Akwodufu 24:9 - O̩TAKADA O̩LA O̩JO̩ 1970

⁹ Taku Mose̩s kpai Aro̩n kpai Nedab kpai Abaihiu kpai abogijo Israe̩l e̩te̩gwa le̩ mute̩gu le.

Akwodufu 24:9 ပူးပေါင်းရင်းမြစ်များ

Akwodufu 24:1

Tak i ka ñwu Mose̩s kakini, E̩ mute̩gu wʼugbo Jihofa-i, uwe̩ kpai Aro̩n kpai Nedab kpai Abaihiu, kpai abogijo Israe̩l e̩te̩gwa, ku me̩ dojikane̩ jo̩ o̩najiji.

Akwodufu 19:24

Taku Jihofa ka ñw u kakini, Gwo̩ru alo, tak uwe̩ kpʼAro̩n ki kpe̩re̩ te̩gu wa, e̩ ki muda je̩ ñw amatama kpai amone̩ gulo̩ wʼugbo Jihofa n, tode̩gba kʼi a gwo̩ko̩ tʼuma o̩la.

Akwodufu 28:1

Tak e̩ mʼo̩maye-we̩, Aro̩n, kpai amo̩ma-wñ e̩ne̩ke̩le̩ ko kwef amo̩ma Israe̩l mʼo̩la, todu ku ma chʼamatama ku ma che e̩wñ ñwu mi—owñ che Aro̩n kpai amo̩ma Aro̩n, Nedab kpai Abaihiu kpai E̩leaza kpai Itamar.

Abo Lifai 10:1

Oñ Nedab kpai Abaihiu, amo̩ma Aro̩n e̩ne̩ke̩le̩, e̩ne̩ne̩ne̩ne̩-ma mʼa-nade-wñ du, ma la fʼuna ne̩ nyʼefu-wñ, oñ ma du e̩wñ ki akpo le̩ nʼoji-wñ, abe̩le̩ ma dʼuna ejaduña wate̩ o̩gba Jihofa, owñ chʼe-kʼi ma ñwa ñwu ma n.

Ekaluka 11:16

Taku Jihofa ka ñwu Mose̩s kakini, E̩ fʼaboke̩le̩ e̩te̩gwa ku ma chʼabogijo Israe̩l do̩ jeju ñwu mi, owñ chʼabo kʼuwe̩ ma ka ku ma chʼabogijo amone̩-i, ku ma la chʼamako̩takada kʼamone̩-i jʼef o̩wo̩-ma; kʼe̩ la ko ma wʼugbo unyabo ujeju, kʼama ki dago o̩mo̩ kpenyʼuwe̩.

Izikie̩l 44:3

I chʼe-idachi, i agugu ejefu-wñ o̩mo̩ kʼi chʼidachi kʼi ajʼuje̩wñ o̩gba Jihofa; i agudu lʼo̩na agbaru aluka, tak i adufu lʼo̩na e-le̩ gbage̩de̩.

Akwodufu 33:20

Ama, i kakini, E̩ neke li eju-mi n; todu one̩ ali mi kʼi adeju n.

Amakajo̩ 13:22

Oñ Manoa ka ñw o̩ya-wñ kakini, Eku a aku chuu, todabu kʼa fʼO̩jo̩ li-i.

1 Amonu 22:19

Taku Maikaya kakini, Todule̩ e̩ nagbʼo̩la Jihofa ke: omi la li Jihofa abu kʼi gugu oj ede-wñ, uwewe abo efojale chaka dago jʼo̩gba-wñ o̩wo̩ awo̩to̩ kpʼo̩wo̩ awohi-wñ.

Aizaya 6:1

O̩do̩ kʼUzaya onu le̩ ku, u fʼOndu li abu kʼi gugu oj ede, i chʼe̩hine tʼatate̩; e̩rane̩ otogbo-wñ che̩ko̩ ef unyi O̩jo̩.