Amakajo̩ 14:3 - O̩TAKADA O̩LA O̩JO̩ 1970

³ Oñ ata-wñ kpai iye-wñ ka ñwu kakini, Onobule̩ du dʼef amo̩ma amo̩maye-we̩, kpai ef amone̩-mi-i kʼe̩ ne̩ n, kʼuwe̩ anyʼatene o̩ya ef abo Filistia abo e̩pi odukulu-i? Samson muda ka ñw ata-wñ kakini, Uwe̩ kʼe̩ tene ñw omi ke; todu i nyo̩ mi eju.

Amakajo̩ 14:3 ပူးပေါင်းရင်းမြစ်များ

1 Samiue̩l 17:36

Adu-we̩-i fʼidu kpai ibe̩a ejeji-ma kpa; e̩ne̩ Filistia e̩pi odukulu-i la adab oka ef uma ge̩, abu kʼi fʼabogu e-O̩jo̩ ki deju bina.

Amakajo̩ 15:18

Alugbe̩ la chane̩ ekpʼo̩ tabale, oñ i raku do̩ Jihofa kakini, Uwe̩ la mʼujadu elile-i duwa lʼo̩wo̩ adu-we̩-i; fai omi ñʼaku ñw alugbe̩, kʼu ñwa tef o̩wo̩ abo e̩pi odukulu le̩ ge̩?

2 Samiue̩l 1:20

Me̩ ki dʼo̩la le̩ ka efu Gat in, me̩ ki dʼu kpogo ej o̩na o̩na Ashkelo̩n in; tode̩gba kʼamo̩ma abo Filistia onobule̩ ayo̩, tode̩gba kʼamo̩ma onobule̩ e-abo e̩pi odukulu le̩ agwoye.

1 Samiue̩l 31:4

Taku So̩l ka ñw e̩ne̩ kʼi anʼane̩ ogu-wñ kakini, Mʼugbada-we̩ wo̩ kʼe̩ du gwunyʼumi, tode̩gba kʼabo e̩pi odukulu-i awa dʼu gwunyʼumi, ku ma gwʼumi uke̩. Ama e̩ne̩ kʼi anʼane̩ o̩gu-wñ le̩ je̩ che n; todu i achokpo nana. Todule̩ So̩l mʼugbada-wñ du, oñ i lewane̩ abʼo ma.

1 Samiue̩l 17:26

Taku Defid ko̩la ñw aboke̩le̩ ku ma dago kpenyʼu kakini, E̩wñ ma ache ñw e̩ne̩ kʼi mʼe̩ne̩ Filistia-i du kpa, kʼi laño̩ mʼina du bʼoji abo Israe̩l te̩ ta? Todu e̩ne̩ e̩pi odukulu e-Filistia-i, e̩ne̩ owñ che kʼi abʼabogu e-O̩jo̩ ki deju ina ta?

1 Samiue̩l 14:6

Taku Jo̩natan ka ñw okolobia ki anʼane̩ ogu-wñ kakini, Lewa kʼa daba nyʼugbo abide abo e̩pi odukulu-i; ikani Jihofa ache uko̩lo̩ ñw a; todu i nʼe̩wñ du ki adu Jihofa hi ejadu lʼo̩wo̩ amone̩ n, dagba ma wewe, dagba ma de̩ ke̩.

Abakwane̩ 34:14

Ma ka ñwu ma kakini, Awa neke che e̩wñ-i n, kʼawa ki dʼo̩maye-wa ñw e̩ne̩ ki ma de̩pi n, todu e-le̩ ma chʼina ugbo wa.

Abakwane̩ 13:8

Tak Ebram ka ñwu Lo̩t kakini, Agba, uja ki dʼagbagba omi kpai uwe̩ n, kpai agbagba abo ku ma dejute̩ ame̩wño̩re̩-mi kpai abo ku ma dejute̩ ame̩wño̩re̩-we̩ n; todu awa chʼo̩maye.

Abakwane̩ 21:27

Tak Ebraham mʼamala kpai amo̩kokuno̩ ko, oñ i mʼuma ko ñw Abime̩le̩k, tak ama meji kpalo.

Amakajo̩ 14:2

Tak i mute̩gu wa aka ñw ata-wñ kpai iye-wñ, i kakini, U fʼonobule̩ li Timna, o̩ma abo Filistia i che: lo kʼe̩ tene owñ ñwu mi.

Jo̩shua 23:12

Cho̩kpo̩ni, iche̩wñ kʼame̩ dabi wʼubi re, ku me̩ lamo̩ e̩bo̩bo̩ abo uche̩ichi uche̩ichi ku ma bo̩bo̩ efu-me̩-i, ku me̩ chʼo̩ko̩ nʼo̩ya, ku me̩ nyʼejefu ugbo ma, kʼama la wʼejefu ugbo me̩,