Amakajo̩ 4:4 - O̩TAKADA O̩LA O̩JO̩ 1970

⁴ Oñ Debo̩ra, akache̩ onobule̩, kʼi chʼo̩ya Lapido̩t, kajo̩ abo Israe̩l iko le̩.

Amakajo̩ 4:4 ပူးပေါင်းရင်းမြစ်များ

Luku 2:36

Oñ Annaʼka kʼi chʼakache̩ onobule̩ do̩mo̩, i chʼo̩ma Fanue̩l, abo o̩lo̩pu Ashe̩r; (i gbo nana, i bʼo̩ko̩-wñ gugu kwʼojʼigbe̩le̩-wñ gbogbo wʼo̩do̩ mebie,

2 Amonu 22:14

Abe̩le̩ Hilkaya, atama le̩, kpai Ahaikam kpai Akbo̩r kpai Shefan kpai Aseya nyʼugbo Hulda, akache̩ onobule̩ kʼi chʼo̩ya Shalum o̩ma Tikfa, o̩ma Harhas kʼi adejute̩ e̩wñ ide onu, (onobule̩ le̩ la gugu Je̩rusale̩m ef e̩kpe̩ru eju ekeji-wñ); oñ ma bʼo̩ chʼoluka.

Akwodufu 15:20

Taku Miriam o̩maye Aro̩n, kʼi chʼakache̩ onobule̩, mʼeicha du nʼo̩wo̩; oñ abobule̩ du kwodufu tʼo̩ ubi kpai eicha kpai ido eta.

Abo Galatia 3:28

Ju kpai Grik neke do̩mo̩ ge̩ n, adu kpai o̩mone̩ la neke do̩mo̩ ge̩ n, e̩ne̩ke̩le̩ kpai onobule̩ la aneke do̩mo̩ ge̩ n; todu o̩chaka me̩ chʼokate efu Kraist Jisus.

1 Abo Ko̩rint 11:5

Ama onobule̩ du ki achadua abe̩k i akache̩ kʼoji-wñ te̩ ofo mʼanyo̩ ko mʼoji-wñ me̩; todu e-le̩ kpai oji ela chʼokate.

E̩wñ kʼAme̩nukpuche̩ Che 21:9

E̩ne̩ kide̩ la nʼamo̩monobule̩ me̩le̩ ku ma ma mʼe̩ne̩ke̩le̩ n ku ma jʼakache̩.

Maika 6:4

Todu omi ko me̩ kwʼoj ane̩ Ijipti wa, u laño̩ fʼume̩ la tane̩ bʼef unyi adu le̩ te̩; tak u fu Mose̩s kpai Aro̩n kpai Miriam kpe̩ tʼume̩ o̩gba.

Nihe̩maya 6:14

O O̩jo-mi, e̩ narewa Tobaya kpai Sanbalat teju uko̩lo̩-ma-i kpai akache̩ onobule̩, Noadaya, kpai amakache̩ kibo̩, ki dʼuma e̩do̩ ku ma nyʼumi okpo ge̩.

Amakajo̩ 4:3

Tak abo Israe̩l raku do̩ Jihofa; todu e̩ne̩ le̩ nʼo̩ko̩ ogu ebije ogu me̩lu me̩la; i la fʼabo Israe̩l dema o̩do̩ ogu.

Amakajo̩ 4:5

I te̩tagugu of oli ki dab e̩kpe̩ e-Debo̩ra agbagba Rama kpai Be̩te̩l oj ane̩ uwo Ifraim; oñ abo Israe̩l nawʼugbo-wñ kʼi kpʼoji ajo̩-ma.

Izikie̩l 13:17

I la chʼuwe̩, o̩ma one̩, fʼeju-we̩ kparʼamo̩ma onobule̩ e-abo-we̩ ku ma kache̩ kwef e̩do̩-ma onugo; kʼuwe̩ ki kache̩ bʼuma ma,

Amakajo̩ 5:1

Taku Debo̩ra kpai Barak o̩ma Abinoam fʼeli ko̩ o̩jo̩ le̩, kakini: