Akwodufu 38:18 - O̩TAKADA O̩LA O̩JO̩ 1970

¹⁸ Ukpo uro̩na alaku ologbo le̩ chʼuko̩lo̩ e̩ne̩ ki chʼo̩ka iya eche nyʼukpo odufa kpai odufa ekpikpa kpai ekpikpa kpai line̩n ku ma hi reju; ujiji-wñ la chʼohibo̩wo̩ ogu, o̩gba-wñ, owñ chʼo̩wo̩ unabe̩-wñ, chʼohibo̩wo̩ me̩lu, owñ chʼalu kʼukpo ku ma du bʼologbo le̩ de̩.

Akwodufu 38:18 ပူးပေါင်းရင်းမြစ်များ

2 Iko Iko E̩wn 3:14

I la nʼe̩wñ odufa kpʼekpikpa odufa kpʼekpikpa kpʼukpo line̩n ku ma hi rʼeju chʼukpo ugbeju, oñ i fʼamiche̩rub chenyʼu.

Akwodufu 26:1

Tak uwe̩ ki kʼibali ukpo me̩gwa ta che uña ugugu; ukpo-wñ ki che line̩n ku ma hi reju kʼowu-wñ chʼe̩da bie̩ kʼi chʼodufa kpai odufa ekpikpa kpai ekpikpa; amiche̩rub kʼabo ku ma chʼo̩ka uko̩lo̩-wñ che ajʼo̩la-wñ.

Akwodufu 26:36

Tak uwe̩ ki chʼukpo uro̩na todu alugbo̩na unyabo, ukpo odufa kpai odufa ekpikpa kpai ekpikpa kpai line̩n ku ma hi reju kʼowu-wñ chʼe̩da bie̩ kʼuko̩lo̩ e̩ne̩ ki achiya nyʼo̩la ukpo adʼo̩la-wñ.

Akwodufu 38:17

O̩ka kʼoli urane̩ le̩ atunyʼu la chʼebijeikpa; uko̩ oli urane̩ le̩ kpai ugbo̩lo̩-wñ ate̩ muda chʼajifa; ebije ku ma gwu tunyʼoji-wñ ño̩ chʼajifa, oli urane̩ ologbo le̩ du nʼugbo̩lo̩ ajifa ate̩ ta tʼomune̩.

Akwodufu 38:19

Oli urane̩-wñ la chʼe̩le̩; o̩ka-wñ me̩le̩ chʼebijeikpa, uko̩-wñ la chʼajifa, e̩wñ ki che̩gwu tʼoji-wñ kpai ugbo̩lo̩-wñ ku ma du nʼo̩ lale ño̩ chʼajifa ge̩.