Danie̩l 4:6 - O̩TAKADA O̩LA O̩JO̩ 1970

⁶ Todule̩ u dʼo̩da te̩ kʼama ki kʼamanibe Babilo̩n chaka wa o̩gba-mi, ku ma ki je̩ ñw mi ma ofe o̩na le̩.

Danie̩l 4:6 ပူးပေါင်းရင်းမြစ်များ

Danie̩l 2:2

Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Danie̩l 5:7

Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

Danie̩l 1:17

I chʼe-abokolobia me̩le̩ le̩, O̩jo̩ mʼibe kpʼugbeju ko ñwu ma ef e̩wñ eko̩che̩ kpai e̩wñ ibe du. Danie̩l la chemoji ane̩ ego kpai o̩na kʼone̩ ana chaka.

Danie̩l 2:48

Tak onu mu Danie̩l du chʼe̩ne̩ lile, oñ i kʼe̩wñ lile wewe chʼe ele, i la je̩ ñw u nʼo̩da ojane̩ Babilo̩n chaka, oñ i dʼowñ chʼuto̩gba amakoji onu kʼi nʼo̩da amanibe Babilo̩n du.

Danie̩l 4:15

E̩ muda tʼikakpunu-wñ no̩ dago ane̩, me̩ nʼebije kpʼebije-kpa fʼu ji te̩ ef egbe emimi oko le̩; eli ojale ki nachi nyʼu: ukpe̩ e-wñ ki la dʼugbo ame̩la ef egbe ane̩ ile̩-i;

Danie̩l 5:11

E̩ne̩ʼka dʼojane̩-we̩ kʼAfu amo̩jo̩ kiafo̩ dʼef uwñ; o̩kpanachi ata-we̩ ma fʼugane̩ kpʼoji e̩wñ ema kpʼibe li ef uwñ, i dabe̩ne̩ kʼibe amo̩jo̩ abe̩i. Oñ onu Ne̩biukadne̩za ata-we̩, owñ chʼonu kʼi chʼata-we̩ le̩, mʼowñ du chʼodu amachifamu kpʼamade̩bo̩ kpʼabo Kaldia kpʼamake̩ma;