Eli Eko̩ DʼO̩jo̩ 81:6 - O̩TAKADA O̩LA O̩JO̩ 1970

⁶ U mʼojika-wñ du bʼadu ene̩ te̩; o̩wo̩-wñ la kwotane̩ bʼagba te̩.

Eli Eko̩ DʼO̩jo̩ 81:6 ပူးပေါင်းရင်းမြစ်များ

Aizaya 9:4

Todu uwe̩ fʼoli uno̩lo̩ kʼi chʼadu-wñ kpai ugbo̩lo̩ oli kʼi nʼo̩ ika kpai o̩kpa abo ku ma atʼo̩ mane̩ guche̩, alu kʼe̩ che iko abo Midian.

Aizaya 10:27

I awatu iko le̩ adu-wñ akwo bʼika-we̩ te̩, oli uno̩lo̩-wñ la akwo bʼuwe̩ o̩lo̩ te̩, oli uno̩lo̩ le̩ akpabie̩ rinyo̩ noj oyo-ma.

Akwodufu 6:6

Todule̩ e̩ naka ñw amo̩ma Israe̩l kakini, Omi Jihofa de̩, nako me̩ kwef uko̩lo̩ adu e-abo Ijipti, oñ nagba me̩ kwef uko̩lo̩ adu-ma eche, nanʼo̩wo̩ ki nadala te̩ kpai udu elile ebu ñwu ma gba me̩ tane̩.

Matiu 11:29

Me̩ nadʼoli uno̩lo̩ e-mi nʼo̩lo̩-me̩ ku me̩ la ko̩che̩ ugbo mi, todu omi de̩ chikimi, e̩do̩-mi la chʼe̩hi wane̩, taku me̩ ali uñmi ñw onugo-me̩.

Eli Eko̩ DʼO̩jo̩ 68:13

e̩gba kʼame̩ dachi alumeji iga iga amala le̩— ame̩ dab ika ikede ku ma dʼajifa ru, ku ma la dʼo̩jamalia emimi rʼedudu-wñ.

Akwodufu 1:14

oñ ma che kʼudeju-ma chʼelañu noji uko̩lo̩ adu eche, ma je̩ ñwu ma chʼuko̩lo̩ adu ef ike̩te̩ egwa kpai o̩tubeli ebo̩ kpai uko̩lo̩ oko ojoji ojoji du. Uko̩lo̩ adu du ku ma je̩ ñwu ma che chʼuko̩lo̩ o̩lachi.

1 Iko Iko E̩wñ 4:23

Abo le̩ la chʼamabucha kpai abo ku ma dodo Netaim kpai Ge̩de̩ra. Ma bʼonu gugu o̩mo̩ tod uko̩lo-wñ.

Eli Eko̩ DʼO̩jo̩ 114:1

E̩gba kʼabo Israe̩l kwʼIjipti dufu, abo unyi Je̩ko̩b kwʼef abo ichi ojoji,

Eli Eko̩ DʼO̩jo̩ 122:4

ugbo kʼabo̩lo̩pu o̩lo̩pu te̩gu anyi, owñ chʼabo̩lo̩pu e-Jihofa, kʼi chʼe̩nibenu Israe̩l, ku ma gogbodo̩ odu Jihofa.