Eli Eko̩ DʼO̩jo̩ 36:9 - O̩TAKADA O̩LA O̩JO̩ 1970

⁹ Todu ugbo-we̩ oñ e̩bi omi iñmi de̩; ef ugane̩-we̩ tak a anʼugane̩.

Eli Eko̩ DʼO̩jo̩ 36:9 ပူးပေါင်းရင်းမြစ်များ

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Jo̩n 4:14

e̩ne̩ du kʼi muda ñmo̩ omi e-kʼomi adu ñw u, alugbe̩ ñʼakpʼo̩ gbegbele̩ ge̩ n, omi kʼu nadu ñw u la amud omi ki abi efu-wñ e-ki aroko tef iñmi ogbegbele̩.

1 Jo̩n 1:7

iche̩wñ kʼa muda tale ef ugane̩, alu kʼowñ def ugane̩, mak a nʼuta ata kpʼomune̩, oñ e̩bie̩ Jisus O̩ma-wñ nʼawa agwe̩ hiolo bʼadure du te̩.

Jo̩n 4:10

Jisus dohi ñw u kakini, Iche̩wñ kʼuwe̩ ma ma ele O̩jo̩, kpai e̩ne̩ kʼi aka ñw e̩-i kakini, Dʼomi ñwu mi ñmo̩, uwe̩ ma bi owñ, tak owñ ma dʼomi ki adeju ñw e̩.

O̩la E̩bite 21:6

Tak i ka ñw mi, kakini, I wache me̩. Omi chʼAlfa kpʼO̩me̩ga, Uchane̩ kpai ubi-otitala. Nadʼomi kwef e̩bi-omie-iñmi ñw e̩ne̩ kʼolugbe̩ akpʼo̩ ele ofo.

Jeme̩s 1:17

Ele eche nyo̩nyo̩ kpʼele ki mufu du kwo ate̩ wa. I nagwo̩ru awa kwʼugbo Ala ugane̩ e-kʼuña erida alu kʼojiji olu arida le̩ ma dʼugbo-wñ n.

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

Je̩re̩maya 2:13

todu amone̩-mi fʼe̩wñ bie̩ne̩ meji che: ma hi umi kʼu chʼe̩bi omi iñmi tinyo̩, oñ ma fʼobuga gwa ñw o̩la-ma, e̩kpo̩fo̩ obuga ki ma gba omi ne̩ n!

Aizaya 60:19

Olu ñʼachʼugane̩-we̩ o̩ro̩ka ge̩ n, ochu ñʼafane̩ kʼane̩ ki ne̩ ñw e̩ ge̩ n; Jihofa muda achʼugane̩ o̩gbegbe-le̩ ñw e̩, O̩jo̩-we̩ la achʼalifia-we̩.

Job 29:3

e̩gba kʼugane̩ omutula-wñ bʼumi oji ma, kʼu la nʼugane̩-wñ alule̩ gu ef e̩chubi du;

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

Aizaya 2:5

O abunyi Jeko̩b, me̩ lewa, kʼa lule̩ ef ugane̩ Jihofa.

Eli Eko̩ DʼO̩jo̩ 27:1

Jihofa chʼugane̩-mi kpai ujadu-mi; e̩ne̩ oñ omi arailo-wñ? Jihofa chʼaku iñmi-mi; e̩ne̩ abʼumi ailo?

Aizaya 12:3

Todule̩ ame̩ anʼuyo̩ akpa omi kwef obuga ujadu.

Ita, Ita 4:18

Ikpa e̩no̩kpakpa dabe̩ne̩ kʼo̩jo̩ ki añwa, i ane̩ tule alo waa gbogbo tak o̩jo̩ añwa foo.

O̩la E̩bite 22:17

TʼAfu, tʼo̩ya-etito̩ le̩ kakini, Lewa. E̩ne̩ ki la gbo̩ kʼi nakakini, Lewa, oñ e̩ne̩ kʼolugbe̩ akpʼo̩, kʼi nawa: e̩ne̩ du ki dʼowñ e̩do̩ ki lewa gba omi e-iñmi ele ofofo.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Eli Eko̩ DʼO̩jo̩ 65:5

Uwe̩ anʼe̩wñ ubailo dʼohi o̩kpakpa ñw a, O O̩jo̩ e-ujadu-wa, kʼuwe̩ chʼudachi no ukpoji ukpoji ane̩ ile̩-i du, kpʼugbo ohimini abadi kʼi dʼo̩najiji;