Eli Eko̩ DʼO̩jo̩ 83:10 - O̩TAKADA O̩LA O̩JO̩ 1970

¹⁰ abo le̩ lenyo̩ E̩ndo̩r, oñ ma mud echu tod ane̩ le̩.

Eli Eko̩ DʼO̩jo̩ 83:10 ပူးပေါင်းရင်းမြစ်များ

2 Amonu 9:37

oñ oku Je̩ze̩be̩l adab echu abʼeju ukpe̩ ane̩ uche̩ Je̩zree̩l ma, todu kʼama ki we eka kakini, Je̩ze̩be̩l de̩.

Je̩re̩maya 16:4

Ma aku uku o̩ga. Ma araku ma n, ma la ako ma ji n; ma adab echu bʼane̩pe̩te̩ ma. Ma alenyo̩ alu o̩kwo̩chageli kpʼo̩kpo̩ta; oku-ma la achʼuje̩wñ ñw ame̩we̩ ojale, kpai ame̩la abe̩re̩me̩le̩ ane̩-ile̩-i.

Je̩re̩maya 8:2

taku ma akʼo kpatuka jo̩ ej olu kpai ochu, kpai eju uwewe e̩wñ du ki jʼojale kʼama fe̩do̩ le̩, e-kʼama re̩ le̩, ku ma la te̩tatʼo̩ ubi, kʼama tejane̩-wñ, kʼama la dojikane̩ ñw u le̩: ma ñʼayajo̩ ge̩ n, ma la akʼo ji n, achiku le̩ la akoji echu ebʼeju ile̩-i ma.

Ze̩fanaya 1:17

Nadʼo̩pe̩cha wa abʼamone̩ ma, kʼama ki lule̩ dabe̩ne̩ kʼamafeju, todabu ku ma du Jihofa re me̩; ma la akʼe̩bie̩-ma dafo dabe̩ne̩ kʼebutu, oñ o̩re̩la-ma dabe̩ne̩ kʼechu.

Jo̩shua 17:11

Efu Isakar kpai Ashe̩r le̩ Manasa ño̩ ne̩ Be̩t-shean kpai adogbe adogbe-wñ kpai Ibleam kpai adogbe adogbe-wñ kpai abo ku ma dodo Do̩r kpai adogbe adogbe-wñ kpai abo ku ma dodo E̩ndo̩r kpai adogbe adogbe-wñ kpai abo ku ma dodo Taanak kpai adogbe adogbe-wñ kpai abo ku ma dodo Me̩gido kpai adogbe adogbe-wñ owñ chʼotete me̩ta le̩.

Amakajo̩ 4:15

Taku Jihofa nʼalu ugbada fu Sisera kpai o̩ko̩ ogu-wñ chaka kpai abogu-wñ chaka biya rʼo̩gba Barak; taku Sisera mudachi kwʼef o̩ko̩ ogu-wñ tane̩, oñ i ra le kpʼe̩re̩ ofo.

Amakajo̩ 4:16

Barak la rano o̩ko̩ ogu-wñ, kpai abogu le̩ gbogbo wa Haroshe̩t e-abo uche̩ichi, oñ abogu Sisera le̩ chaka lewane̩ alu ugbada; e̩ne̩ke̩le̩-ma okate bo̩ n.

Amakajo̩ 5:21

Ukpolo Kisho̩n mu ma ko lo, eruru igbegbele, eruru Kisho̩n le̩. O onugo-mi, lule̩ ukpahiu alo waa!

Amakajo̩ 7:25

Oñ ma fʼamagboji abo Midian meji, Oreb kpai Zee̩b mu; taku ma du Oreb kpa ugbo okuta Oreb le̩, oñ ma du Zee̩b kpa ugbo aguo̩ko̩lo̩ achiwebe̩te̩ma e-Zee̩b. Ma rano abo Midian waa; taku ma mʼoji Oreb kpai Zee̩b ko̩da wa ñwu Gideon udaba Jo̩rdan le̩.

1 Samiue̩l 28:7

Taku So̩l ka ñw abuko̩lo̩-wñ kakini, Me̩ natene onobule̩ kʼi ake̩ma ñwu mi, kʼu nanyʼugbo-wñ atene. Oñ abuko̩lo̩-wñ ka ñw u kakini, Go, onobule̩ kʼi ake̩ma dʼE̩ndo̩r.