Eli Eko̩ DʼO̩jo̩ 105:26 - O̩TAKADA O̩LA O̩JO̩ 1970

²⁶ I fu Mose̩s adu-wñ kpe̩ wa, kpai Aro̩n kʼi chi le̩.

Eli Eko̩ DʼO̩jo̩ 105:26 ပူးပေါင်းရင်းမြစ်များ

Akwodufu 3:10

Fai, e̩ lewa kʼu kpʼe̩ nyʼugbo Fero kʼuwe̩ ki mʼamone̩-mi, amo̩ma Israe̩l le̩, ko kwʼoj ane̩ Ijipti dufu.

Ekaluka 16:40

kʼi chʼe̩wñ urewa ñw abo Israe̩l, todu kʼe̩ne̩ ejaduña du kʼi ma dʼef ugbe̩ Aro̩n in, kʼi we ete̩ me̩ru kʼi gu e̩wñ ki akpo jo eju Jihofa; kʼi we ede̩ alu ku Ko̩ra kpai ame̩numana-wñ de̩—owñ chʼalu ku Jihofa ñwa ñwu E̩leaza lugbo Mose̩s le̩.

Akwodufu 28:12

Tak e̩ ki mʼokuta meji le̩ ko nʼoji e̩wñ ojika e̩fo̩d le̩ kʼi chʼokuta urewa todu amo̩ma e̩ne̩ke̩le̩ Israe̩l; Aro̩n la anʼodu-ma oj ika-wñ meji wa o̩gba Jihofa todu urewa.

Akwodufu 7:1

Taku Jihofa ka ñwu Mose̩s kakini, Go, omi dʼuwe̩ che dab O̩jo̩ ñwu Fero; Aro̩n, o̩maye-we̩ la ache akache̩-we̩.

Maika 6:4

Todu omi ko me̩ kwʼoj ane̩ Ijipti wa, u laño̩ fʼume̩ la tane̩ bʼef unyi adu le̩ te̩; tak u fu Mose̩s kpai Aro̩n kpai Miriam kpe̩ tʼume̩ o̩gba.

Eli Eko̩ DʼO̩jo̩ 77:20

Uwe̩ nʼamone̩-we̩ le lʼo̩wo̩ Mose̩s kpai Aro̩n dabe̩ne̩ kʼame̩wño̩re̩ egini.

1 Samiue̩l 12:6

Taku Samiue̩l ka ñw amone̩ le̩ kakini, Jihofa chʼe̩ne̩ kʼi chi Mose̩s kpai Aro̩n, kʼi ño̩ mʼamata-me̩ ko kwʼojane̩ Ijipti wa.

Jo̩shua 24:5

Tak u fu Mose̩s kpai Aro̩n kpe̩lo, oñ u fʼIjipti gwoda, owñ chʼe̩wñ kʼu che efu-ma le̩; ubile̩ tak u mʼume̩ ko dufu wa.

Akwodufu 7:12

Todu e̩ne̩ne̩ne̩ne̩-ma mʼo̩kpa-wñ du ro̩ tane̩, oñ i mud ejo. O̩kpa Aro̩n muda mʼo̩kpa-ma ko mi.

Akwodufu 6:11

Nyʼejefu, kʼe̩ ka ñwu Fero, onu Ijipti, kʼi tʼamo̩ma Israe̩l no̩ ku ma kwo bʼane̩-wñ te̩.

Akwodufu 4:27

Taku Jihofa ka ñw Aro̩n kakini, Lo kʼuwe̩ kpai Mose̩s ki de ef aje̩tachi le̩. Tak i le, oñ i de kpai owñ oj uwo O̩jo̩, i la dalu kʼalu.

Akwodufu 4:29

Taku Mose̩s kpai Aro̩n le oñ ma fʼabogijo amo̩ma Israe̩l do̩ jeju chaka.