Eli Eko̩ DʼO̩jo̩ 103:14 - O̩TAKADA O̩LA O̩JO̩ 1970

¹⁴ Todu owñ chema e̩wñ ku ma ne̩ bo̩ wa; ibe-wñ chʼekado ka kʼebutu a che.

Eli Eko̩ DʼO̩jo̩ 103:14 ပူးပေါင်းရင်းမြစ်များ

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Job 10:9

E̩ ki rewa ka kʼe̩ bo̩ mi alu ku ma nʼama bo̩ e̩wñ; e̩ ñʼadʼumi dabi tʼef ebutu ge̩?

Eli Eko̩ DʼO̩jo̩ 89:47

O, e̩ nadibekado alu kʼiko-mi chʼo̩ree, e̩wñ chi kʼuwe̩ fʼamo̩ma one̩ chaka nyi rʼo̩wai!

Abakwane̩ 3:19

Ugu atʼe̩ oji tak e̩ jʼuje̩wñ gbogbo tak e̩ dabi tef ane̩, todu efu-wñ oñ ma dʼuwe̩ kwo; ebutu uwe̩ che, e̩ ñʼadabi tef ebutu ge̩.

Job 7:21

E̩wñ chi kʼe̩ ma tʼada kʼu je̩ no̩ kʼe̩ ma la kʼudu kʼu fe̩ bʼumi o̩la te̩ n? Todu fa-i omi adachi ef ebutu; uwe̩ la atejane̩-mi kiili, omi la ado̩mo̩ n.

Aizaya 29:16

Me̩ rʼe̩wñ da bʼane̩ ma! Abucha kpʼama-wñ chʼokate? Kʼe̩wñ ku ma chʼo̩na-wñ ki nʼo̩la e̩ne̩ ki bʼo̩ aka kakini, I chʼowñ chʼo̩na mi n; abe̩k e̩wñ ku ma bo̩ anʼo̩la e̩ne̩ ki bʼo̩ aka kakini, I mʼoji e̩wñ n?

Job 13:25

Uwe̩ anyʼeñmi kʼafu adʼu alo okpo? Uwe̩ ane̩ ikakpunu egbe e̩gbe̩ ule?

Abakwane̩ 2:7

taku Jihofa O̩jo̩ nʼebutu fʼone̩ bo̩, oñ i ñmiñmi afu e-iñmi nyʼiñmo̩-wñ; oñ one̩ mud onugo one̩ kʼi nʼiñmi.