Danie̩l 3:8 - O̩TAKADA O̩LA O̩JO̩ 1970

⁸ Tak iko le̩ abo Kaldia iche̩ka te̩wa agwʼajo̩ nʼamaju.

Danie̩l 3:8 ပူးပေါင်းရင်းမြစ်များ

E̩wñ kʼAme̩nukpuche̩ Che 28:22

I la nyo̩ wa eju kʼa gbo̩ ibe e̩wñ kʼi dʼef uwe̩ alu-we̩, todu i chʼe-o̩la uche̩ ki date̩-i, a chema ka ku ma mʼubi dagbʼo ugbo du.

Danie̩l 2:10

Oñ abo Kaldia le̩ mʼohi du o̩gba onu kakini, I nʼe̩ne̩ du ki dʼile̩ kʼi neke dʼo̩la onu le̩ dufu n, todu alu du kʼi chaka nana kpai alu du kʼukpahiu-wñ de̩, i nʼonu du abe̩k e̩ne̩ o̩da ki tene e̩wñ abe̩le̩ ugbo achifamu kpai ade̩bo̩ kpai Kaldia mama ta n.

E̩sta 3:6

Ama e̩de̩te̩-wñ je̩ ñw u do̩wo̩kado Morde̩kai kate n. Todu ama ka ñw u e̩ne̩ kʼabo Mo̩rde̩kai che e̩gbale̩ me̩; todule̩ Heman feju alu kʼi ale kʼi akpa amaJu ku ma jʼugbo du ojane̩ Ahasurus chaka, owñ chʼabo Mo̩rde̩kai le̩.

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Danie̩l 2:2

Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Danie̩l 3:7

Todule̩, iko le̩, e̩gba kʼamone̩ chaka gbo̩ uko̩la bijila kpʼo̩kpana kpʼumolo kpʼokugulu kpʼugwoje kpʼe̩wñ iya ojoji du, amone̩ uche̩uche̩ kpai ichi ichi du lewane̩ adojikane̩ ñw ojibo o̩jamalia ki Ne̩biukadne̩za onu du dago o̩mo̩.

Danie̩l 4:7

Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Danie̩l 6:4

Tak ame̩nuto̩gba le̩ kpai amako̩-monu tejane̩ e̩wñ ku ma agwuno Danie̩l ugbo e̩wñ ojane̩ le̩; ma muda neke li e̩wñ du n, ma li e̩wñ du kʼi kpabie̩ n, todabu kʼowñ chʼachubi onu; ma la li ila kpai e̩wñ e̩bie̩ne̩ du ef uwñ n.