Danie̩l 1:15 - O̩TAKADA O̩LA O̩JO̩ 1970

¹⁵ Tak e̩gba kʼo̩jo̩ me̩gwa le̩ le rʼane̩, eju-ma la chʼuto̩ tule, ma chenʼaño̩la tʼabokolobia ku ma jʼuje̩wñ e̩rinyo̩ e-onu chaka le.

Danie̩l 1:15 ပူးပေါင်းရင်းမြစ်များ

Akwodufu 23:25

Uwe̩ ki re̩ Jihofa O̩jo̩-me̩, tak owñ ade̩nyo̩ ñw uje̩wñ-we̩ kpai omi-we̩: owñ la akʼo̩ga bʼalumeji-we̩ te̩.

Matiu 4:4

I muda dohi kakini, I che̩ko̩tane̩ kakini, I chʼugbo uje̩wñ kate oñ one̩ adeju n, chai ugbo uko̩la du kʼi lef alu O̩jo̩ dufu.

Ita, Ita 10:22

E̩nyo Jihofa aje̩ ñw one̩ chʼanana, i la abʼe̩do̩ e̩kpabie̩ tʼo̩ n.

Malakai 2:2

Ame̩ ma gbo̩ n, kʼame̩ ma adʼu tʼe̩do̩ n, kʼame̩ ki dʼojima ñw odu-mi n, Jihofa ki nʼe̩wñ du ka-i, mak u nakpʼama le̩ wa anʼume̩ oji, tak omi anama ñw e̩nyo̩ kʼu du ñwu me̩; ochochi, omi fʼama na ñw ume̩, todabu ku me̩ ma dʼu tʼe̩do̩ n.

Hagai 1:9

Ame̩ neju e̩wñ nana, me̩ la go, i mud e̩wñ ree; tak e̩gba ku me̩ mʼu ko wʼunyi, u fʼu fʼafu rinyo̩. E̩wñ chi? Jihofa ki nʼe̩wñ du aka-i. Tod unyi-mi kʼi chʼalache̩ te̩, oñ ame̩ aboke̩le̩, e̩ne̩ne̩ne̩ne̩-me̩ jʼara nyʼunyi e-wñ.

Hagai 1:6

Ame̩ fʼe̩wñ gbe̩ tuu, me̩ kʼe̩wñ ree wʼunyi; me̩ je̩ e̩wñ, i muda bʼume̩ jo̩ n; me̩ ñmʼomi, efu-me̩ la ko̩ n; me̩ kʼukpo bʼo̩la ma, i muda anʼe̩ne̩ du kʼafu ma kpʼo̩ n in; oñ e̩ne̩ ki achʼuko̩lo̩ ku ma rʼo̩me̩ ñw u agbʼo̩me̩-wñ tef akpulu kʼofe-wñ chʼe̩gudu.

Eli Eko̩ DʼO̩jo̩ 37:16

E̩wñ ree kʼe̩no̩kpakpa ne̩ nyo̩ tʼe̩wñ o̩be̩le̩ke̩te̩ kʼame̩ne̩bibi wewe ne̩ le.

Danie̩l 1:14

Abe̩le̩ i netirʼuma ef o̩la le̩, oñ i jʼuma ma o̩jo̩ me̩gwa.