Eli Eko̩ DʼO̩jo̩ 10:8 - O̩TAKADA O̩LA O̩JO̩ 1970

⁸ I gugu ako o̩wo̩ʼka ewo ewo; ugbo kʼi maja le̩ i akpa abo ku ma ma fʼudu n. Eju-wñ atʼame̩no̩labi ubi umaja umaja.

Eli Eko̩ DʼO̩jo̩ 10:8 ပူးပေါင်းရင်းမြစ်များ

Habakuk 3:14

Uwe̩ nʼo̩kpa-wñ onugo gwunyʼoji abogu-wñ, ma wa dab ofutu ku ma fʼumi kpatuka, ma yo̩ dabe̩ne̩ ku ma akʼame̩no̩bata mi umaja umaja.

Je̩re̩maya 22:17

Eju-we̩ kpʼe̩do̩-we̩ muda kad ile uji ofofo eje̩ kate, todu kʼe̩ dʼe̩bie̩ ki ma fʼudu n dafo, kpai one̩ ete̩ mʼane̩ kpai o̩lachi eche.

1 Samiue̩l 22:18

Tak onu ka ñwu Doe̩g e̩ne̩ Ido̩m le̩, kakini, Uwe̩ ki rida abʼamatama le̩ ma. Taku Doe̩g, e̩ne̩ Ido̩m le̩, rida oñ i lewa bʼamatama ma, i la fʼone̩ o̩gbo̩ me̩le̩ nyoke me̩lu ku ma nyʼe̩fo̩d line̩n efufu kpa.

Luku 8:1

Ubile̩ i leatu i lale gu ef ewo ewo kpai o̩ja du; i nʼakoya ata, i la nʼuche̩nyo̩ ojane̩ O̩jo̩ aje̩ rʼuma; abo me̩gweji le̩ manyʼo̩ o̩la,

Eli Eko̩ DʼO̩jo̩ 94:6

Ma kpa o̩yaukuo̩ko̩ kpai ilowa, oñ ma gwejugede kpa abo ku ma ma nʼata n;

Eli Eko̩ DʼO̩jo̩ 17:11

A ache kʼa lule̩, ma donyʼuwa daka; ma fʼeju che te̩ ku ma ko wa rikpolo nʼane̩.

2 Amonu 21:16

Anubi le̩ ge̩ Manasa kʼe̩bie̩ ki ma nʼudu n dafo tabale, gbogbo tak i je̩ ñwu Je̩rusale̩m che̩ko̩ ñw u kwo otitala ejuʼka tʼotitala eju ekeji; e-le̩ manyʼadure-wñ kʼi ne̩ je̩ ñw abo Juda dure, owñ chʼe̩wñ ki bie̩ne̩ eju Jihofa ku ma che le̩.

1 Samiue̩l 23:23

Todule̩ me̩ go, ku me̩ ma uña uña du ugbo kʼi adade kʼi adʼo̩la-wñ maja, taku me̩ nʼo̩gbali-wñ wʼugbo-mi, kʼu nale bʼume̩; oñ i awatu iche̩wñ kʼi dʼoj ane̩-i, omi atejane̩-wñ ugbo abo Juda du ku ma chʼicham nyʼo̩gwo̩ko̩ icham nyʼo̩gwo̩ko̩-i.

Luku 10:1

Ubi e̩wñ kide̩ Ondu mʼabo ojoji omune̩ o̩gbo̩ me̩ta nyoke me̩gwa chi, oñ i fʼuma kpe̩ eji eji o̩gba-wñ, tef ewo du kpai ugbo du kʼowñ onugo ache kʼi nyi.

Amakajo̩ 9:25

Tak aboke̩le̩ She̩ke̩m kʼabo-ma iche̩ka kpalajo̩ oj uwo, oj uwo, oñ e̩ne̩ du kʼi lale ugbo ma o̩mo̩ ma bʼo̩ gbʼane̩; oñ ma mʼu du ka ñw Abime̩le̩k.

Job 24:14

Ane̩ chane̩ ene̩ akpone̩ akwane̩, i akpʼe̩no̩bata kpʼe̩nale; odu i la dabe̩ne̩ kʼajoji.

Ita, Ita 24:15

Uwe̩, e̩ne̩bibi, e̩ ki kpala nyʼodo e̩no̩kpakpa n; e̩ ki kpʼuña uñmi-wñ bie̩ n;