Danie̩l 2:2 - O̩TAKADA O̩LA O̩JO̩ 1970

² Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Danie̩l 2:2 ပူးပေါင်းရင်းမြစ်များ

Danie̩l 1:20

Oñ ef o̩la ibe du kpʼugbo oji e̩wñ ema, kʼonu tʼuma ene, i li ka kʼama nyo̩ tʼamachifamu kpai amade̩bo̩ du ku ma jʼojane̩-wñ le onu me̩gwa.

Danie̩l 4:6

Todule̩ u dʼo̩da te̩ kʼama ki kʼamanibe Babilo̩n chaka wa o̩gba-mi, ku ma ki je̩ ñw mi ma ofe o̩na le̩.

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Abakwane̩ 41:8

Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Danie̩l 5:7

Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

Danie̩l 2:10

Oñ abo Kaldia le̩ mʼohi du o̩gba onu kakini, I nʼe̩ne̩ du ki dʼile̩ kʼi neke dʼo̩la onu le̩ dufu n, todu alu du kʼi chaka nana kpai alu du kʼukpahiu-wñ de̩, i nʼonu du abe̩k e̩ne̩ o̩da ki tene e̩wñ abe̩le̩ ugbo achifamu kpai ade̩bo̩ kpai Kaldia mama ta n.

Aizaya 19:3

une̩do̩ Ijipti la adafo alumeji-wñ; u ñʼakʼo̩la ku ma lo mi; taku ma atene ugbo ode ode, kpai ugbo amachifamu, kpai abo ku ma dʼiche̩kpa kpai amake̩ma.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

E̩sta 1:13

Tak onu ka ñw amanibe ku ma chema alu kʼe̩wñ de̩ iko le̩ (todu alu kʼonu te̩tache ugbo e̩ne̩ du kʼi ma oli o̩lo̩da kpai ajo̩ eka le̩ de̩,

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Danie̩l 2:27

Danie̩l mʼohi du eju onu o̩mo̩ kakini, E̩wñ umaja kʼonu ka le̩, tʼamanibe̩, tʼamade̩bo̩, tʼamachifamu, tʼamake̩ma neke kʼofe-wñ ñw onu n;

Danie̩l 3:8

Tak iko le̩ abo Kaldia iche̩ka te̩wa agwʼajo̩ nʼamaju.

1 Samiue̩l 6:2

Tak abo Filistia fʼamatama kpʼamabifa do̩ wa, kakini, E̩wñ a ache kpʼakpati Jihofa-i? ka ñw a kʼa adu hiʼu te̩ kʼa dʼu kpuche̩ ate̩gu-wñ.

Danie̩l 4:3

Ujiwe-wñ gbe̩ gbe̩! Uno̩-wñ la chʼe̩wñ inaina! Ojane̩-wñ chʼojane̩ ogbegbele̩. O̩da-wñ la tʼo̩gba o̩gba alo.