Danie̩l 4:1 - O̩TAKADA O̩LA O̩JO̩ 1970

¹ O̩wo̩ onu Ne̩biukadne̩za tʼugbo amone̩ du kpʼabo uche̩ichi kpʼalichi ugbo du kʼone̩ dodo ane̩-ile̩-i: I ra ñw me̩ kpo̩o̩!

Danie̩l 4:1 ပူးပေါင်းရင်းမြစ်များ

1 Iko Iko E̩wñ 12:18

Tak Afu lewa bʼo̩la Amesai kʼi chʼe̩ne̩ ki d oji dufu ef amagboji abo ogu le̩ ma, i kakini, Abo-we̩ a che, Defid, Ugbo e-we̩ oñ a de̩, uwe̩, o̩ma Je̩si: Ure̩do̩ ure̩do̩ ki chʼe-we̩, Ure̩do̩ ki la dʼugbo abo ku ma gbutu-we̩; Todu O̩jo̩-we̩ do̩mo̩ a te̩ko we̩. Taku Defid mʼuma gba, oñ i mʼuma ko chʼoji udala udala.

E̩zra 4:17

Tak onu mʼohi-wñ du kpuche̩ ru Rehum, agboji amatohio̩la, kpai Shimshai, ako̩takada le̩, kpai abo umana-ma ku ma dodo Samaria, kpai ugbo ki-bo̩ ejudaba ohimini le̩ kakini, I ra ñw me̩ kpoo̩, abe̩le̩, abe̩le̩.

E̩zra 5:7

Ma dʼo̩takada kpuche̩ rʼu, o̩takada le̩ kakini, Tugbo Darius, kʼi chʼonu, i ra ñw e̩ kpo̩o̩.

E̩sta 3:12

Taku ma fʼamako̩takada onu le̩ do̩ wa o̩jo̩ e̩ke̩gwe̩ta ochu ejodudu, taku ma fʼo̩la ko̩ teju alu du ku Heman ñwa rʼamigo̩bina kpai amakomonu ku ma nʼo̩da ojane̩ ojane̩ du kpai amagboji amone̩ chaka, rʼojane̩ ojane̩ okoke du teju alu kʼo̩lubutu-wñ de̩, ma ko̩ rʼamone̩ ojoji ojoji chaka alu ichi e-ma; ma fʼu ko̩ ef odu onu Ahasurus, oñ ma nʼelika onu fʼu hiuko̩.

E̩sta 8:9

Taku ma fʼamako̩takada onu do̩ wa iko le̩, owñ chʼochu e̩ke̩ta, ki ko̩ Sifan, o̩jo̩ ogu nyoke me̩ta-wñ; oñ ma fʼu ko̩ rʼe̩ne̩ du teju alu ku Mo̩rde̩kai ñwa ñw amaJu kpai amakomomu kpai amigobina kpai amagboji ojane̩ ojane̩, ku ma jo̩ akwʼIndia gbogbo wʼItiopia, owñ chʼojane̩ ojane̩ o̩gbo̩ me̩fa nyoke mebie, rʼojane̩ ojane̩ okoke alu kʼolubutu-wñ de̩, kpai amone̩ du alu kʼichi ichi-ma de̩, kpai amaJu alu kʼolubutu-ma de̩ kpai alu kʼichi-ma de̩ ge̩.

Danie̩l 3:29

Todule̩ nadʼo̩da te̩-i kakini, Amone̩ kpʼuche̩ichi du kpʼaluichi du ki ako̩la akpʼO̩jo̩ Shedrak kpai Mishe̩k kpʼAbe̩d-nego bie̩, ma akʼo̩ da ye̩ge̩ ye̩ge̩, ma la ako unyi unyi-ma che ojeita; todu O̩jo̩ omune̩ du kʼi aneke gbʼone̩ dab owñ do̩mo̩ ge̩ n.

Danie̩l 3:4

Taku ma fʼakoya ta kakini, Ame̩ ma ka-i, O amone̩, abo uche̩ichi uche̩ichi kpʼamakichi ojoji ojoji,

Danie̩l 6:25

Tak onu Darius fʼo̩takada ko̩ rʼamone̩ du kpʼabo uche̩ichi kpʼabo ichi ichi du ku ma dodo ugbo du ile̩-i kakini, I ra ñw me̩ kpo̩o̩!

Danie̩l 6:27

I agbʼone̩ tane̩, i adʼone̩ inya, i achʼe̩wñ ujiwe kpʼuno̩ efojale kpʼane̩-ile̩-i, i la ño̩ gba Danie̩l bʼukpahiu amidu te̩.

Danie̩l 7:14

Oñ ma mʼo̩da kpʼojima kpʼojane̩ ko ñw u, kʼamone̩ du kpʼabo uche̩ichi du kpʼabo ichi ichi du ki rʼo̩; o̩da-wñ chʼo̩da o̩gbegbele̩, ki ma ñʼalale rinyo̩ n, ojane̩-wñ la chʼe-ku ma ma akpabie̩ n.

Ze̩karaya 8:23

Abu ki Jihofa ki nʼe̩wñ du aka de̩ kakini, Iko le̩ aboke̩le̩ me̩gwa kwef abo ichi ichi ojoji du agwo̩nyʼe̩re̩ otogbo e̩ne̩ ki che Ju kakini, A ale bʼuwe̩, todu a gbo̩ ka kʼO̩jo̩ dʼugbo-we̩.

E̩wñ kʼAme̩nukpuche̩ Che 2:6

Oñ abu kʼiche̩-i wate̩ ugwe̩ko̩ amone̩ le̩ wa jʼugbo kate. Ibe-ma la dajugu todabu kʼe̩ne̩ne̩ne̩ne̩ gbo̩ abu ku ma jʼako̩la ichi e-wñ onugo.

Abo Rom 1:7

Omi Po̩l le̩, tʼugbo abo du ku ma jo̩ Rom ku ma chʼabo ufe̩do̩ O̩jo̩, abo udo̩ ku ma chʼabo kiafo̩. Ufe̩de̩nyo̩ kpʼure̩do̩ ki dʼugbo me̩ kwʼugbo O̩jo̩ Ata-wa kpai Ondu Jisus Kraisti.

Abo E̩fe̩sus 1:2

Ufe̩de̩nyo̩ kpai ure̩do̩ ki dʼugbo me̩ kwʼugbo O̩jo̩ Ata-wa kpai Ondu Jisus Kraist.

1 Timoti 1:2

tʼugbo Timoti, o̩ma-mi o̩gbo̩lo̩ ef e̩do̩ ekono: Ufe̩de̩nyo̩ kpʼejumomi kpʼure̩do̩ kwʼugbo O̩jo̩ Ata kpai Kraisti Jisus Ondu-wa ki dʼugbo we̩.

1 Pita 1:2

Owñ chʼabo kʼO̩jo̩ Ata chi ma likpa alu kʼi fʼe̩wñ du ma tane̩ ef efo̩ e-Afu, kʼame̩ ki gbʼo̩la Jisusi Kraisti gbo̩, kʼe̩bie̩-wñ ki natafi ume̩ o̩la. Ufe̩de̩nyo̩ kpʼure̩do̩ ki dʼugbo me̩. I ki nana nyo̩gba.