Danie̩l 8:2 - O̩TAKADA O̩LA O̩JO̩ 1970

² Oñ u fʼe̩wñ li ef ane̩ ego le̩; oñ e̩gba kʼu li, u dʼef unyi onu Shushan, owñ chʼe-ki dʼane̩ Elam; oñ u li ef ane̩ ego le̩, u la dʼo̩la ohimini Ulai.

Danie̩l 8:2 ပူးပေါင်းရင်းမြစ်များ

E̩sta 1:2

oñ adiko le̩ onu Ahasurus gugu oj ede o̩fe̩-wñ kʼi dʼef unyi ku ma do̩ ko̩ Shushan,

Nihe̩maya 1:1

O̩la Nihe̩maya o̩ma Hakalaya le̩ de̩. Oñ i lewatu ochu Chisle̩f, o̩do̩ e̩kogu-wñ, abu kʼu dʼef unyi Shushan,

Izikie̩l 32:24

O̩mo̩ Elam de̩, oñ o̩wo̩ one̩-wñ chaka donyʼojinoji-wñ daka jo̩; abo ku ma kpa ma ma che chaka, ma wane̩ alu o̩kwo̩chageli, ma nʼe̩pi odukulu-ma gwo̩ru nyʼugbo ki chʼo̩gane̩ ane̩-ile̩-i, owñ chʼabo ku ma je̩ ñw ailo-ma ba one̩ oj ane̩ abo ku ma deju. Anyo̩ la mu ma manyʼabo ku ma gwo̩ru nyʼef o̩lo̩ulu.

Je̩re̩maya 25:25

kpʼamonu Zimri du kpʼamonu Elam du kpʼamonu Me̩dia chaka;

E̩sta 2:8

Abe̩le̩ i lewatu, e̩gba kʼo̩la onu kpai o̩da kʼi dute̩ tʼamone̩ eti kʼabimo̩to̩ abobule̩ wewe jeju jʼunyi Shushan, o̩wo̩ Hegai, ma laño̩ mʼE̩sta du wʼef unyi onu, tef o̩wo̩ Hegai kʼi ade abobule̩ le̩.

Abakwane̩ 14:1

Oñ i lewatu adiko Amrafe̩l onu Shainar, Ario̩k onu E̩laser, Chedo̩rlaome̩r onu Elam, kpai Taidal onu Goim,

Abakwane̩ 10:22

Amo̩ma e̩ne̩ke̩le̩ She̩m che: Elam, kpai Ashur, kpai Arpaksad, kpai Lud, kpai Aram.

Danie̩l 8:3

Tak u chi eju-mi nyʼate̩, oñ u li, go, okolo ki nʼigba meji dago eti ohimini le̩; igba-wñ meji la chʼe̩gwe̩; oka muda gwe̩ tʼekeji le, e-ki fu dufu otitala la gwe̩ tule.

Danie̩l 7:15

I bo̩ tʼe-mi Danie̩l, e̩do̩-mi kpabie̩ gbogbo tʼalumeji año̩la-mi, oñ ane̩ kʼu go ef oji-mi che mi e̩do̩ ñwañwala.

Danie̩l 7:2

Danie̩l ko̩la kakini, U li e̩wñ ef ane̩ kʼu go odu, e̩ la go, afu ojale me̩le̩ muke̩che̩ ab ohimini lile ma.

Aizaya 21:2

Ma dʼane̩ ego ki gbiti ka ñw mi; e̩ne̩ ki dʼo̩wo̩ tef ukpo arʼo̩kpo̩ chʼe̩wñ o̩gwo̩ me̩, akpa e̩wñ bie̩ do̩mo̩ akpa e̩wñ bie̩. O Elam, mute̩gu alo ke, O Me̩dia, kpala nyʼuma; ifi-wñ du kʼi afi naje̩ ñw u we.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

E̩sta 9:15

Tak amaJu ku ma jo̩ Shushan ño̩ kʼo̩la-ma jeju o̩jo̩ e̩ke̩gwe̩le̩ ochu Adar ge̩, oñ ma fʼaboke̩le̩ oli me̩fa kpa Shushan; ma muda do̩wo̩kadʼane̩-ma n.

E̩sta 9:11

O̩jo̩ le̩ ma ño̩ mʼaluka one̩ ku ma kpa efu Shushan unyi onu du ka ñw onu.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

Ekaluka 12:6

Tak i kakini, Me̩ netirʼo̩la-mi-i: iche̩wñ kʼakache̩ dʼefu-me̩, omi Jihofa aje̩ ñw u kʼi ma mi ef ane̩ ego, nako̩la ñw u ef o̩na.

Abo Hibru 1:1

Abu kʼO̩jo̩ fʼukpe̩ ukpe̩ o̩la-wñ wewe ka ñw abogijo igbele lʼo̩na o̩na ki wewe ef amakache̩ le̩,

E̩sta 7:6

Tak E̩sta kakini, E̩ne̩ ki ache wa o̩pe̩cha kpai e̩nebi ache! Owñ che Heman e̩nebie̩ne̩-i! Tak ailo fu Heman mu eju onu kpai eju o̩ya-wñ le̩.

E̩sta 3:15

Amonuche̩ onu le̩ fule rʼugbo du alu kʼonu ka. Ma laño̩ dʼo̩da le̩ ka dufu Shushan, unyi onu le̩. Tak onu kpai Heman kwoguguane̩ ku ma ñmʼomi; ama ibe abo̩ ewo Shushan dajugu nyʼomune̩.

O̩la E̩bite 9:17

Oñ abe̩le̩ u li amanya ef ane̩ ego le̩, kpʼabo ku ma tanʼoji-ma: ma chenʼe̩wñ ubʼe̩do̩ ma kʼejo̩do̩da-wñ bi una kpʼekpikpa chuwa, kpʼitolu; oji amanya-ma la dab oji amidu oñ una kpʼodudu kpʼitolu nadufu kwef alu-ma.

Izikie̩l 1:1

Oñ i lewatu o̩do̩ ogue̩gwa, ochu e̩ke̩le̩, o̩jo̩ e̩ke̩lu ochu le̩ abu kʼu dʼef ame̩namu o̩la ohimini Che̩bar, kʼefojale mubile̩ oñ u fʼO̩jo̩ li ef ane̩ ego ago ño̩ go.

Danie̩l 8:1

O̩do̩ e̩ke̩ta kʼonu Be̩lshaza jʼonu, omi, Danie̩l fʼane̩ʼka go, manyʼe-ejodudu ki tejugede ñwu mi le̩.

Danie̩l 10:4

E̩gba kʼochu ejodudu nʼolu ogu nyoke me̩le̩, abu kʼu dago eti aji lile le̩, owñ che He̩de̩ke̩l,