Akwodufu 7:11 - O̩TAKADA O̩LA O̩JO̩ 1970

¹¹ Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Akwodufu 7:11 ပူးပေါင်းရင်းမြစ်များ

Akwodufu 7:22

Tak amachifamu Ijipti ño̩ fʼe̩wñ ifamu-ma che abe̩le̩ ge̩; oñ e̩do̩ Fero ño̩ gbiti waa, i la ko̩ enyʼuma eti; alu ki Jihofa ka le̩.

2 Timoti 3:8

Alu ku Jane̩s kpai Jambre̩s ko̩bo̩ Mose̩s le̩, abe̩le̩ abo-i ño̩ kobo̩ ochochi ge̩, amone̩ kʼef ibe-ma chʼe̩che̩ ma che, ma chʼabo ku ma chʼijo̩bu ugbo o̩la e̩do̩ ekono-i.

Akwodufu 8:18

Amachifamu ño̩ ne̩ e̩wñ ifamu e-ma che ku ma ko amahiama dufu wa, ma muda neke che n. Abe̩le̩ amahiama jʼo̩la one̩ kpai e̩la abe̩re̩me̩le̩.

Akwodufu 8:7

Tak amachifamu lewa nʼe̩wñ ifamu e-ma che abe̩le̩ ge̩, oñ ma mʼamo̩bana ko wa abʼane̩ Ijipti ma.

2 Abo Te̩se̩lonaika 2:9

owñ le̩ kʼewa e-wñ teju uko̩lo̩ ku Setan ache ef ukpahiu kpʼujiwe kpʼuno̩ olemi ojoji du,

Danie̩l 2:2

Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Abakwane̩ 41:8

Oñ i lewatʼodudu-wñ i kwodejiji; tak i kpuche̩ nado̩ amachobochi Ijipti chaka wa, kpai amanibe o̩mo̩ chaka: taku Fero mʼo̩na-wñ kʼi na du ka ñwu ma, ama e̩ne̩ du do̩mo̩ kʼi aneke kʼofe-wñ ñwu Fero n.

Abo E̩fe̩sus 4:14

todu kʼawa ki we echʼo̩me̩kpa kʼafu uko̩-o̩la du ki aju aro̩ temi temi kʼi ñʼane̩ wa alo tʼugbo tʼugbo du ef ebʼone̩ eju maja e-amone̩ ef ugbeju tef ugbeleke e-ila.

Danie̩l 5:7

Onu kwokwa taa, kʼama ki ko amade̩bo̩ kpʼabo Kaldia kpʼamabifa wa. Oñ onu ko̩la ñw amanibe Babilo̩n kakini, E̩ne̩ du ki achʼo̩kalatu orubutu-i kʼi la akʼofe-wñ ñwu mi, e̩wñ o̩la-wñ achʼukpo odufa ekpikpa, ma la dʼiyagba o̩jamalia tʼo̩ o̩fa, owñ la atʼe̩ke̩ta ef abo̩da ojane̩-i.

Abo Galatia 3:1

Ame̩ abo Galatia ame̩nidada, e̩ne̩ kʼume̩ eju ne e̩wñʼka, ame̩, ku ma fu Jisus Kraist jiwe te̩ foo eju-me̩ abu kʼi chʼe̩kamoli le̩?

Matiu 24:24

Todu amiKraisti olemi akwane̩, kpai amakache̩ olemi, ma la akʼujiwe lile kpai e̩wñ uno̩ jo̩; todabe̩le̩, i ma jʼache ma ma ko abo ku ma chi ma tane̩ le̩ la ge̩.

Danie̩l 5:11

E̩ne̩ʼka dʼojane̩-we̩ kʼAfu amo̩jo̩ kiafo̩ dʼef uwñ; o̩kpanachi ata-we̩ ma fʼugane̩ kpʼoji e̩wñ ema kpʼibe li ef uwñ, i dabe̩ne̩ kʼibe amo̩jo̩ abe̩i. Oñ onu Ne̩biukadne̩za ata-we̩, owñ chʼonu kʼi chʼata-we̩ le̩, mʼowñ du chʼodu amachifamu kpʼamade̩bo̩ kpʼabo Kaldia kpʼamake̩ma;

Danie̩l 2:27

Danie̩l mʼohi du eju onu o̩mo̩ kakini, E̩wñ umaja kʼonu ka le̩, tʼamanibe̩, tʼamade̩bo̩, tʼamachifamu, tʼamake̩ma neke kʼofe-wñ ñw onu n;

O̩la E̩bite 19:20

Taku ma fʼe̩la le̩ mu kpʼakache̩ olemi manyʼu, owñ chʼe-ki che ujiwe eju-wñ le̩, e-kʼi ne̩ ko abo ku ma mʼina e̩la le̩ gba la, kpʼabo ku ma dojikane̩ ñw ojibo-wñ, oñ ma kʼudeju abo le̩ meji rikpolo tef odudu e-una ki nʼitolu ajo le̩.

2 Timoti 3:9

Ma muda anyo̩gba tʼe-le̩ le ge̩ n, todu idada-ma adufu ñw e̩ne̩ du li, alu kʼe-abo meji le̩ ño̩ wate̩ ge̩.

Akwodufu 7:12

Todu e̩ne̩ne̩ne̩ne̩-ma mʼo̩kpa-wñ du ro̩ tane̩, oñ i mud ejo. O̩kpa Aro̩n muda mʼo̩kpa-ma ko mi.

1 Samiue̩l 6:2

Tak abo Filistia fʼamatama kpʼamabifa do̩ wa, kakini, E̩wñ a ache kpʼakpati Jihofa-i? ka ñw a kʼa adu hiʼu te̩ kʼa dʼu kpuche̩ ate̩gu-wñ.

Danie̩l 4:6

Todule̩ u dʼo̩da te̩ kʼama ki kʼamanibe Babilo̩n chaka wa o̩gba-mi, ku ma ki je̩ ñw mi ma ofe o̩na le̩.

Akwodufu 8:3

Naye̩l-i ako̩ ñw amo̩bana, ama ate̩gu nyʼef unyi-we̩ kpai ef unyi olu-we̩ kpai oj ate̩-we̩ kpai ef unyi abuko̩lo̩-we̩ kpai abʼamone̩-we̩ o̩la ma, kpai ef igbeli-we̩ kpai ef agu-we̩;