Danie̩l 2:20 - O̩TAKADA O̩LA O̩JO̩ 1970

²⁰ Daniel kakini: Odu O̩jo̩ ki nʼele tʼogbegbele̩ nyile̩wa, todu ibe kpai ukpahiu chʼe-wñ.

Danie̩l 2:20 ပူးပေါင်းရင်းမြစ်များ

Eli Eko̩ DʼO̩jo̩ 113:2

Odu Jihofa ki nele akwʼeñini-i gbogbo tʼogbegbele̩ alo!

Job 12:13

Ugbo O̩jo̩ oñ ibe kpʼugbiti de̩; owñ la nʼo̩la elo kpʼoji e̩wñ ema.

O̩la E̩bite 5:12

Ma nʼomuko̩la lile kakini, O̩mala ku ma du kpa le̩ nyo̩ bo̩jo̩ kʼi gba ukpahiu kpʼe̩wñ anana kpʼibe kpʼugbiñmi kpʼubumo̩ kpʼojima kpʼuje̩nyu.

Je̩re̩maya 32:19

Inaina-wñ chʼef o̩la elo, ukpahiu-wñ chʼef uko̩lo̩ eche. Eju-wñ la che̩birʼo̩na o̩na du kʼamone̩ ale, kʼi du ñw e̩ne̩ne̩ne̩ne̩ teju alu kʼo̩na-wñ de̩, kpai alu kʼe̩ro e̩wñ kʼi ache de̩.

Eli Eko̩ DʼO̩jo̩ 147:5

Ondu-wa gbe̩, ukpahiu-wñ la chʼololo; oji e̩wñ kʼi ma nʼukade n.

O̩takada ki kwʼo̩wo̩ Jud 1:24

Fai, tʼugbo e̩ne̩ ki neke fʼume̩ de ku me̩ we eke̩re̩, kʼi laño̩ neke ko me̩ gugu o̩gba ojima-wñ ku me̩ we ene̩ e̩kpabie̩ o̩la ef oguyo̩,

Ita, Ita 8:14

O̩la elo kpai ibe ogbolo chʼe-mi, omi oji-e̩wñ ema de̩, u chʼegbo-ka.

Eli Eko̩ DʼO̩jo̩ 115:18

Awa muda akele Jihofa akwʼe̩gba-i tʼogbegbele̩. Me̩ je̩nyu Jihofa!

1 Amonu 8:56

Jihofa ki nʼele, owñ ki mʼuñmi du ñw amone̩-wñ Israe̩l teju alu du kʼi katane̩ le̩; ef o̩la e̩wñ e̩nyo̩ kʼi katane̩ i nʼokate ki chi tinyo̩ n, owñ chʼe-kʼi katane̩ lugbo Mose̩s, adu-wñ.

Matiu 6:13

E̩ ki ko wa nyʼef ajama n, E̩ ki muda mʼuwa gba kwʼugbo e̩ne̩bibi le̩.

Eli Eko̩ DʼO̩jo̩ 62:11

O̩jo̩ ka onuʼka me̩; onu meji u gbo̩-i kakini: ukpahiu chʼe-O̩jo̩;

Eli Eko̩ DʼO̩jo̩ 50:23

E̩ne̩ du kʼi nʼugwa wa achʼiche̩bo̩ mak ojima i adu ñw mi le̩; oñ omi adʼujadu O̩jo̩ ña e̩ne̩ ki añwʼo̩na-wñ che!

Eli Eko̩ DʼO̩jo̩ 41:13

Jihofa ki nʼele, owñ chʼO̩jo̩ e-Israe̩l, akwʼigbegbele tʼogbegbele̩! Ami kpai Ami.

2 Iko Iko E̩wn 20:21

Tak i fʼo̩la lo kpʼamone̩, oñ i chi abo ku ma akeli ñwu Jihofa, ku ma la je̩nyu ñw u ef e̩wñ alifia kiafo̩, abu ku ma dufu ku ma jʼo̩gba abo ku ma fʼo̩logu mu alo, ku ma ka kakini, Me̩ gogbodo̩ Jihofa, todu ufe̩de̩nyo̩-wñ chʼogbegbele̩.

1 Iko Iko E̩wñ 29:20

Taku Defid ka ñw abo ujeju le̩ chaka kakini, Me̩ kele Jihofa, O̩jo̩-me̩ fa-i ke. Tak abo ujeju le̩ chaka kele Jihofa O̩jo̩ e-amata-ma, oñ ma fʼoji dalo̩, ma la dojikane̩ ñwu Jihofa, kpai onu.

Abakwane̩ 14:20

O̩jo̩ Chamachala kʼi nʼele, Owñ ki mʼame̩nebi-we̩ ko jʼef o̩wo̩-we̩ le̩! Tak i fʼe̩wñ le̩ du kpe̩ e̩gwa e̩gwa, oñ i mʼojiʼka ko ñw u.

Eli Eko̩ DʼO̩jo̩ 113:1

Me̩ je̩nyu ñw Jihofa! Me̩ je̩nyu, ame̩ amadu Jihofa, me̩ je̩nyu ñw odu Jihofa!

Izikie̩l 28:3

go, e̩ nʼibe tu Danie̩l le; i nʼe̩wñ afili du ki maja ñw e̩ n;

Nihe̩maya 9:5

Tak abo Lifai le̩. Je̩shua kpai Kadmie̩l kpai Bani kpai Hashabneya kpai She̩re̩baya kpai Hodaya kpai She̩banaya kpai Petahaya, kakini, Kwane̩ ku me̩ keli Jihofa kʼi chʼO̩jo-me̩ kwo ogbegbe-le̩ nyʼogbegbele̩; ama ki kele odu-we̩ e-ojima ki dʼatate̩ ñw ele eka du kpai uñwulo̩.