Danie̩l 2:4 - O̩TAKADA O̩LA O̩JO̩ 1970

⁴ Tak abo Kaldia ka ñw onu ichi abo Siria, kakini, O Onu, oji-we̩ ki gbo kala kala; e̩ ka ñw amadu-we̩ alu kʼe̩ nʼo̩na le̩ tak a akʼofe-wñ ñw e̩.

Danie̩l 2:4 ပူးပေါင်းရင်းမြစ်များ

Danie̩l 5:10

Noj o̩la onu kpʼabojima-wñ le̩, iye onu le̩wʼef unyi oko̩te̩ ugbo ku ma jo̩ le̩: iye onu ko̩la, oñ i kakini, O onu, oji-we̩ ki gbo kala kala; ibe ef uwe̩ le̩ ki chʼe̩ e̩do̩ñwañwala n, eju-we̩ ki rida n.

Danie̩l 3:9

Ma kʼohi ñwu Ne̩biukadne̩za onu, kakini, O onu, oji-we̩ ki gbo kala kala.

E̩zra 4:7

Oñ ef o̩kpanachi Artaze̩rksis, Bishlam kpai Mitre̩dat kpai Tabee̩l kpai ame̩numana-ma ki bo̩, fʼo̩takada ko̩ ru Artaze̩rksis, onu Pe̩rsia; ma fʼo̩takada le̩ ko̩ alu kʼabo Siria ako̩ kpai ichi Siria ge̩.

Aizaya 36:11

Tak E̩layakim kpai She̩bna kpai Joa ka ñw Rabshake̩ kakini, Nagbo̩ko̩bʼe̩ kʼe̩ ko̩la ñw amadu-we̩-i ichi Siria, todu a gbo̩ e-le̩; e̩ ki la ko̩la ñw a ichi amaJu n, ki we etʼeti amone̩ ku ma jʼoj o̩do̩-i.

Danie̩l 6:21

Taku Danie̩l ka ñw onu kakini, O onu, oji-we̩ ki gbo kala kala.

Danie̩l 6:6

Tak ame̩nuto̩gba kpʼamakomonu wʼugbo onu kpʼekuku, oñ ma ka ñw u kakini, Onu Darius, oji-we̩ ki gbo kala kala.

1 Amonu 1:31

Taku Batsheba te̩kpe̩ afʼeju bʼane̩ ma, i dojikane̩ ñw onu, oñ i kakini, Oji odu-mi, onu Defid, ki do̩mo̩ ogbegbele̩.

Matiu 21:9

Oñ o̩wo̩ amone̩ ku ma rʼo̩ o̩gba kpʼabo ku ma tʼo̩ ubi kwukwa kakini, Hosana ñw O̩ma Defid; e̩ne̩ kʼi awa ef odu Ondu ki nʼele, Hosana ef uña kʼi dʼatate̩!

Danie̩l 5:8

Tak amanibe onu le̩ chaka mugudu wa; ma muda neke chʼo̩kalatu orubutu le̩ n, ma la neke je̩ ñw onu mʼofe-wñ n.

Danie̩l 4:19

Tak ugoju mu Danie̩l, kʼodu-wñ ko̩ Be̩lte̩shaza le̩ da dago gbogbogbogbo; ibe-wñ kʼi akpe̩ la mud e̩do̩ñwañwala ñw u. Oñ onu dohi kakini, Be̩lte̩shaza, o̩na le̩ kpʼofe-wñ eka ki chʼuwe̩ e̩do̩ ñwañwala n. Be̩lte̩shaza dohi oñ i kakini, Odu-mi o̩na le̩ ki che̩ rʼabo ku ma chʼulaka-we̩, ofe-wñ ki la che̩ rʼame̩no̩la-we̩.

Danie̩l 4:7

Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Aizaya 44:25

kʼi akʼujiwe amaremi gwuji, kʼi la aje̩ ñw amabifa himu; kʼi la arʼamanibe da tʼubi, oñ i aje̩ ñw ibe-ma mud idada;

Nihe̩maya 2:3

Oñ u ka ñw onu kakini, Oji onu ki gbo kala kala! E̩wñ chi kʼeju-mi ma kpa n, abu kʼewo ugbo kʼojinoji amata-mi jo̩ chʼalache̩ te̩, kʼuna la fʼalaku-wñ jo rinyo̩?

1 Amonu 1:25

Todu eñini-i i mugwo̩ru le, i la fʼamo̩kokuno̩ kpai ame̩la ki yoyo kpai ame̩wño̩re̩ egini kpa e̩kute̩, oñ i fʼamo̩ma onu chaka kpai amagboji abogu kpʼAbayata, atama do̩; e̩ la go, ma jʼo̩gba-wñ aje̩ añmo̩, oñ ma jo̩ akakini, Oji onu Adonija ki gbo kala kala.

1 Samiue̩l 10:24

Taku Samiue̩l ka ñw amone̩ le̩ chaka kakini, Me̩ li e̩ne̩ ku Jihofa chi-i, kʼe̩ne̩ du ma dab owñ ef amone̩-i n? Tak amone̩ le̩ du fʼo̩ga chi, oñ ma kakini, Oji onu ki gbo kala kala!

Abakwane̩ 41:8

Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Abakwane̩ 31:47

Taku Le̩ban dʼodu-wñ ko̩ Jegar-sahaduta ama Jeko̩b dʼodu-wñ ko̩ Galid.

2 Amonu 18:26

Tak E̩layakim, o̩ma Hilkaya, kpai She̩bna kpai Joa ka ñwu Rabshake̩ kakini, Agba, e̩ ko̩la ñw amadu-we̩-i alu ichi Siria, todu a gbʼe-le̩; e̩ ki la ko̩la ñw a alu ichi amaJu, kʼeti amone̩ ku ma jʼoj o̩do̩-i ki gbo̩ n.

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Danie̩l 2:7

Taku ma dohi onukeji kakini. Onu ki ka ñw amadu-wñ o̩na kʼi na le̩, tak a akʼofe-wñ.

Danie̩l 4:9

O Be̩lte̩shaza, odu amachifamu, todabu kʼu chema kʼafu amo̩jo̩ kiafo̩ dʼef uwe̩, e̩wñ afili du la tʼuwe̩ le n, e̩ nakʼe̩wñ kʼu li ef o̩na-mi le̩ ñwu mi kpʼofe-wñ.

Danie̩l 6:7

Ame̩nuto̩gba ojane̩-i du kpai amakoji onu kpai amakomonu kpai abo̩hiala kpai amigo̩bina nyʼojuju ku ma dʼo̩da onu te̩, ku ma ki fʼu lo nyane̩ ka kʼe̩ne̩ ki bi o̩jo̩ʼka abe̩k one̩ ʼka ebi, ki ma chʼuwe̩ i biʼu n, gbogbo nyʼo̩jo̩ ogue̩gwa, O onu, ma adʼe̩ne̩ le̩ rikpolo tef ura amidu.