Danie̩l 3:26 - O̩TAKADA O̩LA O̩JO̩ 1970

²⁶ Taku Ne̩biukadne̩za te̩ me̩rʼalu adido kʼuna ajo ef uwñ le̩; i ko̩la, kakini, Shedrak kpai Mishe̩k kpai Abe̩d-nego, ame̩, amadu O̩jo̩ Chamachala, me̩ dufu wa ku me̩ wʼemi. Taku Shedrak kpai Mishe̩k kpai Abe̩d-nego kwʼalumeji una le̩ dufu wa.

Danie̩l 3:26 ပူးပေါင်းရင်းမြစ်များ

Danie̩l 3:17

I dʼabe̩le̩ ochochi, mak O̩jo̩-wa kʼa are̩ neke gba wa kwef una ki ajo ef adido le̩; i la agba wa kwʼef o̩wo̩-we̩, O onu.

Danie̩l 4:2

I nyʼumi eju kʼu dʼujiwe kpʼuno̩ kʼO̩jo̩ Chamachala che ñw mi ña me̩.

O̩la E̩bite 19:5

Tak omuko̩la kwef ede le̩ dufu kakini, Me̩ ñwulo̩ O̩jo̩-wa, ame̩ amadu-wñ chaka kpʼame̩ ku me̩ railo owñ, tʼabʼe-kekele tʼabo e-lile.

Abo Galatia 1:10

Todu one̩ nache kʼu gbʼo̩ ibe-i? abe̩kʼO̩jo̩? abe̩k one̩ nafeju kʼu nyo̩ eju? I ma chʼone̩ u che kʼu nyʼo̩ eju ta, u ma chʼadu Kraisti n.

E̩wñ kʼAme̩nukpuche̩ Che 16:17

I natu Po̩l kpʼawa ubi akwukwa kakini, Abo-i chʼamudu O̩jo̩ Odobao̩gagu, e-ku ma dʼuche̩ o̩na ujadu kpogo ñw me̩.

Danie̩l 2:47

Onu dohi ñwu Danie̩l, oñ i kakini, Ochochi, O̩jo̩-we̩ chʼO̩jo̩ e-amo̩jo̩, kpai Ondu amonu. E̩ne̩ ki la akʼe̩wñ ki maja tejugede i che, abu kʼe̩ neke dʼe̩wñ ki maja-i tejugede.

Aizaya 52:12

Todu ame̩ adufu unaju unaju n, i la chʼera, me̩ ara n, todu Jihofa atʼume̩ o̩gba, oñ O̩jo̩ e-Israe̩l achʼe̩ne̩ ide ki atʼume̩ ubi.

Jo̩shua 4:10

Todu amatama ku ma nʼakpati le̩ dago alumeji Jo̩rdan, gbogbo tak e̩wñ du ki Jihofa ñwa ñwu Jo̩shua kʼi ka ñw amone̩ le̩ che kpa, teju alu du ki Mose̩s ñwa ñwu Jo̩shua. Tak amone̩ le̩ hio̩wo̩ wane̩ daba;

Jo̩shua 3:17

Oñ amatama ku ma ne̩ akpati alo e-Jihofa le̩ kwodago kpaka ane̩ e̩gbe̩ alumeji Jo̩rdan le̩ gbogbo tak abo ichi le̩ mudaba Jo̩rdan hioko.

E̩wñ kʼAme̩nukpuche̩ Che 16:37

Po̩l muda ka ñw uma kakini, Ma fʼuwa gwo eju o̩ja, ma kajo̩ wa tak a jʼabi n, awa kʼa chʼabo Rom-i, ma la mʼuwa koro̩ jʼef unyi uga; fai ma ko wa ro̩ dufu maja, maja? E-le̩ nʼo̩na n; ama ama onugo ki lewa ko wa dufu.

Danie̩l 6:20

Tak e̩gba kʼi lewa me̩rʼura ugbo ki Danie̩l de̩, i nʼomu-wñ kwa anyanyi; onu ko̩la ñwu Danie̩l kakini, O Danie̩l, uwe̩, adu O̩jo̩ ki deju le̩, O̩jo̩-we̩ kʼe̩ rʼo̩ o̩ko̩ko̩lo̩ le̩ neke gbʼuwe̩ ugbo amidu le̩?

Aizaya 28:16

todule̩ abu kʼOndu Jihofa aka de̩ kakini, Go, omi adʼokuta chʼe̩re̩ unyi efu Zayo̩n, ma fʼokuta le̩ ñwago me̩, i chʼokuta akoko, kʼi chʼudane̩ alo unyi kʼe̩re̩-wñ chʼo̩kpaka; e̩ne̩ ki dʼo̩ rʼochochi anaju n.

E̩zra 5:11

Abu ku ma la dʼohi ñw a de̩ kakini, Awa chʼamadu O̩jo̩ e-efojale kpai ane̩ ile̩, awa jʼakʼunyi ku ma ko̩ igbelegbele, o̩do̩ ki ma nʼaluka n, owñ chʼe-kʼonu Israe̩l lile ko̩ kʼi la fʼu che kpa.

Abakwane̩ 14:18

Taku Me̩lke̩side̩k onu Se̩le̩m kʼakala kpai omi achiwebe̩te̩ma dufu wa; owñ la chʼatama O̩jo̩ Chamachala.

E̩wñ kʼAme̩nukpuche̩ Che 27:23

Todu onuche̩ O̩jo̩ ki ne̩ mi e-kʼu nache dago kpenyʼumi odu eñini-i;

O̩lo̩da Eduwa Onukeji 4:20

Ama Jihofa mʼume̩ ko, oñ i ko me̩ kwef aido ebije le̩ dufu, owñ chʼakwʼIjipti, kʼame̩ ki chʼamone̩ ki chʼe̩wñ ogu kʼi aje̩, alu ki de̩ eñini-i.

1 Amonu 8:51

(todu abo-we̩ ma che, kpai e̩wñ ogu-we̩, e-kʼe̩ ko kwʼIjipti wa, owñ chʼakwʼalumeji aido ebije le̩)

Je̩re̩maya 11:4

owñ chʼe-kʼu ñwa ñw amata-me̩ o̩jo̩ kʼu ko ma kwʼoj ane̩ Ijipti kwʼef aido ebije le̩ wa, kakini, Me̩ ki gbʼomu-mi gbo̩, ku me̩ che teju alu du kʼu nañwa ñwu me̩; abe̩le̩ tak ame̩ achʼamone̩-mi, oñ omi achʼO̩jo̩-me̩;

Danie̩l 7:25

Owñ la anʼo̩la aka nyʼO̩machala, i la agwʼabo kiafo̩ e-O̩machala egbo, ibe la adʼef uwñ ki arʼiko iko kpʼo̩lo̩da da; taku ma akʼe̩wñ le̩ nyʼowñ o̩wo̩ gbogbo wʼikoʼka kpʼiko meji kpʼukpe̩reji iko.

Eli Eko̩ DʼO̩jo̩ 66:12

uwe̩ je̩ ñw amone̩ tanʼanya ale oji-wa; a le gu ef una kpai omi du; e̩ muda ko wa dufu wʼugbo kʼe̩wñ du chʼo̩be̩le̩ke̩te̩ jo̩-i.

Danie̩l 6:21

Taku Danie̩l ka ñw onu kakini, O onu, oji-we̩ ki gbo kala kala.