Eli Eko̩ DʼO̩jo̩ 34:1 - O̩TAKADA O̩LA O̩JO̩ 1970

¹ Nakele Jihofa iko tʼiko du; eñwulo̩-wñ adʼef alu-mi o̩ko̩ko̩lo̩.

Eli Eko̩ DʼO̩jo̩ 34:1 ပူးပေါင်းရင်းမြစ်များ

1 Te̩s 5:18

Me̩ fʼugwa-wñ gwa ef e̩wñ du, todu e̩wñ ki dʼO̩jo̩ e̩do̩ efu Kraisti Jisus ñwu me̩ le̩ de̩.

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

Abo E̩fe̩sus 5:20

ugwa egwa O̩jo̩, owñ chʼAta, tod e̩wñ du ef odu Ondu-wa Jisus Kraist ki nʼuda n;

Eli Eko̩ DʼO̩jo̩ 71:8

Alu-mi ako̩ ñw uñwulo̩-we̩, kpai ojima-we̩ gbogbo dʼo̩jo̩.

2 Abo Te̩se̩lonaika 2:13

I muda dʼuwa o̩la kʼa gwʼO̩jo̩ todu me̩ e̩gba du, amo̩maye kʼOndu te̩tafe̩do̩ me̩ le̩; todabu kʼO̩jo̩ chi me̩ kwʼabakwane̩ ku me̩ tef ujadu ef efo̩ e-Afu kpʼe̩do̩ ekono e-ochochi.

E̩wñ kʼAme̩nukpuche̩ Che 16:25

Ama ame̩ru alumeji odu Po̩l kpai Sailas jʼachadua, akele O̩jo̩, oñ abunyi uga jʼanetirʼuma;

Eli Eko̩ DʼO̩jo̩ 71:6

Uwe̩ oñ omi dachino kwef uwile̩; uwe̩ chʼe̩ne̩ kʼi dʼumi kwʼefu iye-mi, uwe̩ nañwulo̩-wñ o̩ko̩ko̩lo̩.

Ita, Ita 29:25

O̩la egagogodo tod one̩ anʼoku te̩ ñw one̩, ama e̩ne̩ ki ke̩do̩no Jihofa ma adʼu gugu atate̩.

2 Abo Te̩se̩lonaika 1:3

I dʼuwa o̩la kʼa gwʼO̩jo̩ e̩gba du todu me̩, amo̩maye, alu ki chʼeju-wñ todabu kʼe̩do̩ ekono-me̩ aya tabale, kʼufe̩do̩ kʼe̩ne̩ne̩ne̩ne̩-me̩ okoke du ne̩ fe̩do̩ omune̩ nanyo̩gba alo waa.

E̩wñ kʼAme̩nukpuche̩ Che 5:41

Todule̩ ma le dufu bʼeju abo̩hiala le̩ te̩, ma jʼayo̩ todabu ku ma fʼuma li ka ku ma bʼukata echi tod odu le̩ jo̩.

Abakwane̩ 20:2

Oñ Ebraham nʼo̩la o̩ya-wñ Sara aka kakini, Owñ chʼo̩maye-mi. Tak Abime̩le̩k, onu Ge̩rar, fʼone̩ kpe̩ wa oñ i mu Sara du.

Abakwane̩ 26:1

Tak ukpo̩ta ño̩ dʼane̩ le̩ akpa, kʼi chʼojoji ñw ukpo̩ta ejodudu e-ki kpa adiko Ebraham le̩. Oñ Aise̩k nyi Ge̩rar ugbo Abime̩le̩k onu abo Filistia.

1 Samiue̩l 21:11

Tak abuko̩lo̩ Akish ka ñw u kakini, I che Defid, onu ane̩ le̩ de̩-i n? I chʼowñ ma du tʼef eli ako̩ ñw o̩la-ma ef ido-ma n? kakini, So̩l nʼabo icham nyʼo̩gwo̩ko̩, icham nyʼo̩gwo̩ko̩ kʼi kpa, e-Defid la chʼicham nyʼo̩gwo̩ko̩ me̩gwa, icham nyʼo̩gwo̩ko̩ me̩gwa.