Akwodufu 6:4 - O̩TAKADA O̩LA O̩JO̩ 1970

⁴ U laño̩ fʼalo-mi kpe̩ kpai ama, todu kʼu dʼane̩ Kenan ñwu ma, owñ chʼane̩ ugbo ku ma ge̩ne̩ efu-wñ ale le̩.

Akwodufu 6:4 ပူးပေါင်းရင်းမြစ်များ

Abakwane̩ 28:4

I ki ño̩ mʼe̩nyo̩ Ebraham du ñw e̩, kpai ugbe̩-we̩ manyʼuwe̩ ge̩, todu kʼuwe̩ ki nʼane̩ ugbo kʼe̩ ge̩ne̩-i, e-ki Jihofa du ñw Ebraham!

Abakwane̩ 15:18

O̩jo̩ le̩ Jihofa fʼalo-wñ kpe̩ kpai Ebram, i kakini, Ugbe̩-we̩ oñ omi adu ane̩ kide̩ ñw u, akwo ohimini Ijipti le̩ gbogbo wa ohimini lile, owñ chʼohimini Yufretis,

Abakwane̩ 26:3

Ge̩ne̩ ane̩-i, tak u nadʼugbo-we̩, oñ nade̩nyo̩ ñw e̩; todu nakʼane̩-i du ñw uwe̩ kpai ugbe̩-we̩, alu kʼu go̩ ñw Ebraham ata-we̩ le̩, abe̩le̩ nache.

E̩wñ kʼAme̩nukpuche̩ Che 7:5

I la dʼukpe̩ du ef uwñ ñw owñ kʼi aje̩ n, dagba i chʼadabe̩re̩ʼka i du ñw u n. I la katane̩ ñw u ka kʼi adʼu ñw u kʼi ne̩ kpai ugbe̩-wñ ki ro̩nʼowñ. I la nʼo̩ma ta n.

Aizaya 55:3

Hi eti-we̩ wane̩, kʼe̩ wʼugbo mi; gbo̩ tak onugo-we̩ adeju; tak u nakpʼalo e-ogbegbele̩ kpʼame̩, owñ chʼejumomi Defid ki de̩ kpaka le̩.

Eli Eko̩ DʼO̩jo̩ 105:12

E̩gba kʼaluka aboke̩le̩-ma chʼo̩ree ta, ku ma ma wo̩ amone̩ eju n, ma chʼabo ku ma ge̩ne̩ o̩mo̩ ofo,

2 Samiue̩l 23:5

Ochochi, unyi-mi dʼabe̩le̩ ugbo O̩jo̩ n? I muda kpʼilo ogbegbele̩ kpʼomi, e̩wñ du chʼe̩te̩ru jʼef uwñ, i la do̩mo̩ kpaka. Todu ujadu-mi chaka kpʼe̩wñ du ki rʼumi eju la de̩, dagba i ma je̩ ñw u pa n.

Abakwane̩ 28:13

Go, Jihofa la dago ugbo oji-wñ ate̩, i kakini, Omi che Jihofa, O̩jo̩ Ebraham, ata-we̩ kpai O̩jo̩ Aise̩k; ane̩ kʼuwe̩ dachi oji-wñ le̩, nadu ñw e̩ kpai ugbe̩-we̩;

Abakwane̩ 23:4

Ilowa omi che kpai e̩ne̩ ane̩ omune̩ kʼi dʼugbo me̩ ofofo; fʼane̩ ugbo kʼu nakʼabo-mi ji bu ñwu mi ugbo me̩-i, kʼu kʼabo-mi ki ku ji bʼeju-mi te̩.

Abakwane̩ 17:13

E̩ne̩ ku ma bi ef unyi-we̩ kpai e̩ne̩ kʼuwe̩ nʼo̩ko̩-we̩ la, ma adʼe̩pi-ma chuu. Abe̩le̩ alo-mi adʼef o̩re̩la-me̩ ki chʼalo ogbegbele̩.

Abakwane̩ 17:4

I chʼomi, go, alo-mi kʼu kpe̩ i chʼomi kpai uwe̩, uwe̩ la achʼata abo uche̩ichi ojoji ojoji wewe.

Abakwane̩ 15:13

Tak i ka ñw Ebram kakini, Uwe̩ ki ma ogbolo ka kʼugbe̩-we̩ achʼilowa ojane̩ ki ma che e-ma n, amugbe̩-we̩ le̩ achʼadu-ma, abo le̩ la afʼuma dema o̩do̩ ulo̩ko̩;

Abakwane̩ 6:18

Omi muda akpʼalo-mi kpai uwe̩; uwe̩ la awʼef o̩ko̩ le̩, uwe̩, kpai amo̩ma-we̩ e̩ne̩ke̩le̩, kpai o̩ya-we̩, kpai amo̩ya amo̩ma-we̩ manyu uwe̩.

Abakwane̩ 12:7

Taku Jihofa kwotejugede ñw Ebram, oñ i kakini, Ugbe̩-we̩ oñ omi adʼane̩ kide̩ ñw u. Tak o̩mo̩ i fʼubo̩ iche̩bo̩ ne ñwu Jihofa, kʼi kwotejugede ñw u le̩.

Abakwane̩ 26:4

Naño̩ je̩ ñw ugbe̩-we̩ ki wewe nyo̩gba dab awo ojale, oñ nakʼane̩-i du ñw ugbe̩-we̩; omi la ade̩nyo̩ ñw abo uche̩ichi du ane̩-ile̩-i lef ugbe̩-we̩:

Ekaluka 10:29

Taku Mose̩s ka ñwu Hobab o̩ma Reue̩l e̩ne̩ Midian kʼi chʼana Mose̩s le̩ kakini, Awa anyʼugbo ku Jihofa ka kakini, Omi adʼu ñwu me̩; uwe̩ ki lewa kʼe̩ lebʼuwa, oñ a ache e̩nyo̩ ñw e̩; todu o̩la abo Israe̩l ku Jihofa ka tane̩ chʼe̩nyo̩.

Akwodufu 6:8

Omi ñʼako me̩ wa oj ane̩ e-kʼomi dʼo̩wo̩-mi nyate̩ ago̩ ñw Ebraham kpai Aise̩k kpai Jeko̩b ka kʼu nadu ñwu ma; nadʼu ñwu me̩ ku me̩ ne̩. Omi Jihofa de̩.

Akwodufu 13:4

Eñini, ochu Abib-i, me̩ akwʼemi adufu.

Akwodufu 13:5

Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Eli Eko̩ DʼO̩jo̩ 105:11

kakini, Uwe̩ nadʼane̩ Kenan ñw u kʼi chʼe̩wñ ogu ku me̩ aje̩.