Eli Eko̩ DʼO̩jo̩ 33:3 - O̩TAKADA O̩LA O̩JO̩ 1970

³ Me̩ ki kʼeli etito̩ ñw u, me̩ nu lef o̩ka, uko̩la-wñ ki nana.

Eli Eko̩ DʼO̩jo̩ 33:3 ပူးပေါင်းရင်းမြစ်များ

Aizaya 42:10

Me̩ ki kʼeli etito̩ ñw Jihofa, kpai uñwulo̩-wñ kwʼukpoji ane̩ ile̩! Owñ chʼame̩ ku me̩ gwo̩ru nyʼef ohimini abadi ale, kpai e̩wñ du ki jʼef uwñ, ala ala kpai abo ku ma dodo o̩mo̩.

Abo E̩fe̩sus 5:19

me̩ nanʼeli eko̩ dʼO̩jo̩ kpai eli o̩lO̩jo̩ kpai eli e-Afu O̩jo̩ ako̩la ñw o̩la-me̩; me̩ ki la nʼeli ako̩ kpʼeli ako̩ dʼOndu kpʼe̩do̩-me̩;

1 Iko Iko E̩wñ 25:7

Oñ aluka-ma manyʼamo̩maye-ma ku ma ko̩ ma eli eko̩ ñwu Jihofa, owñ chʼo̩chaka abo ku ma chʼo̩ka-wñ che o̩gwo̩ko̩ nyʼo̩gbo̩ me̩le̩ nyoke me̩jo̩.

Abo Ko̩lo̩se 3:16

O̩la Kraisti ki nadodo ef ume̩ nana. Me̩ ki nʼofili du akʼo̩la-me̩ o̩la, me̩ ki dʼibe ñw o̩la-me̩; me̩ nanʼeli ku ma ko̩ do̩ O̩jo̩ kpai eli e̩wñ Afu ef ufe̩de̩nyo̩ ako̩ ef e̩do̩-me̩ ñw O̩jo̩.

Eli Eko̩ DʼO̩jo̩ 96:1

O, me̩ kʼeli etito̩ ñw Jihofa; me̩ ki kʼeli ñw Jihofa, ame̩ abo ane̩ ile̩ du!

O̩la E̩bite 5:9

Oñ ma nʼeli etito̩ ako̩, kakini, Uwe̩ nyo̩ bo̩jo̩ kʼe̩ mʼubuku le̩ gba, kʼe̩ la mʼuhiuko̩-wñ chi, todabu ku ma dʼuwe̩ kpa, kʼe̩ laño̩ fʼamone̩ la ñw O̩jo̩ ef e̩bie̩-we̩, kwef o̩lo̩pu kpʼalichi, kpʼamone̩ kpʼabo uche̩ichi du,

Eli Eko̩ DʼO̩jo̩ 144:9

Nakʼeli tito̩ ñw e̩, O O̩jo̩; ubo̩ ki nʼiku me̩gwa oñ nadu kʼeli dʼuwe̩,

Eli Eko̩ DʼO̩jo̩ 98:1

O, me̩ ki kʼeli etito̩ ñw Jihofa, todu i fʼe̩wñ aye wewe che me̩! O̩wo̩-wñ awo̩to̩ kpai ugbogbolo o̩wo̩-wñ kiafo̩ fʼujadu che todu-wñ me̩.

1 Iko Iko E̩wñ 13:8

Oñ Defid kpʼabo Israe̩l chaka chiya alu du kʼukpahiu-ma de̩ o̩gba Jihofa, ma nʼeli ako̩ kpʼokugulu kpʼumolo anu, kpai ubo̩ kpai eicha kpai oke kpai o̩kakachi.

O̩la E̩bite 14:3

oñ ma nʼeli etito̩ ako o̩gba ede le̩ kpʼo̩gba ame̩wñ iñmi me̩le̩ kpʼabogijo le̩. E̩ne̩ du la neke ko̩che̩ eli le̩ n chai abo icham nyʼo̩gwo̩ko̩ ugbo o̩gbo̩ mebie nyoke me̩le̩ ku ma la ma kwʼef ane̩ ile̩ le̩.

Eli Eko̩ DʼO̩jo̩ 149:1

Me̩ je̩nyu Jihofa! Me̩ ki kʼeli etito̩ ñw Jihofa, kpai uñwulo̩-wñ ef o̩gbadu abo ku ma kpe̩do̩rʼowñ!

Eli Eko̩ DʼO̩jo̩ 40:3

I la mʼeli etito̩ du tʼumi alu, owñ chʼO̩jo̩-wa eñwulo̩-wñ. Amone̩ wewe aliʼu ku ma arailo, taku ma ake̩do̩no Jihofa.

2 Iko Iko E̩wn 34:12

Abo le̩ fʼuko̩lo̩-wñ che alu ku ma achubi one̩ nyo̩nyo̩. Oñ abo ku ma du ñwu ku ma fejute̩ ma che Jehat kpai Obadaya, ku ma chʼabo Lifai ef amo̩ma Me̩rari; kpai Ze̩karaya kpai Me̩shulam, ef amo̩ma Kohat, ku ma fejutʼo; abo Lifai-i chaka la chʼo̩ka e̩wñ eli enu.

1 Iko Iko E̩wñ 15:22

Oñ Ke̩nanaya ki chʼagboji abo Lifai chʼutodu eli; i ko̩ ma eli edu kwane̩, todu kʼi chʼo̩ka-wñ.

Eli Eko̩ DʼO̩jo̩ 40:4

E̩ne̩ ki adu Jihofa chʼuke̩do̩no-wñ gbede, kʼi ma la rida nyʼugbo abo ku ma ke n, kpai abo ku ma muna tʼugbo e̩wñ o̩lemi n!