Eli Eko̩ DʼO̩jo̩ 68:17 - O̩TAKADA O̩LA O̩JO̩ 1970

¹⁷ O̩ko̩ ogu O̩jo̩ chʼicham ogue̩lu, owñ chʼicham nʼoji icham wewe, Ondu dʼef uma, owñ che Sainai, ef uña kiafo̩ le̩.

Eli Eko̩ DʼO̩jo̩ 68:17 ပူးပေါင်းရင်းမြစ်များ

O̩lo̩da Eduwa Onukeji 33:2

I kakini, Jihofa kwo Sainai wa, oñ i kwane̩ abʼuma ma Seir; i muta dufu uwo Paran, i la kwʼugbo abo kiafo̩ icham icham le̩ wa, o̩la e-una dʼef o̩wo̩-wñ awo̩to̩ todu ma.

Danie̩l 7:10

Aji una kwʼef uwñ dufu o̩gba-wñ; abo̩ icham icham wewe che e̩wñ ñw u, oñ abo icham nyʼo̩gwo̩ko̩ me̩gwa ugbo icham nyʼo̩gwo̩ko̩ me̩gwa dago jʼo̩gba-wñ; ma fʼo̩la ajo̩ mu jo̩, oñ o̩takada o̩takada che̩chi jo̩.

O̩la E̩bite 5:11

Tak u li, u ño̩ gbʼomuko̩la amonuche̩ wewe kpʼame̩wñ iñmi kpʼabogi-jo le̩ ku ma jo̩ lʼede daka; aluka-ma la chʼicham nyʼo̩gwo̩ko̩ wewe ugbo icham nyʼo̩gwo̩ko̩ ki wewe.

Matiu 26:53

Abe̩k uwe̩ do̩ ka kʼomi neke gbo̩ko̩bʼAta-mi kʼi akʼamonuche̩ ku ma tʼo̩gba me̩gweji le jo̩ ñwu mi n?

Habakuk 3:8

Ohimini ohimini bi we̩ eju, O Jihofa? O̩fu e̩do̩-we̩ dʼugbo ohimini ohimini? abe̩k ubieju-we̩ dʼugbo ohimini abadi? kʼuwe̩ tanʼamanya-we̩ alo? oji okogu ujadu-we̩?

O̩la E̩bite 9:16

Oñ aluka abogu ku ma tanʼanya le̩ chʼicham nyʼo̩gwo̩ko̩ ki wewe ugbo icham nyʼo̩gwo̩ko̩ ki wewe, e-le̩ chʼonu meji; u la gbo̩ aluka-ma.

Eli Eko̩ DʼO̩jo̩ 18:10

I la tanʼoj iche̩rub ale, i la wu; ochochi i la tanʼoj ika afu ada.

Akwodufu 3:5

Tak i kakini, E̩ ki te̩me̩rʼemi n; mʼe̩da-we̩ gwo̩ bʼe̩re̩-we̩ te̩, todu uña ugbo kʼe̩ dago le̩ chʼane̩ ki afo̩.

2 Amonu 2:11

Oñ i lewatu, abu ku ma alule̩ alo ku ma nʼoluka ache, e̩ la go, o̩kogu e-una kpʼamanya e-una, fʼuma daru bʼomune̩ te̩; oñ E̩laija mute̩gu ef ofutu tʼefojale.

Eli Eko̩ DʼO̩jo̩ 9:12

Todu ibe e̩ne̩ ki agwili e̩bie̩ ki adafo te̩ ma; i agbenyo̩ uwa ame̩no̩bata n.

Aizaya 2:2

I awatu e̩gba o̩jo̩ otitala kʼe̩re̩ uwo unyi Jihofa alonyane̩ oj uwo uwo du, ma la ahiʼu nyʼate̩ tʼotete otete du le; oñ abo uche̩ichi uche̩ichi du atukpo̩o̩ awʼugbo-wñ,

Izikie̩l 43:7

oñ i ka ñwu mi kakini, O̩ma one̩, uña ede-mi de̩, kpʼugbo kʼu nadʼadaba e̩re̩-mi tʼo̩ i che, ugbo kʼu nagugu alumeji amo̩ma Israe̩l ogbegbele̩; abunyi Israe̩l ñʼanʼabutabu-ma kpʼoku amonu oj otete otete-ma dʼodu-mi kiafo̩ ji ge̩ n, tʼama tʼamonu-ma.

Izikie̩l 43:9

Fai ama ki mʼabutabu-ma kpai oku amonu-ma ko bʼumi o̩la te̩ rʼo̩najiji, tak omi agugu alumeji-ma ogbegbele̩.