Akwodufu 40:3 - O̩TAKADA O̩LA O̩JO̩ 1970

³ Uwe̩ ki dʼakpati ibenu tʼefu-wñ, kʼe̩ la dʼukpo ugbeju le̩ ta gba akpati le̩ eju.

Akwodufu 40:3 ပူးပေါင်းရင်းမြစ်များ

Ekaluka 4:5

E̩gba kʼabo uru le̩ akwane̩ ule̩-ma, Aro̩n kpai amo̩ma-wñ anyʼejefu, ma la atʼukpo ugbeju ku ma ko rʼo̩na le̩ wane̩, oñ ma akʼo bʼoji akpati ibenu le̩ ma;

Akwodufu 35:12

kpai akpati le̩ kpai oli ku ma ko tunyʼu kpai ugugu unye̩do̩ le̩ kpai ukpo ugbeju;

O̩la E̩bite 11:19

Taku ma mʼef unyi O̩jo̩ ejefu ki dʼefojale le̩ bite̩; oñ ma li akpati alo-wñ ef unyi-wñ ejefu le̩; tak o̩mamanya kpʼomuko̩la kpʼakpabana kpʼane̩ emiejo kpʼokuto̩mo̩jo̩cha lile lile wate̩.

Abo Lifai 16:14

tak i achʼe̩bie̩ o̩kokuno̩ le̩ kʼi la nʼo̩mo̩wo̩-wñ taño̩ ejo̩gba o̩la ugugu unyie̩do̩ le̩ o̩wo̩ olodudu-wñ; i anʼo̩mo̩wo̩-wñ tʼe̩bie̩ le̩ fio̩ o̩gba ugugu unyie̩do̩ le̩ onu mebie.

Akwodufu 25:22

O̩mo̩ le̩ omi ade kpai uwe̩, oñ nadʼate̩ ugugu unye̩do̩, agbagba amiche̩rub ku ma jo̩ oj akpati e̩wñ ibenu le̩ achʼoluka kpai uwe̩, oluka e̩wñ du kʼu nañwa ñw e̩ ugbo amo̩ma Israe̩l nache kpai uwe̩ o̩mo̩.

Akwodufu 26:31

Uwe̩ ki la nʼukpo odufa kpai odufa ekpikpa kpai ekpikpa kpai ukpo line̩n ku ma hi reju kʼowu-wñ chʼe̩da bie̩ che ukpo ugbeju unyi; abo ku ma chʼo̩ka uko̩lo̩-wñ ache kʼamiche̩rub ki jʼo̩la-wñ;

Akwodufu 25:10

Ma ki ne̩ oli akesia che akpati, ujiji-wñ ki chʼohibo̩wo̩ meji nyʼukpe̩reji, unabe̩-wñ la chʼohibo̩wo̩ʼka nyʼukpe̩re̩-ji, o̩gba-wñ la chʼohibo̩wo̩ʼka nyʼukpe̩reji.

Abo Hibru 9:3

Oñ ejefu ukpo ugbo̩na ekeji le̩, ebu ku ma do̩ ko̩ uña kiafo̩ e-efo̩ do̩mo̩;

1 Iko Iko E̩wñ 17:5

todu omi te̩te̩gugu ef unyi akwʼo̩jo̩ kʼomi du Israe̩l te̩gu wa le̩ gbogbo tʼeñini n. U muda kwef unyabo tef unyabo kpai kwʼuña ugugu tʼuña ugugu omune̩.

Akwodufu 31:7

unyabo ujeju kpai akpati ibenu kpai ugugu unye̩do̩ kʼi dʼoji-wñ kpai ane̩ unyabo le̩ chaka

Akwodufu 35:4

Taku Mose̩s ka ñw o̩gbadu amo̩ma Israe̩l du kakini, E̩wñ ki Jihofa ñwate̩ le̩ de̩, kakini,

Akwodufu 39:32

Abe̩le̩ ma fʼuko̩lo̩ uña ugugu e-unyabo ujeju le̩ che kpa; amo̩ma Israe̩l la fʼu che teju alu du ki Jihofa ñwa ñwu Mose̩s; abe̩le̩ ma che.