Danie̩l 4:7 - O̩TAKADA O̩LA O̩JO̩ 1970

⁷ Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Danie̩l 4:7 ပူးပေါင်းရင်းမြစ်များ

Aizaya 44:25

kʼi akʼujiwe amaremi gwuji, kʼi la aje̩ ñw amabifa himu; kʼi la arʼamanibe da tʼubi, oñ i aje̩ ñw ibe-ma mud idada;

Danie̩l 2:7

Taku ma dohi onukeji kakini. Onu ki ka ñw amadu-wñ o̩na kʼi na le̩, tak a akʼofe-wñ.

Danie̩l 2:27

Danie̩l mʼohi du eju onu o̩mo̩ kakini, E̩wñ umaja kʼonu ka le̩, tʼamanibe̩, tʼamade̩bo̩, tʼamachifamu, tʼamake̩ma neke kʼofe-wñ ñw onu n;

Danie̩l 2:10

Oñ abo Kaldia le̩ mʼohi du o̩gba onu kakini, I nʼe̩ne̩ du ki dʼile̩ kʼi neke dʼo̩la onu le̩ dufu n, todu alu du kʼi chaka nana kpai alu du kʼukpahiu-wñ de̩, i nʼonu du abe̩k e̩ne̩ o̩da ki tene e̩wñ abe̩le̩ ugbo achifamu kpai ade̩bo̩ kpai Kaldia mama ta n.

Abakwane̩ 41:8

Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Abakwane̩ 41:24

Tak acha e̩kwire̩ le̩ mʼacha mebie e-ki nyo̩ ko mi. Oñ u mudu ka ñw amachobochi, i muda nʼe̩ne̩ du kʼi neke kʼofe-wñ ñwu mi n.

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Danie̩l 3:8

Tak iko le̩ abo Kaldia iche̩ka te̩wa agwʼajo̩ nʼamaju.

Danie̩l 4:18

O̩na-i, omi, onu Ne̩biukadne̩za na; oñ uwe̩, O Be̩lte̩shaza, ki kʼofe-wñ dufu, abu kʼamanibe ojane̩-mi du ma neke je̩ ñwu mi ma ofe-wñ n; uwe̩ muda neke che; todu afu amo̩jo̩ kiafo̩ dʼef uwe̩.

Danie̩l 5:7

Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

Danie̩l 5:8

Tak amanibe onu le̩ chaka mugudu wa; ma muda neke chʼo̩kalatu orubutu le̩ n, ma la neke je̩ ñw onu mʼofe-wñ n.

Eli Eko̩ DʼO̩jo̩ 37:35

U fʼe̩ne̩bibi li e̩gba kʼukpahiu-wñ abailo, i dab oli emimi ki dago ane̩ e-wñ ahidu.

Izikie̩l 31:3

Go, e̩ne̩ Asiria le̩ chʼoli sida Le̩bano̩n, e̩to̩-wñ chʼuto̩ olubo̩-wñ dab efoko, i la gba tʼatate̩, oji-wñ la tʼef akpa.