku iñmi-mi; e̩ne̩ abʼumi ailo?

Abo Filipai 1:6

A ke̩do̩no kakini, E̩ne̩ kʼi chane̩ uko̩lo̩ ki nyo̩ eche ef ume̩ le̩ ache gbogbo wʼo̩jo̩ Jisusi Kraisti ki kpoji.

Eli Eko̩ DʼO̩jo̩ 15:2

E̩ne̩ ki alule̩ tʼo̩gbolo, kʼi la achʼuko̩lo̩ o̩kpakpa, kʼi la nʼochochi aka kpʼe̩do̩-wñ;

Jo̩n 1:16

Todu o̩chaka wa mʼe̩wñ gba kwef e̩ko̩-wñ, ufe̩de̩nyo̩ la koji ufe̩de̩nyo̩.

2 Abo Ko̩rint 4:17

Todu o̩bata fuye̩ ki de̩ iko-i kʼa li-i nachuko̩lo̩ uwoji adu ojima ololo ololo e-ogbegbele̩ ñw a;

Eli Eko̩ DʼO̩jo̩ 119:114

Uwe̩ chʼuña umaja-mi kpai o̩kpa-tabeli-mi; nakibenʼo̩la-we̩.

Ita, Ita 28:6

E̩nukpa ki alule̩ ef o̩kpakpa-wñ la nyo̩ tʼe̩ne̩do̩ meji le, dagba i chaka chʼanana.

Maika 2:7

O uwe̩ kʼe̩ kʼodu Unyi Jeko̩b, i nyo̩ ku ma ka abe̩le̩? Afu O̩jo̩ bu wane̩? E̩wñ kʼowñ che de̩-i? Uko̩la-mi ache nyo̩ ñw e̩ne̩ ki alule̩ tʼo̩kpakpa n?

Abo Galatia 2:14

Ama e̩gba kʼu li ka ku ma ma lule̩ tʼo̩kpoolo teju alu kʼochochi Uche̩nyo̩ de̩ n, u ka ñwu Kifas eju ma chaka kakini, Iche̩wñ kʼuwe̩ kʼe̩ chʼiJu do̩mo̩ ache e̩wñ ile̩-i alu kʼabo uche̩ichi ache, kʼe̩ ma la che dab amaJu n, abile kʼe̩ kute̩ abo uche̩ichi kʼama ki che e̩wñ dab amaJu ke?

Eli Eko̩ DʼO̩jo̩ 84:9

O O̩jo̩, kʼe̩ chʼikpako-wa; e̩ go eju e̩ne̩-we̩ kʼe̩ fʼekpo ba tʼo̩ oji le̩!

2 Abo Ko̩rint 3:18

Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

Jo̩n 1:9

Ugane̩ e-ogbolo chʼe-ki agane̩ ñw e̩ne̩ du abu kʼi awʼile̩.

Eli Eko̩ DʼO̩jo̩ 47:9

Ame̩numo̩la amone̩ ojoji ojoji kʼo̩la-ma jeju jo̩ ñw abo O̩jo̩ e-Ebraham. Todu O̩jo̩ fʼugbe̩yo̩ ugbe̩yo̩ ane̩-ile̩ ne̩ me̩; ma fʼowñ hi ne tabale!

O̩lo̩da Eduwa Onukeji 18:2

Ama la a ne̩ e̩wñ ogu du ku ma aje̩ ef amo̩maye-ma n; Jihofa chʼe̩wñ ogu e-ma, alu kʼi ko̩la tane̩ ñwu ma le̩.