Akwodufu 24:4 - O̩TAKADA O̩LA O̩JO̩ 1970

⁴ Taku Mose̩s fʼo̩la Jihofa du ko̩ nyʼe̩wñ. Oñ i takpa kwane̩ odudu, i la fʼubo̩ iche̩bo̩ ne e̩re̩ uwo o̩mo̩, kpai e̩wñ eguanyane̩ dago me̩gweji, likpa alu kʼo̩lo̩pu o̩lo̩pu abo Israe̩l chʼe̩gwe̩ji.

Akwodufu 24:4 ပူးပေါင်းရင်းမြစ်များ

O̩lo̩da Eduwa Onukeji 31:9

Taku Mose̩s fʼo̩takada uko̩-o̩la-i ko̩, oñ i mʼu ko ñw amatama, amo̩ma Lifai, kʼama ne̩ akpati alo Jihofa kpai abogijo Israe̩l chaka ge̩.

Abakwane̩ 28:18

Taku Jeko̩b takpa kwane̩ odudu, oñ i mʼokuta kʼi dʼoji no le̩ du, i la mʼu du gwanyʼane̩ dago. I mʼekpo du-danyu oji-wñ.

O̩la E̩bite 21:14

Oñ aku ewo le̩ che̩nʼe̩rane̩ me̩gweji, oñ odu me̩gweji e-ame̩nukpuche̩ me̩gweji e-O̩mala le̩ jʼo̩la-wñ.

Abo Galatia 2:9

Oñ abu ku Jeme̩s kpai Kifas kpai Jo̩n, ku ma dabe̩ne̩ kʼugbogaga-ma, chema ufe̩de̩nyo̩ ku ma mudu ñwu mi, ma mʼo̩wo̩-awo̩to̩ e-uta O̩jo̩ Ata du ñw omi kpai Barnabas, todu kʼa ki nyʼugbo abo uche̩ichi, kʼama ki nyʼugbo abo e̩pi-e̩da;

Luku 22:30

todu kʼame̩ ki je̩ kʼame̩ ki ño̩ ñmo̩ oj itebulu-mi ojane̩ e-mi; me̩ lañʼagugu oj ede akajo̩ amo̩lo̩pu Israe̩l me̩gweji le̩.

E̩zra 6:17

E̩wñ ku ma la ko wa e̩gba ku ma bi unyi O̩jo̩ le̩ de̩: amo̩kokuno̩ chʼogume̩lu, amokolo chʼo̩gwo̩ko̩, amo̩mala chʼulo̩ko̩; oñ e̩wñ adure eko wa tod abo Israe̩l chaka chʼamobuko̩ me̩gweji alu kʼaluka o̩lo̩pu o̩lo̩pu abo Israe̩l de̩.

1 Amonu 11:30

Tak Ahija gwo̩nyʼotogbo etito̩ ki nyi le̩, oñ i fʼu fana me̩gweji.

Jo̩shua 4:20

Tak okuta me̩gweji ku ma ko kwefu Jo̩rdan le̩, e-le̩ Jo̩shua muko dago jo̩ Gilgal.

Ekaluka 17:2

E̩ nako̩la ñw abo Israe̩l kʼe̩ la gba o̩kpa o̩kpa kwo o̩wo̩-ma, o̩kpaʼka chʼutodu unyi e̩ne̩fe̩nyiʼka, e̩ gba o̩wo̩ amidachi-ma chaka alu kʼunyi unyi amata-ma de̩, owñ chʼo̩kpa me̩gweji. Tak e̩ fʼodu e̩ne̩ne̩ne̩ne̩ ko̩ nyʼo̩la o̩kpa-wñ.

Abo Lifai 24:5

Tak e̩ mʼomu te̩ke̩te̩ke̩ du kʼe̩ fʼakala me̩gweji de̩; ukpe̩gwa meji ajʼef akalaʼka.

Akwodufu 28:21

Okuta le̩ achʼe̩gweji kʼodu-wñ dʼalu kʼodu amo̩ma e̩ne̩ke̩le̩ Israe̩l de̩; i la adab e̩wñ uhiuko̩, e̩ne̩ne̩ne̩ne̩ anʼodu-wñ todu abo o̩lo̩pu me̩gweji le̩.

Abakwane̩ 31:45

Taku Jeko̩b mʼokuta du, oñ i mudu gwanyane̩ dago.

Abakwane̩ 28:22

e̩gbale̩ tak okuta kʼomi gwanyane̩ dago-i achʼunyi O̩jo̩; e̩wñ du kʼuwe̩ ako ñwu mi nadʼukpe̩ke̩gwa-wñ ñw uwe̩ chuu.

Akwodufu 17:14

Taku Jihofa ka ñwu Mose̩s kakini, Fʼe-i ko̩ nyʼef ubuku ki chʼe̩wñ urewa, kʼe̩ ka ño̩ ka nyu Jo̩shua eti ka kʼomi akpa urewa Amale̩k lu bʼo̩gane̩ efojale te̩ hioko.

Akwodufu 17:15

Taku Mose̩s fʼubo̩ iche̩bo̩ kpa, oñ i dʼodu-wñ ko̩ Jihofa chʼAgaliga-mi,

Akwodufu 21:1

Abʼe-i chʼoj ajo̩ kʼuwe̩ ako jo̩ ñwu ma, kakini,

Akwodufu 24:7

tak i mʼo̩takada alo du, oñ i fʼo̩kalatu-wñ che nyʼamone̩ le̩ eti; taku ma kakini, E̩wñ du ki Jihofa ka le̩, awa ache, a la agbʼo̩la-wñ gbo̩.

Akwodufu 34:27

Taku Jihofa ka ñwu Mose̩s kakini, E̩ nafʼo̩la-i ko̩; todu likpa alu kʼo̩la-i ka, omi fʼalo kpe̩ kpai uwe̩ kpai abo Israe̩l ge̩.

Aizaya 19:19

O̩jo̩ kʼa ka-i ubo̩ iche̩bo̩ Jihofa adago alumeji ane̩ Ijipti, kpai e̩wñ ku ma gwanyidago waala ñw Jihofa alo̩me̩-wñ.

Abakwane̩ 12:7

Taku Jihofa kwotejugede ñw Ebram, oñ i kakini, Ugbe̩-we̩ oñ omi adʼane̩ kide̩ ñw u. Tak o̩mo̩ i fʼubo̩ iche̩bo̩ ne ñwu Jihofa, kʼi kwotejugede ñw u le̩.

Jo̩shua 4:5

oñ Jo̩shua ka ñwu ma kakini, Me̩ ki dʼo̩gba akpati Jihofa O̩jo̩-me̩ le̩ lale rʼalumeji Jo̩rdan kʼe̩ne̩ne̩ne̩ne̩-me̩ kʼi mʼokuta du nʼika-wñ, likpa alu kʼuwewe o̩lo̩pu o̩lo̩pu abo Israe̩l de̩,

1 Amonu 18:31

Tak E̩laija mʼokuta me̩gweji ko, alu kʼo̩lo̩pu o̩lo̩pu amo̩ma Jeko̩b wewe kade, owñ che Jeko̩b kʼo̩la Jihofa wʼugbo-wñ kakini, Ma adʼodu-we̩ ko̩ Israe̩l.

Nihe̩maya 10:1

Oñ abo ku ma fʼu hiuko̩ che Ni-he̩maya igo̩bina, kʼi chʼo̩ma Ha-kaiaya kpai Ze̩de̩kaya