Danie̩l 3:6 - O̩TAKADA O̩LA O̩JO̩ 1970

⁶ E̩ne̩ ki ma lewane̩ adojikane̩ n, ma adʼu rikpolo tʼalumeji una ki ajo̩ ef aido iko le̩ gbage̩de̩.

Danie̩l 3:6 ပူးပေါင်းရင်းမြစ်များ

Matiu 13:50

oñ ma ako ma rikpolo jʼef adido una. O̩mo̩ aku ero̩ kpʼenyi elo̩ ade̩.

Matiu 13:42

ma la ako ma ro̩ jef adido una: o̩mo̩ aku ero̩ kpʼenyi elo̩ ade̩.

Je̩re̩maya 29:22

Todu ma, oñ abo ku ma ño̩ kwo Juda nyi Babilo̩n le̩ chaka anʼina-i abu kakini, Jihofa ki dʼuwe̩ ehe kʼe̩ dʼalu ku Ze̩de̩kaya kpai Ehab de̩, owñ chʼabo kʼonu Babilo̩n fu ro̩ ef una,

Danie̩l 3:15

I la che̩wñ kʼo̩la-me̩ chʼe̩mu dede iko ku me̩ gbʼuko̩la bijila kpʼo̩kpana kpʼumolo kpʼokugulu kpʼugwoje kpʼalije̩ta kpʼe̩wñ iya ojoji du, ku me̩ lewane̩ adojikane̩ ñw ojibo kʼu che le̩, mak i nyo̩; me̩ ma muda dojikane̩ n, iko le̩ gbage̩de̩ ma ako me̩ rikpolo tʼalumeji una ki ajo ef adido; e̩ne̩ chʼO̩jo̩ kʼi agba me̩ bʼef o̩wo̩-mi te̩?

Danie̩l 3:11

oñ e̩ne̩ ki ma lewane̩ adojikane̩ ñw u n, ma adʼu rikpolo tʼalumeji una ki ajo ef adido.

O̩la E̩bite 14:11

Odudu uwa-ma le̩ ate̩gu tʼate̩ ogbegbele̩ nyile̩wa; ma la anʼuñmi o̩ro̩ka kpʼodu n; owñ chʼabo ku ma dojikane̩ ñw e̩la le̩ abe̩k ojibo-wñ kpʼe̩ne̩ du kʼi gbʼina odu-wñ.

O̩la E̩bite 9:2

Tak i mʼo̩na ura o̩lo̩ulu le̩ bi; oñ odudu kwʼef ura le̩ tuu tʼatate̩ dabe̩ne̩ kʼodudu adido lile oñ olu kpʼafu-i chubi noj odudu ki kwʼef ura le̩.

Mark 6:27

Ababale̩ onu fʼokolofoʼka kpuche̩, i ñwa ñw u kʼi dʼoji-wñ wa; tak i le mʼoji-wñ ko̩da ef unyiuga,

Matiu 4:9

Oñ i ka ñw u kakini, Iche̩wñ kʼe̩ leane̩ adojikane̩ ñwu mi, nakʼe̩wñ-i du ñw e̩.

Danie̩l 6:7

Ame̩nuto̩gba ojane̩-i du kpai amakoji onu kpai amakomonu kpai abo̩hiala kpai amigo̩bina nyʼojuju ku ma dʼo̩da onu te̩, ku ma ki fʼu lo nyane̩ ka kʼe̩ne̩ ki bi o̩jo̩ʼka abe̩k one̩ ʼka ebi, ki ma chʼuwe̩ i biʼu n, gbogbo nyʼo̩jo̩ ogue̩gwa, O onu, ma adʼe̩ne̩ le̩ rikpolo tef ura amidu.

Danie̩l 3:21

Taku ma fʼabo le̩ ji kpai afe̩-ma kpʼichaka-ma kpʼalawoni-ma kpʼe̩wñ o̩la-ma du, oñ ma mʼu ma ko rikpolo nyʼalumeji una ki ajo ef adido le̩.

Danie̩l 2:5

Tak onu dohi, oñ i ka ñw abo Kaldia kakini, U fʼo̩la le̩ ñwate̩ me̩; ame̩ ma kʼo̩na le̩ kpʼofe-wñ ñwu mi n, ma akʼume̩ da ye̩ge̩ ye̩ge̩, oñ ma akʼunyi unyi-me̩ chʼojeita.

Aizaya 44:17

Tak i adʼe-ki bo̩ chʼo̩jo̩ʼka, owñ chʼojibo-wñ kʼi gbe̩ le̩; i fʼeju bʼane̩ ma ñw u, oñ i dojikane̩ ñw u; i la arodubʼo̩, kakini, Uwe̩ ki gba mi, todu o̩jo̩-mi e̩ che!

Akwodufu 20:5

e̩ ki dojikane̩ ñwu ma n, e̩ ki re̩ ma n; todu omi Jihofa, O̩jo̩-we̩, O̩jo̩ ajogu u che, nadʼudu kʼamata-ma fe̩ nʼamo̩ma abo ku ma chʼulaka-mi oji gbogbo tʼo̩gba e̩ke̩ta kpai e̩ke̩le̩,

Abakwane̩ 19:28

oñ i kejurʼo̩wo̩ So̩do̩m kpai Go̩mo̩ra kpai o̩wo̩ ane̩ egbili le̩ du, i la go, me̩ go, odudu ane̩ le̩ akwane̩ tʼate̩ tuu dabe̩ne̩ kʼodudu aido.

Danie̩l 3:7

Todule̩, iko le̩, e̩gba kʼamone̩ chaka gbo̩ uko̩la bijila kpʼo̩kpana kpʼumolo kpʼokugulu kpʼugwoje kpʼe̩wñ iya ojoji du, amone̩ uche̩uche̩ kpai ichi ichi du lewane̩ adojikane̩ ñw ojibo o̩jamalia ki Ne̩biukadne̩za onu du dago o̩mo̩.

Danie̩l 5:19

Oñ noji unana kʼi du ñw u, o̩la amone̩ du kpʼabo uche̩ichi kpʼichi ichi du ga, ma la railo o̩gba-wñ; e̩ne̩ ki dʼowñ e̩do̩ i mʼu du kpa, oñ e̩ne̩ ki dʼowñ e̩do̩ i je̩ ñw u deju, e̩ne̩ ki dʼowñ e̩do̩ i mʼu du dago, oñ e̩ne̩ ki dʼowñ e̩do̩ i hiʼu wane̩.