Akwodufu 16:34 - O̩TAKADA O̩LA O̩JO̩ 1970

³⁴ Alu ku Jihofa ka ñwu Mose̩s, alu le̩ Aro̩n mʼu du ne o̩gba E̩wñ Ibenu le̩, ku ma fʼu de.

Akwodufu 16:34 ပူးပေါင်းရင်းမြစ်များ

Akwodufu 27:21

Aro̩n kpai amo̩ma-wñ e̩ne̩ke̩le̩ ajʼef unyabo ujeju le̩ ejo̩do̩da ukpo ugbeju ki dʼo̩gba akpati ibenu afʼu te̩ru jo̩ o̩gba Jihofa kwʼolane̩ gbogbo tʼodudu. E-le̩ achʼo̩da ñw amo̩ma Israe̩l gbogbo tʼo̩hio̩gu-ma ogbegbele̩.

Akwodufu 25:21

Tak uwe̩ ki du ugugu unye̩do̩-i tʼoji akpati le̩; tak e̩ mʼe̩wñ ibenu kʼomi ako ñw e̩ ko nyʼef akpati le̩.

Akwodufu 25:16

Tak uwe̩ ako e̩wñ ibenu kʼomi ako ñw e̩ nyʼef akpati le̩.

Ekaluka 17:10

Taku Jihofa ka ñwu Mose̩s kakini, Mʼo̩kpa Aro̩n du dabi tʼo̩gba e̩wñ ibenu le̩ ku ma fʼide-wñ de kʼi chʼujiwe ñw amo̩ma ku ma fʼe̩re̩ ubi ro̩-i; kʼe̩ che kʼeñmini ku ma ka nyu mi o̩la ki muda, kʼama ki we eku.

Akwodufu 40:20

Tak i mʼe̩wñ ibenu le̩ du tʼef akpati, i la mʼugbo̩lo̩ oli ko tunyʼo̩la akpati, tak i dʼugugu unye̩do̩ nyʼate̩ kʼi nʼoji akpati le̩;

Akwodufu 31:18

E̩gba kʼi fʼoluka che kpai Mose̩s oj uwo Sainai kpa, i la mʼalo ibenu meji le̩ ko ñw u, alo okuta i che, o̩wo̩ O̩jo̩ ko̩.

Akwodufu 30:36

e̩ bu kwefu-wñ kʼe̩ fʼu gwu ne̩ke̩ne̩ke̩ kʼe̩ dʼu kwefu-wñ tʼo̩gba e̩wñ ibenu ef unyabo ujeju ugbo kʼomi ade kpai uwe̩; e̩wñ ki afo̩ e-efo̩ ñwu me̩ i che.

Akwodufu 30:6

Tak e̩ mʼu du dago o̩gba ukpo ugbeju e-kʼi dʼugbo akpati ibenu le̩, o̩gba ugugu unye̩-do̩ kʼi bʼoji e̩wñ ibenu le̩ ma, ugbo kʼomi ade kpai uwe̩.

1 Amonu 8:9

E̩wñ du la dʼef akpati le̩ n, chai alo okuta meji ku Mose̩s ko jʼo̩mo̩ Ho̩re̩b le̩, owñ chʼe̩gba ki Jihofa kpʼalo kpai amo̩ma Israe̩l, e̩gba ku ma kwʼoj ane̩ Ijipti wa le̩.

O̩lo̩da Eduwa Onukeji 10:5

Tak u murida gwo̩ru uwo le̩ wane̩, oñ u mʼalo le̩ ko jʼef akpati kʼu che le̩; o̩mo̩ i la jo̩ alu ki Jihofa ñwa ñwu mi.

Ekaluka 1:53

Abo Lifai muda afa unyabo-ma lʼuña ugugu ibenu le̩ daka, todu kʼuwe̩do̩ ki we ebʼo̩gbadu amo̩ma Israe̩l ma; abo Lifai la ade e̩wñ ide uña e-ugugue̩-ibenu le̩.

Ekaluka 1:50

e̩ ki la ko abo Lifai jo̩ ku ma nʼo̩da uña ugugu e-ibenu le̩ kpai ane̩-wñ chaka kpai e̩wñ kwe̩ kwe̩ kwe̩ du ki jʼo̩la-wñ; ama ane̩ uña ugugu le̩ kpai ane̩-wñ chaka, oñ ama ache e̩wñ ñw u, uru-ma la ale uña ugugu le̩ daka.

Akwodufu 38:21

Aluka e̩wñ todu uña ugugu le̩ de̩, owñ chʼuña ugugu e-ibenu le̩, ku ma kaluka-wñ alu ku Mose̩s dʼalu ñwu ma le̩, owñ chʼuko̩lo̩ kʼabo Lifai ku ma jʼef o̩wo̩ Itamar o̩ma Aro̩n atama che.