Akwodufu 3:20 - O̩TAKADA O̩LA O̩JO̩ 1970

²⁰ Abe̩le̩ u la anʼo̩wo̩-mi dala oñ nanʼe̩wñ aye-mi du kʼu nache alumeji o̩mo̩ gwo Ijipti; ubi e-le̩ tak i aje̩ ñwu me̩ lo.

Akwodufu 3:20 ပူးပေါင်းရင်းမြစ်များ

E̩wñ kʼAme̩nukpuche̩ Che 7:36

Owñ le̩ ne̩ ma dufu abu kʼi fʼuno̩ kpʼe̩wñ ujiwe che Ijipti kpʼef Ohimini Ekpikpa kpʼef aje̩tachi o̩do̩ o̩gbo̩ meji le̩.

Nihe̩maya 9:10

Uwe̩ la dʼujiwe kpai uno̩ ñe̩ña abʼiFero kpai amadu-wñ du kpai abo ojane̩-wñ du ma; todu uwe̩ ma ku ma ñwo̩ ñwu ma. Oñ e̩ fʼodu ne̩ ñw o̩la-we̩, alu kʼi de̩ eñini-i.

O̩lo̩da Eduwa Onukeji 6:22

Jihofa la dʼujiwe kpai uno̩ inaina kpai e-ki bie̩ne̩ ñe̩ña abʼoji Ijipti ma kpai abʼoji Fero ma kpai abʼoji abo unyi-wñ du ma, eju-wa;

Akwodufu 9:15

Todu i ma nʼugbo kʼomi ma dʼo̩wo̩-mi dufu anʼe̩wñ ibi gwo abo-we̩ da e̩gba-i me̩, taku ma ma fʼuwe̩ ko̩da rinyo̩ bʼane̩-ile̩-i te̩;

Akwodufu 6:6

Todule̩ e̩ naka ñw amo̩ma Israe̩l kakini, Omi Jihofa de̩, nako me̩ kwef uko̩lo̩ adu e-abo Ijipti, oñ nagba me̩ kwef uko̩lo̩ adu-ma eche, nanʼo̩wo̩ ki nadala te̩ kpai udu elile ebu ñwu ma gba me̩ tane̩.

Eli Eko̩ DʼO̩jo̩ 105:27

Ma chʼujiwe-wñ ujiwe-wñ efu ma, kpai e̩wñ uno̩ e̩wñ uno̩ oj ane̩ Ham.

Akwodufu 12:39

taku ma ne̩ e̩kpo uje̩wñ ku ma ko kwo Ijipti wa le̩ che akala kʼo̩jo̩wu ma dʼo̩ n, todu ma dʼo̩jo̩wu tʼo̩ ta n, todabu ku ma kʼuma e̩che̩ kwʼIjipti dufu, ma la neke che̩du ubi n, ma la ñw ane̩ uje̩wñ che tane̩ ñw o̩la-ma n.

Izikie̩l 20:33

Oji-mi, Jihofa ka-i; omi anʼo̩wo̩ e̩gbiti kpʼo̩wo̩ e̩nadala te̩ kpʼe̩dafo e̩do̩fulu chaka jʼonu-me̩ tila.

Aizaya 26:11

Jihofa, o̩wo̩-we̩ chʼe̩chi nyʼate̩, ma la aliʼi n. Ma muda ali alu kʼe̩do̩-we̩ kadʼabo-we̩ oñ anyo̩ amu ma. Una ki chʼutodu abo ku ma kobʼuwe̩ le̩ ki fʼuma lie̩.

Aizaya 19:22

Jihofa la agwo Ijipti, egwo i agwʼo, tak i akpʼagbe-wñ. Ma la adabi wa ñw Jihofa, oñ i anetirʼo̩ko̩ ku ma gbabʼo̩, tak i achʼo̩ga-ma kpa.

Eli Eko̩ DʼO̩jo̩ 106:22

kpʼuko̩lo̩ aye ane̩ Ham, kpai e̩wñ ubailo o̩lʼOhimini Ekpikpa le̩.

Eli Eko̩ DʼO̩jo̩ 105:38

Abo Ijipti ayo̩ abu ku ma kwo bʼuma te̩, tod ailo-ma aba ma.

Amakajo̩ 8:16

Tak i mʼabogijo ewo le̩ ko, oñ i nʼikeke kpai iñwa aje̩tachi le̩ kʼaboke̩le̩ Suko̩t o̩la.

Amakajo̩ 6:8

Jihofa la fʼakache̩ʼka kpuche̩ rʼabo Israe̩l; oñ i ka ñwu ma kakini, Abu ki Jihofa, O̩jo̩ Israe̩l, ka de̩ kakini, Omi ko me̩ kwʼIjipti wa, u la mʼume̩ ko kwʼef unyi-adu le dufu;

O̩lo̩da Eduwa Onukeji 4:34

Abe̩k O̩jo̩ʼka che kʼi nyʼako abo uche̩ichiʼka kwʼalumeji abo uche̩ichi omune̩, lugbo ejama, kpʼujiwe, kpʼe̩wñ uno̩ eche, kpai ogu eja, kpai o̩wo̩ ki gbiti, kpai o̩wo̩ kʼi nadala te̩, kpai e̩wñ ubailo inaina, alu ki Jihofa, O̩jo̩-me̩, che ñwu me̩ Ijipti eju-me̩ meji-i chaka?

Akwodufu 11:1

Taku Jihofa ka ñwu Mose̩s kakini, I bo̩ atulubo̩ okate kʼu nadu wa abʼi Fero kpai Ijipti oji ma ta; ubi e-le̩ tak i aje̩ ñwu me̩ kwʼemi alo: e̩gba kʼi aje̩ ñwu me̩ lo le̩ ene i ane me̩ kwʼemi hioko.

Akwodufu 6:1

Taku Jihofa ka ñwu Mose̩s kakini, Ifai tak uwe̩ ali e̩wñ kʼu nache Fero; todu i anʼo̩wo̩ ukpahiu tʼuma no̩, ochochi, i la anʼo̩wo̩ ukpahiu ane ma kwo bʼane̩-wñ te̩.

Abakwane̩ 15:14

omi muda akajo̩ abo uche̩ichi ku ma chʼadu ñwu ma le̩, ubile̩ taku ma anʼane̩ nana kwʼo̩mo̩ wa.

Akwodufu 4:21

Taku Jihofa ka ñwu Mose̩s kakini, Abu kʼe̩ dabi tʼIjipti, e̩ nago kʼe̩ che e̩wñ uno̩ du kʼomi du tʼef o̩wo̩-we̩ le̩ eju Fero; omi muda ache kʼe̩do̩-wñ ki gbiti. I la atʼamone̩ le̩ no̩ ku ma lo n.

Akwodufu 13:3

Taku Mose̩s ka ñw amone̩ le̩ kakini, Me̩ nadibekado o̩jo̩ eñini-i, kʼi chʼo̩jo̩ ku me̩ kwo Ijipti dufu, kwʼef unyi adu le̩, todu lugbo ukpahiu o̩wo̩-wñ oñ Jihofa ko me̩ kwo ugbo kide̩ dufu; me̩ ki je̩ uje̩wñ du kʼo̩jo̩wu dʼefu-wñ n.

Akwodufu 13:9

I la ache ujiwe o̩wo̩-we̩ ñw e̩, i ñʼachʼutodu urewa o̩gba oji-we̩, todu kʼuko̩-o̩la Jihofa ki nadʼef alu-we̩; todu o̩wo̩ ukpahiu-wñ oñ Jihofa ne̩ mʼuwe̩ du kwʼIjipti dufu.

Akwodufu 15:6

O Jihofa, o̩wo̩ awo̩to̩-we̩ che̩nʼojima ef ukpahiu-wñ, O Jihofa, o̩wo̩-we̩ awo̩to̩ agʼe̩nebi ye̩ge̩ye̩ge̩ me̩.

Akwodufu 15:11

E̩ne̩ dʼef amo̩jo̩ kʼi dab uwe̩, O Jihofa? E̩ne̩ dab uwe̩, kʼe̩fo̩ kʼe̩ fo̩ chʼojima-we̩? Kʼuñwulo̩-wñ abailo, kʼi ache e̩wñ awuwu?

Maika 7:15

Alu ki de̩ iko kʼe̩ kwʼoj ane̩ Ijipti dufu wa, nakʼe̩wñ awuwu ña ma.