Eli Eko̩ DʼO̩jo̩ 119:37 - O̩TAKADA O̩LA O̩JO̩ 1970

³⁷ Mʼeju-mi rida bʼe̩wñ ibe̩te̩ ego te̩; kʼe̩ la dʼiñmi tʼo̩ ñw mi lʼo̩na e-we̩.

Eli Eko̩ DʼO̩jo̩ 119:37 ပူးပေါင်းရင်းမြစ်များ

1 Jo̩n 2:16

Todu e̩wñ du ki jʼile̩, tʼe̩ño̩ e̩wñ o̩re̩la tʼe̩wñ kʼeju achʼe̩ño̩-wñ kpʼe̩wñ eke ofo ile̩-i, Ata chʼe̩te̩-wñ n, chai ile̩-i chʼe̩te̩-wñ.

Aizaya 33:15

E̩ne̩ ki alule̩ tʼo̩kpakpa, kʼi la akʼo̩la e̩wñ o̩kpakpa; e̩ne̩ kʼile uji chʼe̩wñ e̩de̩te̩ ñw u, kʼi la mʼo̩wo̩ ko bʼo̩ko̩ e̩gbaje̩ te̩, kʼi fʼo̩wo̩-wñ jʼeti kʼi we e̩gbʼo̩la e̩bie̩, kʼi laño̩ fʼeju jugbe kʼi we ego e̩wñ bie̩ne̩.

Ita, Ita 4:25

Fʼeju gwanyi e̩wñ ki dʼo̩gba o̩gba, eju-we̩ ki kado o̩gba-we̩ kpakpa.

Ekaluka 15:39

oñ e-le̩ achʼo̩jaja ñwu me̩ kʼame̩ ki kejurʼu ku me̩ dibekado uko̩ du ki Jihofa te̩ ku me̩ ki fʼu de; ku me̩ la we etʼe̩wñ kʼe̩do̩-me̩ onugo abe̩k eju-me̩ kado ubi, owñ chʼe̩wñ ku me̩ te̩tajʼo̩ko̩ bʼo̩ akwoubi le̩.

Matiu 5:28

Omi muda ka ñwu me̩ kakini, E̩ne̩ kʼi agʼonobule̩ kʼe̩ño̩-wñ dʼe̩do̩-wñ, mu te̩ mʼo̩ ef e̩do̩-wñ me̩.

Eli Eko̩ DʼO̩jo̩ 119:40

Go, u te̩tañeju o̩la kʼe̩ ka ñw one̩ ki de̩; dʼiñmi ñw mi ef o̩kpakpa-we̩!

Job 31:1

Omi fʼilo kpe̩ kpʼeju-mi me̩; abʼu nale kʼu nago igbe̩le̩ kʼi ma mʼe̩ne̩ke̩le̩ n?

Ita, Ita 23:5

Eju-we̩ dʼo, i le me̩; i ache ika ñw o̩la-wñ chuu, dab o̩re̩ kʼi awu rʼo̩wo̩ efojale.

Eli Eko̩ DʼO̩jo̩ 71:20

Uwe̩ kʼe̩ mʼo̩pe̩cha ki bie̩ne̩ wewe du ña wa le̩ e̩ ño̩ ko wa daji ge̩; uwe̩ la arʼuwa iñmi ko uwe̩ la ako wa dabi kwʼef ane̩-ile̩ ge̩.

Jo̩shua 7:21

e̩gba kʼu fʼotogbo Babilo̩n o̩me̩me̩le̩ li ef ane̩ kʼa ko le̩, kpai ajifa alu she̩ke̩l ulo̩ko̩ kpai odukulu o̩jamaliaʼka kʼuwoji-wñ che she̩ke̩l ooje, e̩gbale̩ u chʼejufufu-wñ oñ u mʼu ko; e̩ la go, i gwaji ane̩pe̩te̩ ef unyabo-mi le̩, ajifa la jʼofe-wñ.

Eli Eko̩ DʼO̩jo̩ 119:25

Onugo-mi gamʼebutu; dʼiñmi ñw mi teju alu kʼo̩la-we̩ ka!

2 Samiue̩l 11:2

Oñ i lewatʼolane̩ ku Defid kwane̩ kwʼoj ate̩-wñ oñ i tʼojokunyi onu ale. I dʼojokunyi o̩mo̩ oñ i li onobule̩ʼka kʼi dago agwo̩la; onobule̩ le̩ la che̩fe̩rʼeju tabale.