Eli Eko̩ DʼO̩jo̩ 150:5 - O̩TAKADA O̩LA O̩JO̩ 1970

⁵ Me̩ nʼilo ki ako̩la goñ goñ le̩ je̩nyʼowñ; me̩ nʼilo kʼuko̩la-wñ de̩ gele gele je̩nyʼowñ!

Eli Eko̩ DʼO̩jo̩ 150:5 ပူးပေါင်းရင်းမြစ်များ

1 Iko Iko E̩wñ 15:16

Taku Defid ko̩la ñw agboji abo Lifai ku ma kʼamo̩maye-ma ku ma keli dago jo̩, kʼe̩wñ iya ki jʼo̩wo̩-ma, kʼubo̩ kpʼumolo kpʼeicha ki ka dufu, ku ma chʼomu uyo̩ taa!

1 Iko Iko E̩wñ 25:1

Ubi e-le̩ ge̩, Defid kpʼamagboji abogu fʼamo̩ma Esaf kpai Himan kpai Je̩dutan iche̩ka date̩ ojoji todu e̩wñ eche ñw O̩jo̩ le̩, ku ma nʼumolo kpʼubo̩ kpʼeicha akache̩; oñ aluka abo ku ma achʼuko̩lo̩ alu kʼe̩wñ ku ma ache ñw O̩jo̩ de̩;

1 Iko Iko E̩wñ 25:6

Abo-i chaka jʼef o̩wo̩ ata-ma tod eli eko̩ ef unyi Jihofa. Ma nʼoke kpʼubo̩ kpʼumolo tod e̩wñ ef unyi O̩jo̩ eche. Onu chʼe̩ne̩ ki añwa ñw Esaf, Je̩dutan kpai Himan.

1 Iko Iko E̩wñ 15:28

Abe̩le̩ oñ abo Israe̩l du dʼakpati alo Jihofa te̩gu wa kpʼoga echi, kpʼuko̩la bijila, kpʼo̩kakachi, kpʼoke, ma la nu ubo̩ kpʼumolo kʼamone̩ agbo̩.

1 Iko Iko E̩wñ 15:19

Abe̩le̩ amakeli Himan kpai Esaf kpai Itan jo̩ kpai oke ki chʼebijeikpa ku ma nu gogogogo,

1 Iko Iko E̩wñ 16:5

Esaf chʼe̩ne̩ ki dʼoji dufu, aro̩ne-wñ la che Ze̩karaya, Jeaye̩l kpai She̩maira-mo̩t kpai Jehaie̩l kpai Matatiya kpai E̩liab kpai Be̩naya kpai Obe̩d-ido̩m, kpai Jeaye̩l, ama nʼubo̩ kpʼumolo; Esaf la nʼoke egwu.

2 Samiue̩l 6:5

Taku Defid kpʼabo unyi Israe̩l chaka nachiya o̩gba Jihofa; ma nʼe̩wñ iya ojoji ojoji e̩wñ ku ma du oli fe̩r che, kpʼumolo kpʼenuge kpʼeicha kpʼijenu kpʼoke.

1 Iko Iko E̩wñ 13:8

Oñ Defid kpʼabo Israe̩l chaka chiya alu du kʼukpahiu-ma de̩ o̩gba Jihofa, ma nʼeli ako̩ kpʼokugulu kpʼumolo anu, kpai ubo̩ kpai eicha kpai oke kpai o̩kakachi.

2 Iko Iko E̩wn 5:13

I lewatu, e̩gba kʼalu abo ku ma fʼo̩kakachi kpʼabo ku ma keli dabe̩ne̩ kʼalu okate, kʼomu-ma chʼoka kʼamone̩ agbo̩ abu ku ma aje̩nyu ku ma la gogbodo̩ Jihofa,) kpʼe̩gba ku ma chʼomu-ma nyʼate̩, manyʼo̩kakachi kpʼoke kpʼe̩wñ iya ku ma ne̩ keli ku ma je̩nyu ñwu Jihofa ma kakini, Todu owñ nyo; todu ufe̩de̩nyo̩-wñ chʼogbegbele̩; e̩gba le̩ akpa che̩ko̩ unyi le̩, owñ chʼunyi Jihofa le̩.