Akwodufu 14:4 - O̩TAKADA O̩LA O̩JO̩ 1970

⁴ Oñ nache kʼe̩do̩ Fero ki gbiti, tak i arano ma; tak omi anʼojima ugbo Fero kpai ugbo abogu-wñ chaka; tak abo Ijipti ama ka kʼomi Jihofa de̩. Ma la fʼabe̩le̩ che.

Akwodufu 14:4 ပူးပေါင်းရင်းမြစ်များ

Abo Rom 9:17

Todu O̩takada O̩la O̩jo̩ ka ñwu Fero kakini, Tod e̩wñ-i gbage̩de̩ oñ u dʼuwe̩ kwane̩-i, owñ chʼutodu kʼu dʼukpahiu-mi ñe̩ña ef uwe̩, todu ku ma ki dʼodu-mi kpogo ugbo du ane̩ ile̩-i.

Akwodufu 7:5

Tak abo Ijipti ama ka kʼomi Jihofa de̩, e̩gba kʼu fʼo̩wo̩-mi nadala nʼIjipti, kʼu nako amo̩ma Israe̩l kwʼefu-ma dufu.

Akwodufu 7:3

Omi muda ache e̩do̩ Fero ki gbiti, oñ nache kʼujiwe-mi kpai e̩wñ uno̩-mi ki wewe nyo̩gba oj ane̩ Ijipti.

Akwodufu 9:16

i muda chʼutodu e̩wñ-i gbage̩de̩ oñ omi dʼuwe̩ kwane̩, todu kʼu dʼukpahiu-mi ñʼuwe̩, todu ku ma ki dʼodu-mi kpogo ugbo du ane̩-ile̩-i.

Akwodufu 7:17

Abu ku Jihofa aka de̩, kakini, Ef e-i oñ uwe̩ ama ka kʼomi Jihofa de̩: go, nadʼo̩kpa ki dʼo̩wo̩-mi-i gwo omi Naye̩l-i, oñ i arida e̩bie̩,

Abo Rom 11:8

i dʼalu ku ma ko̩tane̩ le̩ kakini, O̩jo̩ mʼafu ki aje̩ ñwu ma lʼolu e̩ja du ñwu ma, owñ chʼeju ki ma gane̩ n, kpai eti ki ma gbo̩la n, gbogbo tʼojolu ñini.

Izikie̩l 39:13

Ochochi, o̩chaka abo ane̩-i ako ma ji; oñ i amud e̩wñ uwohi ñwu ma o̩jo̩ kʼu fʼojima-mi ne̩, Ondu Jihofa ka-i.

Izikie̩l 28:22

kʼe̩ kakini, Abu kʼOndu Jihofa aka de̩ kakini: Go, omi chʼe̩nagwunyʼuwe̩, O Saido̩n, ma la adʼojima ñw mi alumeji-we̩ chuu. Oñ e̩gba kʼu fʼe̩wñ kʼoji ajo̩ ka che ef uwñ ku ma la che kʼomi afo̩ ef uwñ, tak ama ama ka kʼomi Jihofa de̩;

Izikie̩l 20:9

U muda che tod odu-mi, ki we ebie̩ eju abo uche̩ichi uche̩ichi ku ma jʼef uma le̩, kʼomi laño̩ je̩ ñwu ma fʼumi ma eju abo le̩, owñ chʼeko ma kʼu ko ma kwʼoj ane̩ Ijipti dufu wa.

Nihe̩maya 9:10

Uwe̩ la dʼujiwe kpai uno̩ ñe̩ña abʼiFero kpai amadu-wñ du kpai abo ojane̩-wñ du ma; todu uwe̩ ma ku ma ñwo̩ ñwu ma. Oñ e̩ fʼodu ne̩ ñw o̩la-we̩, alu kʼi de̩ eñini-i.

Akwodufu 18:11

Ifai tak u chema ka ku Jihofa tʼamo̩jo̩ du le; ochochi, efu e̩wñ ku ma du buba ñwu ma le̩ owñ tʼuma le.

Akwodufu 14:8

Jihofa la che e̩do̩ Fero onu Ijipti ki gbiti, tak i rano amo̩ma Israe̩l todu amo̩ma Israe̩l dufu kpai o̩wo̩ edago.

Abo Rom 9:18

Todabe̩le̩, e̩ne̩ kʼi dʼowñ e̩do̩ i ali ejumomi-wñ, oñ e̩ne̩ kʼi dʼowñ e̩do̩ i adʼe̩do̩ e̩no̩ ñw u.

Akwodufu 10:27

Ama Jihofa ño̩ che kʼe̩do̩ Fero ki gbiti waa, oñ i ko̩ etʼuma no̩.

Akwodufu 14:3

Todu Fero anʼo̩la amo̩ma Israe̩l aka kakini, Ma chila jo̩ oj ane̩-i me̩; aje̩tachi le̩ re nyu ma.

Akwodufu 14:5

Oñ ma mudu ka ñw onu Ijipti ka kʼamone̩ le̩ ra le, tak e̩do̩ Fero kpai e̩do̩ abuko̩lo̩-wñ rida ugbo amone̩ le̩, oñ ma kakini, E-kʼa che-i chʼe̩wñ taa? kʼa tʼabo Israe̩l no̩ ku ma we uko̩lo̩ adu eche ñw a?

Akwodufu 14:23

Tak abo Ijipti rano ma, oñ ma tʼuma ubi gbogbo nyʼalumeji ohimini, ananya Fero chaka kpai o̩ko̩ ogu-wñ kpai amanʼanya-wñ.

Akwodufu 14:25

I la fʼo̩da o̩ko̩ ogu-ma chi rinyo̩, tak ule̩ ele̩-ma mud akanya ñwu ma; oñ abo Ijipti kakini, A ki ra bʼeju abo Israe̩l te̩; todu Jihofa akʼogu bʼabo Ijipti todu ma.

Abo Lifai 10:3

Taku Mose̩s ka ñw Aro̩n kakini, E̩wñ ki Jihofa ka le̩ de̩, i kakini, Abo ku ma te̩ me̩ru mi ki bute̩ ñw efo̩-mi, ma abʼojima mʼumi eju amone̩ du. Tak Aro̩n chechi.

Izikie̩l 32:15

E̩gba kʼu na Iʼane̩ Ijipti chʼalache̩ te̩ kʼe̩wñ kʼi te̩te̩chʼe̩kefu-wñ ma ño̩ do̩mo̩ ge̩ n, kʼu fʼabo du ku ma gugu o̩mo̩ kpa, tak ama ama ka kʼomi Jihofa de̩.

Akwodufu 6:7

Tak u nako me̩ chʼabo-mi, oñ omi achʼO̩jo̩-me̩; taku ame̩ ama ka kʼomi che Jihofa, O̩jo̩-me̩, kʼi ko me̩ kwʼef uko̩lo̩ adu e-abo Ijipti eche le̩.

Akwodufu 10:2

todu kʼuwe̩ ki kʼinabali alu kʼu che abo Ijipti kpai ujiwe kʼomi che efu-ma nyʼo̩ma-we̩ kpai aaju-we̩ e̩ti; todu kʼuwe̩ ama ka kʼomi Jihofa de̩.

Akwodufu 12:28

Tak amo̩ma Israe̩l nyʼache abe̩le̩; alu ku Jihofa ñwa ñwu Mose̩s kpai Aro̩n, alu le̩ ma che.

Jo̩shua 11:20

Todu Jihofa dʼe̩do̩ e̩gbiti ñwu ma, ku ma kʼogu wa bʼabo Israe̩l ma, kʼi mu ma kojo̩ ñw O̩jo̩ kʼe̩ne̩ du ki we eli ma eju, todu kʼi kpa ma rinyo̩, alu ki Jihofa ñwa ñwu Mose̩s le̩.

Amakajo̩ 4:7

Tak u nafu Sisera kʼi chʼonu ogu Jebin manyʼo̩ko̩ ogu-wñ, kpai o̩wo̩ amone̩-wñ fa wʼugbo we̩, ugbo ukpolo Kisho̩n oñ namʼowñ du nyʼuwe̩ o̩wo̩.

Izikie̩l 38:16

tak uwe̩ ate̩gu wa kʼe̩ kobo̩ abo-mi Israe̩l, dabe̩ne̩ kʼakpa ki abʼoj ane̩ ma. Oñ i awache iko o̩jo̩ otitala, kʼomi adʼuwe̩ wa akobʼane̩-mi kʼabo uche̩ichi uche̩ichi ki fʼumi ma, e̩gba kʼu chʼo̩la-mi kʼu fo̩ alumeji-we̩ eju-ma, O Go̩g.

Izikie̩l 38:23

Tak u nache kʼomi onugo anana eju-ma, kʼu ño̩ fo̩, oñ naje̩ ñwu ma fʼumi ma eju abo uche̩ichi uche̩ichi wewe; tak ama ama ka kʼomi Jihofa de̩.