Akwodufu 3:17 - O̩TAKADA O̩LA O̩JO̩ 1970

¹⁷ Eka omi ka, ka kʼu nako me̩ kwʼef o̩bata Ijipti dufu wʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Hifai kpai e-abo Je̩bius, owñ chʼane̩ ugbo kʼomi e̩nya kpai iño̩ acha.

Akwodufu 3:17 ပူးပေါင်းရင်းမြစ်များ

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.

Abakwane̩ 46:4

Nagwo̩ru nyʼIjipti kpai uwe̩; nañʼadʼuwe̩ te̩gu kwo o̩mo̩ wa chuu; Jose̩f la adʼo̩wo̩-wñ bʼuwe̩ eju ma.

Abakwane̩ 50:25

Taku Jose̩f je̩ ñw amo̩ma Israe̩l go̩, i kakini, O̩jo̩ awa fejudo me̩ chuu, ame̩ ki kʼachiku-mi kwʼemi alo tʼate̩.

Akwodufu 6:6

Todule̩ e̩ naka ñw amo̩ma Israe̩l kakini, Omi Jihofa de̩, nako me̩ kwef uko̩lo̩ adu e-abo Ijipti, oñ nagba me̩ kwef uko̩lo̩ adu-ma eche, nanʼo̩wo̩ ki nadala te̩ kpai udu elile ebu ñwu ma gba me̩ tane̩.

Akwodufu 13:5

Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Akwodufu 32:34

Lo fai, kʼe̩ ne̩ amone̩ le̩ nyʼugbo kʼu ko̩la ñw e̩ le̩; go, onuche̩-mi atʼuwe̩ o̩gba; ama o̩jo̩ kʼu nawa fejudo ma, nawa kpai adure-ma edu nʼuma oji.

Akwodufu 33:3

E̩ ki mute̩gu nyʼane̩ ugbo kʼomi e̩nya kpai iño̩ acha; omi muda atʼalumeji-we̩ te̩gu alo n, tode̩gba kʼu fʼe̩ lie̩ ej o̩na le̩, todu uwe̩ chʼamone̩ kʼo̩lo̩-we̩ lo dago.

Ekaluka 13:27

Taku ma ka ñw u kakini, A le tʼane̩ ugbo kʼe̩ kpe̩ wa nyi le̩; omi e̩nya kpai iño̩ la acha o̩mo̩ dab omi aji ochochi, e̩ro-wñ la de̩.

O̩lo̩da Eduwa Onukeji 6:3

Todule̩ e̩ nagbo̩, O Israe̩l, kʼe̩ la fejutʼo̩ kʼe̩ che tʼeju-wñ; todu ki ra ñw e̩, todu kʼame̩ ki wewe e̩kute̩, alu ki Jihofa, O̩jo̩ e-amata-we̩, katane̩ ñw e̩, owñ chʼoj ane̩ ugbo kʼomi e̩nya kpai iño̩ acha le̩.

O̩lo̩da Eduwa Onukeji 26:9

i la mʼuwa ko wʼugbo kide̩, oñ i dʼane̩-i ñw a, ane̩ kʼomi e̩nya kpai iño̩ acha efu-wñ-i.

Jo̩shua 9:1

Oñ i lewatu, e̩gba kʼamonu du ku ma jʼudaba Jo̩rdan ane̩ uwo-wñ kpai ane̩ o̩go̩-wñ o̩la Ohimini Elile o̩gba Le̩bano̩n le̩ gbʼinabali-wñ, owñ chʼabo He̩t kpai abo Amo̩r kpai abo Kenan kpai abo Pe̩re̩z kpai abo Hifai kpai abo Je̩bius le̩;

Je̩re̩maya 32:22

E̩ laño̩ mʼane̩-i kʼe̩ go̩ ñw amata-ma ka kʼe̩ ko ñwu ma le̩ ko ñwu ma, owñ chʼane̩ ugbo kʼomi e̩nya kpʼiño̩ nacha-i.

Abo Lifai 20:24

U muda ka ñwu me̩ kakini, ame̩ ane̩ ane̩-ma, oñ nadʼu ñwu me̩ ki mud e-me̩, ane̩ ugbo kʼomi e̩nya kpai iño̩ acha i che. Omi che Jihofa, O̩jo̩-me̩, kʼi fʼume̩ daru bʼamone̩ ki bo̩ te̩.

Jo̩shua 5:6

Todu abo Israe̩l tale ef aje̩tachi le̩ o̩do̩ o̩gbo̩ meji, gbogbo taku ma fʼabo ichi le̩ du, owñ chʼaboke̩le̩ ku ma jogu ku ma kwʼ Ijipti dufu wa le̩, lie̩ kpa, todabu ku ma ma netirʼomu Jihofa n; owñ chʼabo ki Jihofa fugo̩ ñwu ma ka kʼi aje̩ ñwu ma fʼeju-ma do ane̩ e-ki Jihofa go̩ ñw amata-ma ka kʼi adu ñw a n, ane̩ kʼomi e̩nya kpai iño̩ acha efu-wñ.

1 Iko Iko E̩wñ 1:15

kpai e̩ne̩ Hifai kpai e̩ne̩ Arki kpai e̩ne̩ Saini,

Eli Eko̩ DʼO̩jo̩ 102:21

ku ma dʼodu Jihofa kpogo efu Zayo̩n, kpai uwohi-wñ efu Je̩rusale̩m,

Je̩re̩maya 11:5

kʼu fʼego̩ kʼu go̩ ñw amata-me̩ lonyane̩, kʼu kʼane̩ ugbo kʼomi e̩nya kpʼomi iño̩ acha ef uwñ ñwu ma, alu ki de̩ eñini-i. Tak u dohi kakini. Ami, O Jihofa.

Izikie̩l 20:6

o̩jo̩ u dʼo̩wo̩-mi dago ñwu ma kʼu nako ma kwʼoj ane̩ Ijipti dufu wʼoj ane̩ kʼu tejane̩ ñwu ma, omi e̩nya kpʼomi iño̩ acha o̩mo̩, kʼi añʼojane̩ ojane̩ du eju.