Akwodufu 28:2 - O̩TAKADA O̩LA O̩JO̩ 1970

² Uwe̩ ki ga e̩wñ o̩la kiafo̩ todu Aro̩n o̩maye-we̩, todu ojima kpai alifia.

Akwodufu 28:2 ပူးပေါင်းရင်းမြစ်များ

Abo Lifai 8:30

Taku Mose̩s mʼekpo ku ma bato̩-la le̩ ba re, kpai e̩bie̩ ki dʼoj ubo̩ iche̩bo̩, oñ i mʼu du tafio̩ Aro̩n o̩la kpai e̩wñ o̩la-wñ, kpai amo̩ma-wñ, kpai oj e̩wñ o̩la amo̩ma-wñ manyʼu ge̩; abe̩le̩ i che kʼAro̩n afo̩, tʼe̩wñ o̩la-wñ, kpai amo̩ma-wñ e̩ne̩ke̩le̩, kpai e̩wñ o̩la amo̩ma-wñ manyʼu.

Akwodufu 31:10

kpai otogbo ku ma hi reju kpai otogbo e-efo̩ todu Aro̩n, atama le̩, kpai otogbo amo̩ma-wñ, ku ma ne̩ che e̩wñ atama,

O̩la E̩bite 19:8

Oñ ma du ñw u kʼi nʼukpo line̩n ki nyo̩ ki afane̩, kʼi de̩hiolo bʼo̩la ma: todu ukpo line̩n ki nyo̩ le̩ chʼe̩wñ o̩kpakpa kʼabo kiafo̩ che.

Abo Hibru 7:26

Todu agboji amatama e̩go̩ e-le̩ chʼeju-wñ ñw a, owñ chʼe̩ne̩ ki fe̩, ali e̩bie̩ne̩ dʼef uwñ n, i de̩ jali, i che̩date̩ bʼame̩nadure te̩, oñ i mud e̩ne̩ ki dʼatate̩ tʼefojale efojale le;

Job 40:10

Kʼe̩gahi kpʼuto̩ nyʼo̩la ke; kʼojima kpai alifia bʼo̩la ma.

Akwodufu 28:40

E̩ ki laño̩ chʼafe̩ kpai e̩wñ ujiñmi kpai o̩tajiya ki gbo̩gba tod amo̩ma Aro̩n ge̩; kʼi chʼojima kpai alifia ñw u.

O̩la E̩bite 5:10

oñ e̩ ko ma chʼamonu kpʼamatama ñw O̩jo̩-wa; ma la ajʼonu ane̩ ile̩.

1 Jo̩n 3:2

Ame̩nufe̩do̩, fai a chʼamo̩ma O̩jo̩ me̩; alu kʼa la ade̩ ejo̩gba tejugede ta n, a chema ka kʼowñ kwotejugede a adab owñ, ukpe̩ kʼa ali owñ alu kʼi de̩.

2 Pita 1:17

Todu e̩gba kʼi mʼubumo̩ kpai ojima gba ugbo O̩jo̩ Ata, abu kʼojima inaina le̩ nʼomuko̩la abe̩le̩ wa ñw u kakini, E̩ne̩-i chʼo̩ma ufe̩do̩-mi kʼomi fʼuyo̩-mi li ef uwñ.

Abo Hibru 2:9

A muda jʼagʼe̩ne̩ ku ma fʼu hiwane̩ tʼamonuche̩ le iko pe̩ le̩, todu, lugbo ufe̩de̩nyo̩ O̩jo̩, kʼi dʼuku kad alu tod e̩ne̩ du, owñ che Jisus, todu iwo uku kʼi li, ojima kpʼubumo chʼuloko oji-wñ.

Abo Galatia 3:27

Todu aluka me̩ du ku ma fʼume̩ che baptism tefu Kraist le̩, me̩ mu Kraisti ko bʼo̩la ma me̩.

Abo Rom 13:14

Me̩ kʼi muda mʼOndu Jisus Kraisti dutʼo̩la; me̩ ki kpʼibe tane̩ tod e̩wñ kʼo̩re̩la achʼe̩ño̩-wñ n.

Abo Rom 3:22

owñ chʼo̩kpakpa e-O̩jo̩ ki lʼef e̩do̩ ekono Jisus Kraisti tugbo abo du ku ma ke̩do̩no; todu i nʼojoji ojoji n;

Jo̩n 1:14

O̩la kʼa ka-i la mud ore̩la oñ i ge̩ne̩ ef uwa, (a la fʼojima-wñ li, ojima-wñ dab e-omokpono ugbo Ata-wñ), i che̩ko̩ ñw ufe̩de̩nyo̩ kpʼochochi.

Aizaya 64:6

Todu o̩chaka-wa adab e̩ne̩ kʼo̩la-wñ daji, e̩wñ o̩kpakpa-wa du la dab ukpo elifo̩. Oñ o̩chaka-wa akwacha dab eñmi, udu kʼa fe̩ la akwʼuwa rinyo̩ dabe̩ne̩ kʼafu.

Aizaya 61:10

Nayo̩ efu Jihofa ololo, onugo-mi agwoguyo̩ ef O̩jo̩-mi; todu i mʼe̩wñ o̩la ujadu ko nyʼumi o̩la me̩, i mʼotogbo o̩kpakpa ko nyʼumi o̩la, alu kʼo̩ko̩ o̩ya etito̩ akʼijaga nyʼo̩la dab atama, alu kʼo̩ya etito̩ akʼe̩wñ ijaga-wñ nyʼo̩la.

Aizaya 61:3

kʼu du te̩ ñw abo ku ma daido̩ Zayo̩n— ku ma kʼike̩be̩ ñw ma koji elulu, kpʼekpo uyo̩ koji eku eda, kpʼafe̩ uñwulo̩ koji e̩do̩ ki woji doli; kʼama ki do̩ ma ko̩ oli ok e-o̩kpakpa, e̩wñ ku Jihofa gbe̩ kʼi chʼalifia ñw u.

Aizaya 4:2

Iko le̩ E̩pa e-Jihofa achʼalifia kpʼojima, e̩ro ane̩ kpʼe̩bi-wñ la achʼe̩wñ uba kpʼe̩wñ ijaga ñw abo Israe̩l ku ma mufu tane̩.

Eli Eko̩ DʼO̩jo̩ 149:4

Todu abo Jihofa cherʼowñ e̩do̩; i anʼujadu chʼo̩ñwe̩nyʼame̩ne̩chikimi.

Eli Eko̩ DʼO̩jo̩ 132:16

U ñʼakʼujadu bʼo̩la amatama-wñ ma ge̩, abo-wñ ku ma kpe̩do̩rʼO̩jo̩ akpogu taa noj uyo̩.

Eli Eko̩ DʼO̩jo̩ 132:9

E̩ ki je̩ ñw amatama-we̩ kʼo̩kpakpa bʼo̩la ma, e̩ ki la je̩ ñw abo ku ma kpe̩do̩rʼuwe̩ ku ma chʼo̩ga uyo̩.

Eli Eko̩ DʼO̩jo̩ 96:6

Ojima kpai e̩gahi jʼo̩gba-wñ; ukpahiu kpai alifia jʼef uña-wñ kiafo̩.

Akwodufu 40:13

Tak e̩ mʼe̩wñ o̩la ki afo̩ le̩ ko nyʼAro̩n o̩la; kʼe̩ fʼekpo le̩ batʼowñ o̩la, kʼe̩ che kʼi fo̩, todu kʼi chʼatama kʼi ache e̩wñ ñwu mi.

Aizaya 52:1

Mʼolu ji, mʼolu ji, kʼukpahiu-we̩ bʼo̩la ma, O Zayo̩n; kʼe̩wñ o̩la-we̩ e-alifia nyʼo̩la, O Je̩rusale̩m, ewo kiafo̩ le̩; todu akwʼe̩gba-i nyʼate̩to̩gba e̩ne̩ ki ma de̩pi n kpai e̩niwa agudu wʼefu-we̩ n.

Akwodufu 29:28

E-le̩ ado̩mo̩ ñw Aro̩n kpai amo̩ma-wñ, kʼi chʼe̩wñ uhio̩me̩-ma ogbegbe̩le̩ kwugbo amo̩ma Israe̩l; todu e̩wñ edu nyʼate̩ i che; i achʼe̩wñ ku ma du nyʼate̩ kwef e̩la iche̩bo̩ kʼamo̩ma Israe̩l ako wa chʼe̩wñ ure̩do̩ kʼi chʼe̩wñ-ma ku ma du nyʼate̩ ñwu Jihofa.