Akwodufu 6:12 - O̩TAKADA O̩LA O̩JO̩ 1970

¹² Taku Mose̩s ka o̩gba Jihofa o̩mo̩, kakini, Go, amo̩ma Israe̩l la netirʼumi n; ab u nale ki Fero anetirʼumi? Omi, kʼuko̩la ma ya alu-mi n-i?

Akwodufu 6:12 ပူးပေါင်းရင်းမြစ်များ

Akwodufu 4:10

Ama Mose̩s ka ñwu Jihofa kakini, Aiya, Ondu, omi chʼe̩ne̩ o̩la eka n, dagba i chʼakwoubi, dagba kʼi chʼabu kʼuwe̩ ako̩la ñw adu-we̩-i; todu narubo̩ o̩la eka, ukpalu-mi la chʼewoji.

Je̩re̩maya 1:6

Tak u kakini, Ayaa! Ondu Jihofa! Go, omi mejuma kʼo̩la n, todu imo̩to̩ u che.

Akwodufu 6:30

Mose̩s muda ka o̩gba Jihofa kakini, Go, kʼo̩la ma ya alu-mi n-i, ab u na le ku Fero anyʼumi eti ge̩?

Je̩re̩maya 6:10

E̩ne̩ oñ omi ako̩la ñw u kʼu nagbibenu, kʼama agbo̩? Go, eti-ma la de̩pi n, ma la neke nʼeti rʼe̩wñ n; Go, o̩la Jihofa mud olina ñw ma, ma yo̩ ñw u kili kili n.

E̩wñ kʼAme̩nukpuche̩ Che 7:51

Ame̩ ku me̩ nʼugbogbo fʼo̩lo̩-me̩ we, kʼe̩pi e-e̩do̩-me̩ ma da n, kpʼe-eti-me̩, me̩ te̩tako bʼAfu Kiafo̩ pioo. Alu kʼamata-me̩ che abe̩le̩ ame̩ che ge̩.

Abo Lifai 26:41

tak omi ño̩ lule̩ tʼaboji ñwu ma, oñ u ko ma wʼane̩ ame̩nebi-ma; iche̩wñ kʼe̩do̩-ma kʼi ma de̩pi n ahiwane̩, ku ma gba o̩wo̩ udu ku ma bu ñwu ma;

Akwodufu 6:9

Taku Mose̩s ko̩la abe̩le̩ ñw amo̩ma Israe̩l; ma muda nyi Mose̩s eti n, noji ubie̩do̩, kpai uko̩lo̩ adu ki bie̩ne̩ ñwu ma le̩.

Akwodufu 3:13

Taku Mose̩s ka ñw O̩jo̩ kakini, Go, u lewʼugbo abo Israe̩l kʼu ka ñwu ma kakini, O̩jo̩ e-amata-me̩ kpe̩ mi wʼugbo me̩, ku ma la tʼumi ene kakini, Ab odu-wñ ko̩? E̩wñ naka ñwu ma?

Je̩re̩maya 9:26

Ijipti kpai Juda kpai Ido̩m kpai amo̩ma Amo̩n kpai Moab kpai abo du ku ma be̩ o̩wo̩ meji eji ilagba-ma, ku ma dodo ef aje̩tachi le̩; todu abo uche̩ichi uche̩ichi du la dʼe̩pi n, oñ abo unyi Juda chaka la chʼabo e̩pi odukulu ef e̩do̩-ma.

Aizaya 6:5

Tak u kakini, Atogwo chʼe-mi! e-mi ta me̩! todabu kʼomi chʼe̩ne̩ kʼi nʼuko kʼi chechiwa, kʼu laño̩ dodo alumeji amone̩ kʼuko-ma chechiwa: todu eju-mi dʼOnu, owñ che Jihofa ki nʼe̩wñ du!

O̩lo̩da Eduwa Onukeji 30:6

Taku Jihofa O̩jo̩-we̩ akʼe̩pi e-e̩do̩-we̩ da, kpai e-e̩do̩ ugbe̩-we̩, kʼuwe̩ ki fe̩do̩ Jihofa O̩jo̩-we̩ kpai e̩do̩-we̩ chaka kpai onugo-we̩ chaka, todu kʼuwe̩ ki deju.

Akwodufu 3:11

Mose̩s muda ka ñw O̩jo̩ kakini, E̩ne̩ omi che, kʼu nanyʼugbo Fero, kʼu nakʼamo̩ma Israe̩l kwʼ Ijipti dufu?

Akwodufu 4:1

Taku Mose̩s dohi, kakini, Ama, go, ma jʼadʼo̩la-mi rʼochochi n, ma la agbʼomu-mi n, todu ma aka kakini, Jihofa tejugede ñw e̩ n.

Akwodufu 6:13

Jihofa muda ko̩la ñwu Mose̩s kpai Aro̩n, oñ i ñwañwu ma alu ku ma aka ñw amo̩ma Israe̩l kpai alu ku ma aka ñwu Fero, onu Ijipti, ku ma kʼamo̩ma Israe̩l kwo bʼane̩ Ijipti te̩.