Akwodufu 24:3 - O̩TAKADA O̩LA O̩JO̩ 1970

³ Taku Mose̩s lewa dʼo̩la Jihofa le̩ chaka ka ñw amone̩ le̩ kpai oji ajo̩-wñ kʼi kojo̩ chaka; tak amone̩ le̩ chaka dohi alukate, ma kakini, O̩la du ku Jihofa ka le̩ awa ache.

Akwodufu 24:3 ပူးပေါင်းရင်းမြစ်များ

Akwodufu 19:8

Tak amone̩ le̩ du dohi alukate kakini, E̩wñ du ku Jihofa ka le̩, awa ache. Taku Mose̩s mʼohi o̩la kʼamone̩ ka le̩ du wa ñwu Jihofa.

Akwodufu 24:7

tak i mʼo̩takada alo du, oñ i fʼo̩kalatu-wñ che nyʼamone̩ le̩ eti; taku ma kakini, E̩wñ du ki Jihofa ka le̩, awa ache, a la agbʼo̩la-wñ gbo̩.

Jo̩shua 24:22

Taki Jo̩shua ka ñw amone̩ le̩ kakini, Ame̩ chʼabo ku me̩ gbibenu nyʼo̩la-me̩, ka kʼame̩ mu Jihofa du ku me̩ arʼo̩. Oñ ma kakini, A chʼame̩nibenu abe̩le̩.

O̩lo̩da Eduwa Onukeji 6:1

Uko̩ le̩ kpai uhio̩me̩ kpai oji ajo̩ e-ki Jihofa O̩jo̩-me̩ ñwa ñwu mi kʼu ko̩ me̩ jo̩-i, kʼame̩ ki che tʼeju-wñ oj ane̩ ugbo ku me̩ adaba nyi ku me̩ ne̩ le̩;

O̩lo̩da Eduwa Onukeji 5:1

Taku Mose̩s nomudala do̩ abo Israe̩l chaka, oñ i ka ñwu ma kakini, O Israe̩l, me̩ gbo̩ o̩la uhio̩me̩ kpai oji ajo̩ kʼu naka ñwu me̩ gbo̩ eñini-i, kʼame̩ ki ko̩che̩, ku me̩ la dejutʼo̩ ku me̩ che.

O̩lo̩da Eduwa Onukeji 4:45

abo-i chʼo̩la ibenu kpai uhio̩me̩ kpai oji ajo̩ e-ki Mose̩s ka jane̩ ñw amo̩ma Israe̩l e̩gba ku ma kwʼ Ijipti dufu wa

O̩lo̩da Eduwa Onukeji 4:5

Go, omi fʼo̩la uhio̩me̩ kpai oji ajo̩ ko̩ me̩ alu ki Jihofa O̩jo̩-mi ñwa ñwu mi kʼame̩ ki chʼabe̩le̩ oj ane̩ ugbo kʼame̩ anyi ku me̩ ne̩-i.

O̩lo̩da Eduwa Onukeji 4:1

Fai, O Israe̩l, me̩ netirʼo̩la uhio̩me̩ kpai oji ajo̩ kʼu nako̩ me̩-i, ku me̩ che; todu kʼame̩ ki deju, ku me̩ nyʼo̩mo̩ agba ane̩ ki Jihofa, O̩jo̩ amata-me̩, adu ñwu me̩.

O̩lo̩da Eduwa Onukeji 11:1

Todule̩ uwe̩ ki fe̩do̩ Jihofa O̩jo̩-we̩, kʼe̩ la fʼe̩wñ ide-wñ de, kpai uhio̩me̩-wñ kpai oji ajo̩-wñ kpai uko̩-wñ o̩jo̩ du.

O̩lo̩da Eduwa Onukeji 5:31

I muda chʼe-we̩, uwe̩ ki dago ugbo mi emi, tak u naka ñw e̩ uko̩ du kpai uhio̩me̩ kpai oji ajo̩, kʼuwe̩ ki ko̩ ma, kʼama ki che tʼeju-wñ ojane̩ kʼu nadu ñwu ma ku ma ne̩ le̩.

Akwodufu 24:2

Mose̩s kate ate̩ me̩ru ugbo Jihofa; abo kibo̩ muda ate̩ me̩rʼu n, abo kibo̩ ki la te̩gu wa kpai owñ n.

Jo̩shua 24:24

Tak amone̩ le̩ ka ñwu Jo̩shua kakini, Jihofa O̩jo̩-wa oñ a arʼo̩, omu-wñ a anetirʼu.

Je̩re̩maya 11:4

owñ chʼe-kʼu ñwa ñw amata-me̩ o̩jo̩ kʼu ko ma kwʼoj ane̩ Ijipti kwʼef aido ebije le̩ wa, kakini, Me̩ ki gbʼomu-mi gbo̩, ku me̩ che teju alu du kʼu nañwa ñwu me̩; abe̩le̩ tak ame̩ achʼamone̩-mi, oñ omi achʼO̩jo̩-me̩;

Je̩re̩maya 34:13

Abu ki Jihofa, O̩jo̩ Israe̩l, aka de̩, kakini, Omi kpʼalo kpʼamata-me̩ o̩jo̩ kʼu ko ma kwʼoj ane̩ Ijipti kwef unyi adu le̩ dufu, kakini,

Malakai 2:10

Ata-wa du chʼokate n? I chʼO̩jo̩ okate nyi wa n? E̩wñ chi kʼe̩ne̩ne̩ne̩ne̩-wa adʼo̩wo̩ tef ukpo arʼo̩kpo̩ ñw o̩maye-wñ, kʼa la fʼalo amata-wa bie̩ ta?

Jo̩shua 24:21

Tak amone̩ le̩ ka ñwu Jo̩shua kakini, O̩da; Jihofa oñ a are̩.

2 Iko Iko E̩wn 15:14

Taku ma dʼomu dago ago̩ Jihofa, ma nʼo̩ga achi, ma nʼo̩kakachi afa kpai ibijila.

2 Iko Iko E̩wn 15:15

Tak abo Juda du yo̩ ego ku ma go le̩; todabu kʼe̩do̩-ma chaka tʼego ku ma go̩ le̩, oñ ma tene owñ kpʼe̩do̩-ma chaka. Ma fʼowñ li, taku Jihofa dʼuñmi ñwu ma ale ma daka.

Eli Eko̩ DʼO̩jo̩ 50:5

kakini, Kʼabo ku ma kpe̩do̩rʼumi jeju wʼugbo mi, owñ chʼabo ku ma kpʼalo kpai omi lugbo e̩wñ e̩bie̩ ekpa!

Hagai 2:5

owñ chʼo̩la kʼu kpalo kpʼame̩ e̩gba kʼame̩ kwʼIjipti wa le̩, abe̩le̩ Afu-mi dʼef ume̩; me̩ ki railo n.