Danie̩l 5:7 - O̩TAKADA O̩LA O̩JO̩ 1970

⁷ Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

Danie̩l 5:7 ပူးပေါင်းရင်းမြစ်များ

Danie̩l 5:29

Taku Be̩lshaza ka, oñ ma nyi Danie̩l otogbo odufa ekpikpa, oñ ma dʼiyagba o̩jamalia tʼo̩ o̩fa, taku ma dʼo̩la-wñ takoya, kʼowñ ki chʼe̩ne̩ e̩ke̩ta ef abo̩da ojane̩ le̩.

Danie̩l 5:16

Omi muda gbo̩ inabali-we̩ ka kʼuwe̩ neke kʼofe e̩wñ dufu, kʼe̩ ño̩ neke fʼo̩la ki gwuji ne̩. I la che̩wñ kʼuwe̩ neke chʼo̩kalatu orubutu-i, kʼe̩ la je̩ ñwu mi ma ofe-wñ, ma anyʼuwe̩ otogbo odufa ekpikpa, oñ iyagba o̩jamalia atʼuwe̩ o̩fa, tak uwe̩ achʼe̩ne̩ e̩ke̩ta ki anʼo̩da ojane̩-i.

Danie̩l 2:48

Tak onu mu Danie̩l du chʼe̩ne̩ lile, oñ i kʼe̩wñ lile wewe chʼe ele, i la je̩ ñw u nʼo̩da ojane̩ Babilo̩n chaka, oñ i dʼowñ chʼuto̩gba amakoji onu kʼi nʼo̩da amanibe Babilo̩n du.

Danie̩l 2:6

Me̩ muda mʼo̩na le̩ kpʼofe-wñ du dufu, me̩ agba e̩wñ ele kpai uloko kpai ojima nana o̩wo̩-mi; todule̩ me̩ ki kʼona le̩ kpʼofe̩-wñ ñwu mi.

Danie̩l 2:2

Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Izikie̩l 16:11

Tak u kʼe̩wñ ijaga nyʼuwe̩ o̩la, u la kʼude̩ nyʼuwe̩ o̩wo̩, oñ u kʼiyagba nyʼe̩ o̩fa.

Aizaya 47:13

Ojuju-we̩ kʼe̩ nyi wewe wewe le̩ fʼe̩ hia me̩; abo ku ma go e̩wñ ojale kpai abo ku ma gʼawo kpai abo ku ma gʼochu ki ne tito̩ ku ma kache̩ le̩, ki dago ajadu we̩ bʼe̩wñ kʼi awa abʼe̩ ma te̩ ke.

Danie̩l 4:14

I fʼukwa kwa, oñ ab i ka de̩ kakini, Fʼoli le̩ lo̩ wane̩, e̩ la fʼe̩to̩-wñ ko̩da, fʼeñmi-wñ mi rinyo̩, fʼe̩ro-wñ fiatuka; ame̩la ki kwo bʼofe-wñ te̩, ame̩we̩ ki la kwo bʼe̩to̩-wñ te̩.

Eli So̩lo̩mo̩n 1:10

Iti-we̩ chʼuto̩ ñw e̩wñ ijaga ku ma re nyʼu, ako̩ chʼe̩che̩nyʼo̩fa-we̩.

Ita, Ita 1:9

todu e-le̩ achʼuloko oji-we̩ ki chʼuto̩, kpai iyagba kʼe̩ ko nyʼo̩fa-we̩.

E̩sta 3:1

Ubi e̩wñ le̩ ge̩ onu Ahasurus mu Heman o̩ma Hamedata, e̩ne̩ Egag le̩, du nyo̩gba, oñ i mʼowñ du kwane̩, i hi uña ugugu-wñ tʼo̩gba ñw amagboji ku ma jʼugbo-wñ chaka.

1 Samiue̩l 17:25

Tak aboke̩le̩ Israe̩l kakini, Ame̩ li e̩ne̩ kʼi te̩gu awa-i? Todu kʼi bʼabo Israe̩l ina oñ i awa-i ochochi; ab i ade̩ de̩, onu akʼe̩wñ ñw e̩ne̩ du kʼi mʼowñ du kpa, kʼi mud anana otemeje. I lañʼadʼo̩ma-wñ kpʼo̩. I aje̩ ñw abo unyi ata-wñ ku ma nʼo̩la-ma ogbolo oj ane̩ Israe̩l.

Ekaluka 24:11

Todule̩ e̩ nara dabi tʼe̩gu-we̩ ke; u ka ku nadʼuwe̩ nyo̩gba tef ojima inaina; e̩ la go, Jihofa fʼuwe̩ fa ubi bʼojima le̩ te̩.

Ekaluka 22:17

todu nahi uwe̩ nyo̩gba tef ojima ki nana tabale, e̩wñ du kʼuwe̩ aka ñwu mi nache; todule̩ o̩ko̩ nagba bʼuwe̩-i, lewa ke, kʼe̩ fʼama na ñw amone̩-i ñwu mi.

Ekaluka 22:7

Abe̩le̩ abogijo Moab kpai abogijo Midian kwʼo̩mo̩ le, e̩wñ uro̩me̩ ifa ebo̩ le̩ jʼef o̩wo̩-ma, ma lewa ugbo Belam, oñ ma fʼuche̩ Bele̩k je̩rʼu.

Abakwane̩ 41:8

Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Je̩re̩maya 50:35

O̩kwo̩chageli bʼabo Kaldia kpʼabo ku ma dodo Babilo̩n ma me̩, Jihofa ka-i, kpʼabʼoji amagboji-wñ kpʼamanibe-wñ ma ge̩!

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Danie̩l 1:20

Oñ ef o̩la ibe du kpʼugbo oji e̩wñ ema, kʼonu tʼuma ene, i li ka kʼama nyo̩ tʼamachifamu kpai amade̩bo̩ du ku ma jʼojane̩-wñ le onu me̩gwa.

Danie̩l 2:27

Danie̩l mʼohi du eju onu o̩mo̩ kakini, E̩wñ umaja kʼonu ka le̩, tʼamanibe̩, tʼamade̩bo̩, tʼamachifamu, tʼamake̩ma neke kʼofe-wñ ñw onu n;

Danie̩l 5:11

E̩ne̩ʼka dʼojane̩-we̩ kʼAfu amo̩jo̩ kiafo̩ dʼef uwñ; o̩kpanachi ata-we̩ ma fʼugane̩ kpʼoji e̩wñ ema kpʼibe li ef uwñ, i dabe̩ne̩ kʼibe amo̩jo̩ abe̩i. Oñ onu Ne̩biukadne̩za ata-we̩, owñ chʼonu kʼi chʼata-we̩ le̩, mʼowñ du chʼodu amachifamu kpʼamade̩bo̩ kpʼabo Kaldia kpʼamake̩ma;

Danie̩l 5:15

Ma la mʼamanibe, ku ma chʼamade̩bo̩, ko wʼo̩gba-mi fai kʼama ki chʼo̩kalatu orubutu-i, kʼama ki je̩ ñwu mi ma ofe-wñ; ma muda neke dʼofe e̩wñ le̩ dufu n.