Eli Eko̩ DʼO̩jo̩ 119:18 - O̩TAKADA O̩LA O̩JO̩ 1970

¹⁸ Uwe̩ ki mʼumi eju chi, kʼu ko̩che̩ e̩wñ aye ef uko̩-o̩la-we̩.

Eli Eko̩ DʼO̩jo̩ 119:18 ပူးပေါင်းရင်းမြစ်များ

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Aizaya 35:5

Tak eju amafeju achi, e̩wñ ki jʼeti amajeti la achi tinyo̩.

Matiu 13:13

Todu kʼu nako̩la ñwu ma ef ita le̩ de̩, todu egane̩ ma gane̩, ma gane̩ n; egbo̩ ma gbo̩ ma agbo̩ n; ma la mʼoji e̩wñ n.

Aizaya 32:3

Oñ abo ku ma gane̩ ade̩ bulubulu ge̩ n, eti abo ku ma gbʼo̩la la anʼeti rʼe̩wñ.

Aizaya 29:18

Tak o̩jo̩ le̩ amajeti agbʼo̩la ki dʼef o̩takada le̩, oñ eju amafeju agane̩ ugbo ki chubi gbe̩m.

Jo̩n 9:39

Taku Jisus kakini, Tod ajo̩ oñ omi wʼef ile̩ kide̩, todu kʼabo ku ma ma gane̩ n ki gane̩; i ño̩ chʼutodu kʼabo ku ma gane̩ ki mud afeju.

Matiu 16:17

Oñ Jisus dohi ka ñw u kakini, Uwe̩ gbede, uwe̩ Saimo̩n Barjona, todu o̩re̩la kpʼe̩bie̩ biʼi rʼe̩ eju n, chai Ata-mi kʼi dʼefojale.

O̩la E̩bite 3:18

Nadʼibe ñw e̩ kʼe̩ la ajamalia kʼuna gwe̩ ugbo mi, todu kʼuwe̩ ki chʼanana; kpʼe̩wñ o̩la efufu, todu kʼuwe̩ ki ko bʼo̩la ma, kʼanyo̩ ago ofo-we̩ ki we etejugede; kpʼogu eju, kʼe̩ dʼu kurʼeju-we̩, todu kʼuwe̩ ki gane̩.

Abo Hibru 8:5

owñ chʼabo ku ma chʼe̩wñ ki chʼuwo̩li kpʼojiji e̩wñ efojale alu kʼO̩jo̩ juka ñw Mose̩s e̩gba kʼi ache kʼi mʼebu le̩; todu i kakini, Go, e̩ nachʼe̩wñ du teju e-ku ma duña uwe̩ oj uwo le̩ kʼe̩ wo̩li-wñ.

Eli Eko̩ DʼO̩jo̩ 119:96

U li ka kʼalu du kʼe̩wñ mufu i chenʼukade, ama uko̩ kʼe̩ te̩ nʼabe̩ ololo.

Abo Hibru 10:1

Todu abu kʼo̩lo̩da le̩ nʼojiji e̩wñ ki nyo̩ ki ache ki wa, kʼowñ le̩ ma chʼojibo e̩wñ le̩ onugonugo n, i neke je̩ ñw abo ku ma te̩wa mufu kpoji lef e̩wñ iche̩bo̩ ku ma kowa o̩do̩ tʼo̩do̩ du o̩ko̩ko̩lo̩ o̩gbegbele̩ n.

Hosiya 8:12

Omi fʼe̩wñ uko̩-o̩la-mi icham nyʼo̩gwo̩ko̩ ugbo me̩gwa le̩ ko̩ nyʼe̩wñ tod uwñ, ma muda fʼu lo rʼe̩wñ ejaduña.

Matiu 20:33

Ma kakini, Ondu, todu kʼeju-wa ki mubi ke.