Eli Eko̩ DʼO̩jo̩ 68:25 - O̩TAKADA O̩LA O̩JO̩ 1970

²⁵ amakeli mʼo̩gba du, abo ku ma nu e̩wñ tʼo̩ ubi, abimo̩to̩ igbe̩le̩ ku ma gwʼeicha jʼalumeji:

Eli Eko̩ DʼO̩jo̩ 68:25 ပူးပေါင်းရင်းမြစ်များ

1 Iko Iko E̩wñ 13:8

Oñ Defid kpʼabo Israe̩l chaka chiya alu du kʼukpahiu-ma de̩ o̩gba Jihofa, ma nʼeli ako̩ kpʼokugulu kpʼumolo anu, kpai ubo̩ kpai eicha kpai oke kpai o̩kakachi.

Amakajo̩ 11:34

Taku Je̩fta lewa Mizpe unyi-wñ le̩; e̩ la go, o̩ma-wñ onobule̩ nʼeicha kpai ido eta aledʼo; owñ la chʼo̩ma kate kʼi ne̩; i nʼo̩ma e̩ne̩ke̩le̩ abe̩k onobule̩ du tʼowñ le n.

Akwodufu 15:20

Taku Miriam o̩maye Aro̩n, kʼi chʼakache̩ onobule̩, mʼeicha du nʼo̩wo̩; oñ abobule̩ du kwodufu tʼo̩ ubi kpai eicha kpai ido eta.

Je̩re̩maya 31:13

E̩gbale̩ amigbe̩le̩ ku ma ma mʼe̩ne̩ke̩le̩ n ayo̩ ef ido, oñ abokolobia kpʼabogijo achiya alukate. Omi arʼedaido̩-ma da tef uyo̩, nanyʼuma e̩do̩, oñ nadʼuyo̩ ñw ma koji e̩do̩dudu.

Je̩re̩maya 31:4

Nadabi ane we̩, ene̩-we̩ la achi n, igbe̩le̩ ki ma mʼe̩ne̩ke̩le̩ n e-Israe̩l! Uwe̩ ñʼadabi akʼeicha eicha-we̩ nyʼo̩wo̩ dab e̩wñ ijaga, e̩ la adufu atʼido ef abo ku ma achiya.

Eli Eko̩ DʼO̩jo̩ 87:7

Tʼabo ku ma keli, tʼabo ku ma tido, akakini, E̩bi omi-mi chaka dʼef uwe̩.

1 Samiue̩l 18:6

Oñ i lewatu abu ku ma jʼej o̩na awa, e̩gba ku Defid doji kwʼoko ekpa e̩ne̩ Filistia le̩, kʼabobule̩ nʼeli eko̩ kpai ido eta kwef ewo ewo Israe̩l chaka awa, aledo onu So̩l kpʼeicha kpai uyo̩ kpai e̩wñ ido.

Eli Eko̩ DʼO̩jo̩ 63:3

Todu ufe̩de̩nyo̩-we̩ nyo̩ tʼiñmi le, uko-mi aje̩nyu ñw e̩.

Eli Eko̩ DʼO̩jo̩ 77:14

Uwe̩ chʼO̩jo̩ kʼi ache e̩wñ aye, uwe̩ je̩ ñw ukpahiu-we̩ tejugede ef amone̩.