Akwodufu 18:9 - O̩TAKADA O̩LA O̩JO̩ 1970

⁹ Oñ Je̩tro kwoyo̩ todu e̩nyo̩ du ku Jihofa che ñw Israe̩l, owñ chʼabu kʼi mʼuma gba kwef o̩wo̩ abo Ijipti.

Akwodufu 18:9 ပူးပေါင်းရင်းမြစ်များ

1 Abo Ko̩rint 12:26

E̩wñ año̩laʼka chaka li uwa, e̩wñ ki ronyʼaño̩la le̩ du abʼo̩ li uwa; ma chaka dʼojima ñw e̩wñ año̩laʼka, e̩wñ año̩la le̩ du abʼo̩ yo̩.

Abo Rom 12:15

Me̩ nabʼabo ku ma yo̩ yo̩; me̩ nabʼabo ku ma raku raku.

Abo Rom 12:10

I chʼeche̩do̩ amo̩maye, me̩ ki che̩do̩ omune̩ dabe̩ne̩ ku me̩ chʼefu; i chʼebumʼone̩, me̩ ki dʼomune̩ tʼo̩gba.

Aizaya 66:10

Me̩ bi Je̩rusale̩m gwoguyo̩, e̩do̩-me̩ ki bo̩ tod uwñ, ame̩ ku me̩ fe̩do̩-wñ chaka; e̩do̩-me̩ ki bo̩ ku me̩ bʼo̩ yo̩, ame̩ ku me̩ daido̩ ñw u le̩ chaka;

Aizaya 44:23

Keli, ame̩ efojale todu Jihofa che me̩; me̩ kpogu, ame̩ o̩wo̩ o̩gane̩ ile̩; me̩ mʼeli da, ame̩ uwo uwo, O efoko, kpai oli du ki jʼef uwñ! Todu Jihofa mi Jeko̩b gba tane̩ me̩, i la adʼojima ñw o̩la-wñ efu Israe̩l.

1 Samiue̩l 15:6

Taku So̩l ka ñw abo Ken kakini, Me̩ kwʼo̩mo̩ alo; me̩ ki kwʼef abo Amale̩k gwo̩ru alo, tode̩gba kʼu nakpa me̩ manyʼuma; todu ame̩ mo̩la ñw amo̩ma Israe̩l e̩gba ku ma kwʼane̩ Ijipti wa. Abe̩le̩ abo Ken kwo bʼef abo Amale̩k te̩.

Aizaya 63:7

Naje̩ ñw ma rewa ufe̩de̩nyo̩ Jihofa, kpai uñwulo̩ Jihofa, teju e̩wñ du ki Jihofa ko ñw a, kpai e̩nyo̩ inaina kʼi che ñw abo unyi Israe̩l owñ chʼe-kʼi ko ñw ma teju alu kʼejumomi-wñ de̩, kpai teju alu kʼufe̩de̩nyo̩-wñ chʼo̩be̩le̩ke̩te̩.

Aizaya 44:22

U fʼada kʼe̩ je̩ gba rinyo̩ dabe̩ne̩ kʼakpa ki chubi, kpʼadure-we̩ dab atula; mudabi aba mi, todu u mʼe̩ gba tane̩ me̩.